Viral: શખ્સે ગજબનો દિમાગ લગાવી કરી શેરડીની ચોરી, લોકોએ કહ્યું ‘આઈન્સટાઈન કરતા પણ તેજ બુદ્ધિ છે’

હવે સામે આવેલો આ વીડિયો (Viral video) જ જુઓ, એક ચોરે પોતાના હાથની એવી કરામત દેખાડી, જેને જોઈને ભલભલા લોકો દંગ રહી ગયા અને કહી રહ્યા છે કે ભાઈ તેનું મગજ વૈજ્ઞાનિક કરતા પણ તેજ છે.

Viral: શખ્સે ગજબનો દિમાગ લગાવી કરી શેરડીની ચોરી, લોકોએ કહ્યું 'આઈન્સટાઈન કરતા પણ તેજ બુદ્ધિ છે'
Man Stole Sugarcane
Image Credit source: Instagram
TV9 GUJARATI

| Edited By: Pankaj Tamboliya

Mar 21, 2022 | 8:07 AM

ઘણીવાર એવું કહેવાય છે કે ચોરોને માત્ર હાથની સફાઈ બતાવવાનો મોકો જોઈએ છે, મોકો મળતાં જ તેઓ દિમાગનો ઉપયોગ કરીને એવું કંઈક કરે છે. આ જોઈને લોકોના મગજનો ફ્યૂઝ ઉડી જાય છે. જ્યાં ઘણી વખત ચોર દિવસના અજવાળામાં ચોરી કરે છે, ત્યાં આ ચોરો ક્યારેક બધાની સામે પોતાના હાથની સફાઈ બતાવે છે. હવે સામે આવેલો આ વીડિયો (Viral video) જ જુઓ, એક ચોરે પોતાના હાથની એવી સફાઈ દેખાડી, જેને જોઈને ભલભલા લોકો દંગ રહી ગયા અને કહી રહ્યા છે કે ભાઈ તેનું મગજ વૈજ્ઞાનિક કરતા પણ તેજ છે.

દુનિયામાં એકથી એક ચડિયાતા ચોર છે, જેઓ ચોરી કરવા માટે અદ્ભુત રીત અપનાવે છે. કેટલાક ચોર એટલા હોશિયાર અને સ્માર્ટ હોય છે તો કેટલાક ચોર ચોરી કરવા માટે ખૂબ જ વિચિત્ર રીત અપનાવે છે. આ દિવસોમાં આવી જ અજીબોગરીબ ચોરીનો એક વીડિયો વાયરલ થઈ રહ્યો છે. જેને જોયા બાદ બધા આશ્ચર્યચકિત થઈ ગયા છે.

વાયરલ થઈ રહેલા આ વીડિયોમાં એક ચોર શેરડીની એટલી ચતુરાઈથી ચોરી કરે છે, કોઈને પણ તેની ચોરીની ખબર ન પડે. આ વીડિયોમાં એક ચોર શેરડીની ચોરી કરવા શેરડીના ખેતરમાં ઘૂસી જાય છે. આ પછી, એક મોટી શેરડીને બે ભાગોમાં કાપીને વચ્ચેનો ભાગ લે છે અને સોયની મદદથી બાકીના ઉપર અને નીચેના ભાગોને જોડે છે. જેથી કોઈને તેના કારનામા પર શંકા ન થાય!

આ વીડિયો સોશિયલ મીડિયા પર જોરદાર વાયરલ થઈ રહ્યો છે. સોશિયલ મીડિયા યુઝર્સ આ વીડિયો જોઈને આશ્ચર્યચકિત થઈ ગયા છે. એક યુઝરે લખ્યું, ‘વૈજ્ઞાનિકો પાસે પણ એટલું મગજ નથી.’ જ્યારે બીજા યુઝરે લખ્યું, ‘ભાઈ સાહેબ, શખ્સે શું દિમાગ લગાવ્યો છે.’ અન્ય એક યુઝરે લખ્યું, ‘તેની બુદ્ધિ આઈન્સ્ટાઈન કરતા ઝડપી છે. આ સિવાય ઘણા અન્ય વપરાશકર્તાઓએ આ અંગે તેમના પ્રતિભાવો આપ્યા છે.

આ પણ વાંચો: Detox Water : શરીરનું વજન ઘટાડવા ડીટોક્સ વોટર છે અસરકારક ઉપાય

આ પણ વાંચો: ‘હજુ સમાપ્ત નથી થઈ કોરોના મહામારી, આવનારા દિવસોમાં કોરોનાના કેસોમાં થઈ શકે છે ઉતાર-ચઢાવ’ – અમેરિકન સર્જન વિવેક મૂર્તિનું નિવેદન


Follow us on

Related Stories

Most Read Stories

Click on your DTH Provider to Add TV9 Gujarati