Amazing Video: શું વાત છે..! વરસાદમાં નાના ભૂલકાઓએ શેયર કરી છત્રી, નિખાલસ ભાવે નિભાવી મિત્રતા

ઈન્ટરનેટની (Social Media) દુનિયામાં દરરોજ સેંકડો ફની વીડિયો (Funny Video) વાયરલ થાય છે. જે યૂઝર્સ દ્વારા ખૂબ જ પસંદ કરવામાં આવે છે, પરંતુ જ્યારે પણ મિત્રતા સાથે જોડાયેલો વીડિયો સામે આવે છે ત્યારે અમને અમારું બાળપણ યાદ આવી જાય છે. કહેવાય છે કે મિત્રતાનો સંબંધ દરેક સંબંધ કરતા મોટો હોય છે અને જો મિત્રતા બાળપણની હોય તો અલગ વાત છે. જો કે સોશિયલ મીડિયા પર મિત્રતાના (Friendship Video) ઉદાહરણો આપતા ઘણા વીડિયો છે, જે ફિલ્માવવામાં આવ્યા છે, પરંતુ સાચી મિત્રતાના ઉદાહરણો સાથેના વાસ્તવિક વીડિયો ભાગ્યે જ જોવા મળે છે. આવો જ એક વીડિયો આજકાલ સોશિયલ મીડિયા પર ખૂબ વાયરલ થઈ રહ્યો છે. આ જોયા પછી તમને તમારા બાળપણના મિત્રો ચોક્કસ યાદ આવશે.

વાયરલ થઈ રહેલો આ વીડિયો કોઈ ગામડાંનો હોય તેવું લાગી રહ્યું છે, જ્યાં શાળાએથી ઘરે જઈ રહેલા બાળકોનું એક જૂથ એક જ છત્રીમાં જતું જોવા મળે છે. સામાન્ય રીતે, શાળામાં લડતાં આ બાળકો જે રીતે એકબીજાને સાથ આપતા હોય છે, તે ચોક્કસપણે તમને વિચારતા કરી દેશે કે મિત્રો સાથે પણ આવો વ્યવહાર કરી શકાય છે.

અહીં વીડિયો જુઓ………

આ વીડિયોને IAS ઓફિસર અવનીશ શરણે સોશિયલ મીડિયા પર શેર કર્યો છે અને લખ્યું છે ‘દોસ્તી’. આ વીડિયો લખાયો ત્યાં સુધી 12 લાખથી વધુ લોકોએ આ વીડિયો જોયો છે અને 59 હજારથી વધુ લોકોએ આ ક્લિપને લાઈક કરી છે. આ સાથે લોકો તેના પર કોમેન્ટ કરીને પોતાનો પ્રતિભાવ આપી રહ્યા છે.

આ વીડિયોને શેર કરતા એક યુઝરે લખ્યું, ‘બડે દિલવાલે… નાના-નાન મિત્રો! જ્યારે અન્ય એક યુઝરે લખ્યું, ‘તેમની મિત્રતા જોઈને મને મારા બાળપણના મિત્રની યાદ આવી ગઈ.’ અન્ય એક યુઝરે લખ્યું, ‘ અત્યારે છત્રી 5 છે, પરંતુ હવે આવો એક પણ મિત્ર નથી..! આ સિવાય પણ ઘણા લોકોએ આ અંગે કમેન્ટ કરી છે.