Shocking Video: વ્યક્તિએ બતાવી ગજબની હિમ્મત, ખતરનાક મગરને પણ ભાગવું પડ્યું ભારે

મગર (Crocodile)વિશ્વના સૌથી ભયજનક પ્રાણીઓમાંનું એક છે, જે માત્ર જમીન પર જ ખતરનાક નથી, પરંતુ પાણીમાં પણ વધુ ખતરનાક બની જાય છે. ધારો કે સિંહોથી તમે પાણીમાં જઈને તમારો જીવ બચાવી શકો છો, પરંતુ મગરની ચુંગાલમાંથી બચવું ખૂબ મુશ્કેલ છે. તમે તેમના ઉગ્ર અને નિર્દય સ્વભાવનો અંદાજો એ વાત પરથી લગાવી શકો છો કે એક મોટો મગર પણ નાના મગરને ખાઈ જાય છે, એટલે કે તેમની પોતાની પ્રજાતિ પણ તેમનાથી સુરક્ષિત નથી. આવી સ્થિતિમાં જરા વિચારો કે જો કોઈ વ્યક્તિ તેમની ચુંગાલમાં ફસાઈ જશે તો તેનું શું થશે. આજકાલ સોશિયલ મીડિયા પર આવો એક વીડિયો વાયરલ (Viral Video)થઈ રહ્યો છે, જેને જોઈને બધા ચોંકી ગયા છે.

આ વીડિયોમાં એક વિશાળ મગર પાણીમાંથી બહાર આવે છે અને એક વ્યક્તિ પર હુમલો કરવાનો પ્રયાસ કરે છે, પરંતુ તે પછી તે એટલી જ ઝડપથી ભાગી જાય છે અને પાણીમાં જાય છે. તેનું કારણ એ છે કે વ્યક્તિએ જે હિંમત બતાવી અને જે રીતે તેને માત્ર તપેલી વડે મારીને તેને ભગાડી દીધો, તે પ્રશંસનીય છે. વીડિયોમાં તમે જોઈ શકો છો કે કેવી રીતે એક મગર તેનું મોટું મોઢું ખુલ્લું રાખીને વ્યક્તિ તરફ ઝડપથી દોડી આવે છે, પરંતુ જેવી તે તેની નજીક પહોંચે છે, તેવું જ તે વ્યક્તિ તેને ફ્રાય પેન વડે જોરથી ફટકારે છે. બે વખત મગરને માથામાં ફ્રાય પેન મારતા ત્યાં રોકાવાનું નામ પણ લેતો નથી. તે આવ્યો હતો તેટલી ઝડપથી ભાગી ગયો.

આ ચોંકાવનારો વીડિયો સોશિયલ મીડિયા પ્લેટફોર્મ ટ્વિટર પર એમી સિંકલેર નામના આઈડીથી શેર કરવામાં આવ્યો છે. 8 સેકન્ડના આ વીડિયોને અત્યાર સુધીમાં 60 હજારથી વધુ વખત જોવામાં આવ્યો છે, જ્યારે સેંકડો લોકોએ આ વીડિયોને લાઈક કરીને વિવિધ પ્રતિક્રિયાઓ પણ આપી છે.