Viral Video : મજૂરનો પ્રેરક વીડિયો થયો વાયરલ, યુઝર્સે કહ્યું- જીવનમાં બસ આવી હિંમત જોઈએ છે

સોશિયલ મીડિયા પર રમૂજી, ભાવુક અને સ્ટંટ જેવા ખતરનાક કારનામાંના અનેક વીડિયો વાયરલ થતા હોય છે. આ બધા વચ્ચે કેટલાક વીડિયો એવા પણ જોવા મળે છે, જે લોકોને જીવનમાં મોટિવેશન પૂરું પાડે છે. હાલમાં આવો એક વીડિયો સોશિયલ મીડિયા પર વાયરલ થઈ રહ્યો છે. સોશિયલ મીડિયા પર વાયરલ થઈ રહેલા વીડિયોમાં એક મજૂરનો સંઘર્ષ જોવા મળી રહ્યો છે. મજૂરનો આ સંઘર્ષ જોઈ સોશિયલ મીડિયા યુઝર્સ દંગ રહી ગયા છે, જેને કારણે આ વીડિયો સોશિયલ મીડિયા પર ભારે વાયરલ થઈ રહ્યો છે.

આ વીડિયો પોલીસ સેવાના એક અધિકારી આરિફ શેખ દ્ધારા ટ્વિટર પર શેયર કરવામાં આવ્યો છે. આ વીડિયોના કેપ્શનમાં લખવામાં આવ્યું છે કે, જીવનમાં કઈક મળે કે નહીં મળે, પણ આવી હિંમત જરુર મળવી જોઈએ. સોશિયલ મીડિયા પર વાયરલ થઈ રહેલા વીડિયોમાં ભારતના એક શહેરના બજારની ભીડભાડવાળી ગલી જોવા મળી રહી છે. આ રસ્તા પર એક મજૂર સાઈકલ પર જઈ રહ્યો છે. વીડિયો જોઈને તમને નવાઈ લાગશે કારણે કે આ મજૂર માથા પર કોઈક સામાન લઈને સાઈકલનું હેન્ડલ પકડયા વગર તે ભીડભાડવાળી ગલ્લીમાં આગળ વધી રહ્યો છે.

તેના ચહેરા પર કોઈ ડર નથી. તે પૂરી હિંમત સાથે સાઈકલ અને તેના સામાનને નિયંત્રિત કરી રહ્યો છે. ઓછી સુવિધા સાથે પરિવારનું ગુજરાન ચલાવવા આવો સંઘર્ષ કરતા અનેક મજૂરોને તમે રોજ જોતા જ હશો. આ વીડિયો કઈ જગ્યાનો છે તે જાણવા નથી મળ્યું પણ આ વીડિયોને કારણે લોકોનું ખુબ પ્રેરણા મળી રહી છે.

આ રહ્યો એ વાયરલ વીડિયો

આ વાયરલ વીડિયો સોશિયલ મીડિયા પ્લેટફોર્મ ટ્વિટર પરથી શેયર કરવામાં આવ્યો છે. સોશિયલ મીડિયા પર આ વીડિયો ભારે વાયરલ થઈ રહ્યો છે. સોશિયલ મીડિયા યુઝર્સ આ વીડિયોને ખુબ પસંદ કરી રહ્યા છે. સોશિયલ મીડિયા યુઝર્સ આ વીડિયોને શેયર કરવાની સાથે સાથે તેના પર પોતાની પ્રતિક્રિયા પણ આપી રહ્યા છે.

એક સોશિયલ મીડિયા યુઝરે આ વીડિયો પર પ્રતિક્રિયા આપતા લખ્યુ છે કે, બસ આવી હિંમત જોઈએ છે જીવનમાં. બીજા સોશિયલ મીડિયા યુઝરે પ્રતિક્રિયા આપતા લખ્યુ છે કે, બેસ્ટ મોટિવેશનલ વીડિયો. અન્ય એક સોશિયલ મીડિયા યુઝરે પ્રતિક્રિયા આપતા લખ્યુ છે કે, આ મહેનતુ વ્યક્તિને સલામ.