અરુણાચલી ડૉક્ટરને તમિલ બોલતા જોઈને દંગ રહી ગયા મદ્રાસ રેજિમેન્ટના સૈનિકો, લોકોએ કહ્યું આ જ છે અસલી ‘જોડો ઈન્ડિયા’ અભિયાન

ભાષાઓમાં (languages) વિવિધતાનો વારસો ધરાવતો વિશ્વનો એક અનોખો દેશ ભારત છે. અહીં અનેક પ્રકારની ભાષાઓ બોલાય છે. જ્યારે કેટલાક શબ્દો ઘણી ભાષાઓમાં સમાન હોય છે, ઘણી ભાષાઓ સંપૂર્ણપણે અલગ હોય છે. ઉદાહરણ તરીકે, દક્ષિણના રાજ્યોની (South States) ભાષા સંપૂર્ણપણે અલગ છે, જે પૂર્વીય પ્રદેશમાં રહેતા ભારતીય દ્વારા સરળતાથી બોલી શકાતી નથી. પરંતુ વિવિધતા દર્શાવતો એક વીડિયો આ દિવસોમાં સોશિયલ મીડિયા પર વાયરલ થઈ રહ્યો છે. જે જોઈને કોઈને ચોક્કસ નવાઈ લાગશે.

આપણા દેશમાં એવા ઘણા લોકો છે જેમને દેશની વિવિધ ભાષાઓનું જ્ઞાન છે અને તેઓ કોઈપણ રાજ્યના કોઈપણ વ્યક્તિ સાથે તેમની પ્રાદેશિક ભાષામાં વાત કરી શકે છે. હવે આ વીડિયો પર એક નજર નાખો જે સામે આવ્યો છે. જેમાં એક અરુણાચલી ડૉક્ટરે મદ્રાસ રેજિમેન્ટના એક જવાન સાથે તેની જ ભાષામાં વાત કરીને આશ્ચર્યચકિત કરી દીધા હતા. જવાન અને ડોક્ટર વચ્ચેની વાતચીતનો આ વીડિયો લોકોને પસંદ આવી રહ્યો છે.

અહીં, વીડિયો જુઓ

આ વીડિયો અરુણાચલ પ્રદેશના મુખ્યમંત્રી પેમા ખાંડુએ શેર કર્યો છે. જેની સાથે તેણે લખ્યું, ‘ડૉ. લેમ દોરજીએ તમિલનાડુમાં મેડિસિનનો અભ્યાસ કર્યો. આ જ કારણ છે કે તે તમિલ સારી રીતે બોલી શકે છે. જેના કારણે યુવક ખૂબ જ આશ્ચર્યમાં છે. આ બંને તવાંગમાં તિબેટ સરહદ નજીક ઓમથાંગ ખાતે મળ્યા હતા અને તમે તેને સાચી રાષ્ટ્રીય એકતાનું ઉદાહરણ કહી શકો! અમને અમારી ભાષાકીય વિવિધતા પર ગર્વ છે.”

વીડિયોમાં તમે જોઈ શકો છો કે, ડોક્ટર સાહેબ અટક્યા વગર યુવક સાથે તમિલમાં વાત કરી રહ્યા છે. લોકો ડોક્ટરની સ્ટાઈલને પસંદ કરી રહ્યા છે. આ વીડિયોને ટ્વિટર યુઝર્સ દ્વારા પણ ખૂબ પસંદ કરવામાં આવી રહ્યો છે. એક યુઝરે લખ્યું, ‘એક ભારત, શ્રેષ્ઠ ભારત..! તે જ સમયે, અન્ય એક યુઝરે લખ્યું, ‘આ રીતે વિવિધતાનું સન્માન કરીએ છીએ.’ આ સિવાય અન્ય ઘણા લોકોએ ડૉક્ટરની જોરદાર પ્રશંસા કરી છે.