દુનિયાની તમામ મહિલાઓએ તેમના જીવન દરમિયાન ક્યારે ને ક્યારે તો છેડતી, ખરાબ નજર અને ભદ્દી કોમેન્ટ્સનો સામનો કર્યો જ હશે. સામાન્ય મહિલાઓથી લઇને સેલિબ્રિટીઝ અને સ્ટાર્સ સાથે પણ છેડતીની ઘટના થઇ હોવાના સમાચાર તો તમે સાંભળ્યા કે વાંચ્યા જ હશે પરંતુ જો અમે તમને કહીંએ કે એક મહિલા પોલીસ કર્મી સાથે પણ રોજ છેડતી થાય છે તો શું તમે માનશો ?
સુંદર દેખાવુ કોને ન ગમે? સુંદર દેખાવા માટે ઘણી સ્ત્રીઓ સર્જરી કરાવે છે, કોસ્મેટિકનો ઉપયોગ કરે છે, પરંતુ શું કોઇના માટે આ સુંદરતા પણ સમસ્યા બની શકે છે ? જી હાં, એક મહિલા પોલીસકર્મી સાથે આવું જ કંઈક થયું.
સુંદરતા ઈંગ્લેન્ડની આ મહિલા પોલીસકર્મી માટે ‘મુશ્કેલી’ બની ગઈ હતી. પોલીસકર્મી નિકોલા ટર્નરને (Nicole Turner) તેની સુંદરતાના કારણે ઘણી વખત મુશ્કેલીનો સામનો કરવો પડ્યો છે. જ્યારે પણ નિકોલા તેના યુનિફોર્મમાં રસ્તાઓ પર ઉતરે છે, ત્યારે તેને દુર્વ્યવહારનો સામનો કરવો પડે છે. નિકોલા કહે છે કે, એકવાર જ્યારે તે ફૂટબોલ મેચ જોવા ગઈ ત્યારે તેની છેડતી કરવામાં આવી. એકવાર પબની બહાર 100 લોકોએ તેની સાથે ગેરવર્તન કર્યું.
નિકોલા ટર્નર કહે છે, લોકો તેને પોલીસ નહીં પણ ‘સ્ટ્રિપર’ તરીકે સમજવા લાગે છે. આ કારણે જ્યારે તે ફરજ પર હોય છે ત્યારે લોકો તેની છેડતી કરે છે. તે દરરોજ ખોટી ટિપ્પણીઓનો સામનો કરે છે. આટલું જ નહીં, કેટલીકવાર મહિલાઓ પણ નિકોલા સાથે ખરાબ વર્તન કરે છે કારણ કે મહિલાઓ તેની સુંદરતાની ઈર્ષ્યા કરે છે. નિકોલા કહે છે કે તેને વારંવાર કહેવા છતાં પણ લોકો એ માનવા તૈયાર નથી કે તે સ્ટ્રિપર નથી પરંતુ પોલીસ છે.
આ પણ વાંચો –
આ પણ વાંચો –
આ પણ વાંચો –