આજે સોશિયલ મીડિયાનો જમાનો છે. આજકાલ કોઈ પણ વસ્તુ વાયરલ થતા વાર નથી લાગતી. સોશિયલ મીડિયા (Social Media)ના વિવિધ પ્લેટફોર્મ જેમ કે ફેસબુક (Facebook), ટ્વિટર (Twitter) અને ઈન્સ્ટાગ્રામ (Instagram) વગેરે પર દરરોજ હજારો વીડિયો અને તસવીરો વાયરલ (Viral Photo) થઈ રહી છે.
ખાસ કરીને પ્રાણીઓના ચિત્રો અને વીડિયો. તમે આવા ઘણા વાયરલ વીડિયો જોયા હશે જેમાં લોકો કૂતરા સાથે રમે છે, કૂદતા હોય છે, તેમની સાથે પ્રેમ કરે છે, પરંતુ સોશિયલ મીડિયા પર આજકાલ કૂતરા સાથે જોડાયેલી એક એવી તસ્વીર વાયરલ થઈ રહી છે, જેણે લોકોના દિલ જીતી લીધા છે.
તમે જોયું જ હશે કે સામાન્ય રીતે લોકો પોતાના પાલતુ કૂતરાઓને રહેવા માટે એક નાનું ઘર બનાવે છે, પરંતુ કેટલાક લોકો એવા હોય છે જેમની પાસે પોતાના રહેવા માટે ઘર પણ નથી હોતું, પરંતુ તેમની દરિયાદીલી એવી હોય છે કે, કોઈપણને તેમના દીલ રૂપી ઘરમાં સમાવી રાખવાની શક્તિ છે. વાયરલ થઈ રહેલી તસવીરમાં પણ આવો જ નજારો જોવા મળી રહ્યો છે.
कुछ लोग इतने गरीब होते हैं कि उनके पास देने के लिए सिर्फ “पैसे” होते हैं,
और कुछ दिल के इतने अमीर होते हैं 👇#ManWithGoldenHeart!#HelpChain, #Kindness #KindnessMatters pic.twitter.com/1bbeMrK0RZ— Dipanshu Kabra (@ipskabra) December 24, 2021
એક વ્યક્તિ હાથગાડી પર અંધારામાં સૂઈ રહ્યો છે, જ્યારે તેણે ઉપર બીજો ‘ફ્લોર’ બનાવ્યો છે, જેમાં બે કૂતરા રહે છે. ખાસ વાત એ છે કે વ્યક્તિએ તે કૂતરાઓના ઘરને ખૂબ જ શાનદાર રીતે સજાવ્યું છે, તેમાં લાઈટ છે અને બંને કૂતરા આરામથી બેઠા છે. આ વાયરલ તસવીર દયાની પરાકાષ્ઠા છે, કારણ કે આવી દયા ભાગ્યે જ જોવા મળે છે.
આ અદભૂત તસવીર IPS ઓફિસર દીપાંશુ કાબરાએ પોતાના ટ્વિટર હેન્ડલ પર શેર કરી છે અને કેપ્શનમાં લખ્યું છે કે, ‘કેટલાક લોકો એટલા ગરીબ હોય છે કે તેમની પાસે આપવા માટે માત્ર ‘પૈસા’ હોય છે અને કેટલાક દિલના એટલા અમીર હોય છે. લોકોને આ તસવીર ખૂબ જ પસંદ આવી રહી છે. આ અંગે લોકોએ વિવિધ પ્રકારની કોમેન્ટ્સ પણ કરી છે.
જ્યાં એક યુઝરે લખ્યું છે કે, ‘દિલ અને કલેજુ હોવું જોઈએ, અમીરી માટે પૈસાની જરૂર નથી, હૃદયથી સમૃદ્ધ વ્યક્તિ દરેક માટે દયાળુ અને મદદગાર હોય છે’, જ્યારે અન્ય એક યુઝરે મજાકમાં લખ્યું કે તેણે બીજા માળે ફ્લેટ લીધો છે. આમ અન્ય ઘણા લોકોએ પણ તસવીર જોઈને કોમેન્ટ કરી છે.
આ પણ વાંચો: Success Story: સોનીપતથી ગુજરાતમાં ટ્રાન્સફર થતાં નોકરી છોડી, ખેતી અપનાવી નોકરી કરતા મેળવી ચાર ગણી આવક
આ પણ વાંચો: Technology: વર્ષ 2021માં Twitter એ રજૂ કર્યા આ અદ્ભુત ફીચર્સ, જાણો શું છે ખાસિયત