કિચન સુધી આવી ગયો સિંહ, ગર્જના સાંભળી લોકો ધ્રુજી ગયા, જુઓ Viral Video
હાલ જે વીડિયો શેર કરવામાં આવ્યો છે તે જોઈને તમે પણ ચોંકી જશો. સિંહો સામાન્ય રીતે ઇમારતોની નજીક જતા નથી. પરંતુ આ વીડિયોમાં તમે જોઈ શકો છો કે એક સિંહ ઘરની એકદમ નજીક આવ્યો હતો. રસોડા પાસે પણ પહોંચી ગયો.
લોકો જંગલી પ્રાણીઓને જોવા માટે પ્રાણી સંગ્રહાલય અથવા જંગલોમાં જાય છે. ઘણી વખત તેમની નજીક જવાનો પ્રયાસ પણ કરે છે. ઘણા લોકો તેમને જોવા માટે ઘણા દિવસો જંગલોમાં વિતાવે છે. તેમ છતાં તેમને પ્રાણીઓ જોવા નથી મળતા. ત્યારે જંગલના પ્રાણીઓ લોકોને જોઈ હુમલો કરતા નથી કારણ કે તેઓ પણ આ વસ્તુઓથી ટેવાઈ ગયા છે. પણ વિચારો કે જો કોઈ સિંહ તમારા રસોડામાં આવે અને તમે ઘરમાં એકલા હો? આવો જ એક વીડિયો યુટ્યુબ પર વાયરલ થઈ રહ્યો છે, જે જોઈને તમને ધ્રુજારી આવી જશે.
આ પણ વાંચો: Gujarati Video : રાજકોટની ઉત્કર્ષ એક્સલન્સ સ્કૂલમાં વિદ્યાર્થીઓ વચ્ચે થઈ મારામારી, જુઓ Video
યુટ્યુબ પર @MaasaiSightings એકાઉન્ટ પરથી જંગલ અને જંગલી પ્રાણીઓને લગતા અદ્ભુત વીડિયો પોસ્ટ કરવામાં આવે છે. આ વખતે તેણે જે વીડિયો શેર કર્યો છે તે જોઈને તમે પણ ચોંકી જશો. સિંહો સામાન્ય રીતે ઇમારતોની નજીક જતા નથી. પરંતુ આ વીડિયોમાં તમે જોઈ શકો છો કે એક સિંહ ઘરની એકદમ નજીક આવ્યો હતો. રસોડા પાસે પણ પહોંચી ગયો.
રસોડામાં કદાચ કેટલાક લોકો છે, જેમને જોઈને તે ગુસ્સે થઈ જાય છે. તે વિચારે છે કે શિકાર અંદર છુપાયેલો છે. તે ગર્જે છે. ત્રણથી ચાર વાર ગર્જના કરે છે જેથી કરી કોઈ ત્યાંથી ભાગે અને સિંહ તેને પકડી લે. પણ કોઈ બહાર ન આવ્યું. સિંહ ત્યાં લાંબો સમય ઉભો રહે છે, પરંતુ જ્યારે કોઈ બહાર આવતું નથી ત્યારે તે જતો રહે છે.
બાળકો લાયન સફારી માટે ગયા હતા
આ વીડિયો દક્ષિણ આફ્રિકાના સોમખંડ વિલેજ રિઝર્વનો છે. ખરેખર, કેટલાક બાળકો અહીં લાયન સફારી માટે ગયા હતા અને કેમ્પમાં રોકાયા હતા. તેના ગાઈડને કોફી પીવાની ઈચ્છા થઈ તેથી તે રસોડામાં ગયો. તેઓએ વિચાર્યું કે સિંહ અહીં ક્યારેય નહીં આવે. કારણ કે તે આવી જગ્યાએ ક્યારેય જોવા મળ્યો નથી. પરંતુ તે વિકરાળ સિંહને દેખાતા જ તેની હાલત પણ ખરાબ થઈ ગઈ હતી.
એકસાથે ઘણા બાળકો હતા એટલે ડર પણ વધુ લાગતો હતો. આ પછી, તેણે કોઈક રીતે સિંહને ત્યાંથી દૂર લઈ જવાનો પ્રયાસ શરૂ કર્યો જેથી વિદ્યાર્થીની છાવણી સુરક્ષિત રહે. વિદ્યાર્થીઓ અહીંથી થોડે દૂર નાસ્તા માટે રાહ જોઈ રહ્યા હતા. ગાઈડનું નામ ડાયલન છે, તે એક પ્રશિક્ષિત ટ્રેનર છે એટલે કદાચ તે ડરતો પણ નથી.
સિંહ લગભગ 40 મિનિટ સુધી તેની આસપાસ રહ્યો, પરંતુ આ દરમિયાન તેણે કોફી પણ બનાવી અને જ્યારે સિંહ નીકળી ગયો, ત્યારે તે ત્યાંથી જવામાં સફળ રહ્યો. આ વીડિયો એક દિવસ પહેલા પોસ્ટ કરવામાં આવ્યો હતો અને અત્યાર સુધીમાં તેને લગભગ 2 લાખ વખત જોવામાં આવ્યો છે. લગભગ એક હજાર લોકોએ તેને પસંદ કર્યો છે. Maasai Sightings અનુસાર, સિંહણ ક્યારેય ઘરમાં રહેતા લોકો પર હુમલો કરતી નથી.
