દુનિયામાં ઘણી વાર એવી ઘટનાઓ બને છે જે દુનિયાને ચોંકાવી દે છે. કેટલાક ચમત્કારોના જવાબ વૈજ્ઞાનિકો અને મેડિકલ સાયન્સ (Medical Science) પાસે પણ નથી હોતા આવી જ એક ઘટના અમેરીકામાં એક મહિલા સાખે બની.
અહીં કૈથી પેટન (Kathy Patten) નામની એક મહિલા મરીને પાછી આવી ગઇ. મૃત્યુના સમયે આ મહિલા પોતાની પ્રેગ્નેન્ટ દિકરીને હોસ્પિટલ લઇને આવી હતી. આ મહિલા ગોલ્ફ રમી રહી હતી તે દરમિયાન અચાનક તેની દિકરીને લેબર પેઇન શરૂ થઇ ગયો અને તેણે કોલ કરીને માતાને જણાવ્યુ. કૈથી તરત તેની દિકરીને બાલ્ટીમોરના ગ્રેટર મેડિકલ સેન્ટર લઇને પહોંચી. જ્યારે તેને દિકરીને લેબર રૂમમાં લઇ જવામાં આવી ત્યારે અચાનક કૈથીને કાર્ડિએક અરેસ્ટ આવી ગયો હતો. એટેક આવ્યા બાદ મહિલા જમીન પર પડી ગઇ.
તે હોસ્પિટલમાં હોવાને કારણે ડૉક્ટરે તાત્કાલિક તેની સારવાર શરૂ કરી. જોકે ડૉક્ટરોએ જણાવ્યુ કે, તેમની હાર્ટ રેટ બંધ થઇ ચૂકી હતી. પલ્સ અને ઓક્સિજન બધુ જ બંધ થઇ ચૂક્યુ હતુ. તે લગભગ 45 મિનીટ સુધી ક્લિનીકલી ડેડ (Clinically Dead) થઇ ચૂકી હતી. લગભગ 45 મિનીટ સુધી ડૉક્ટરોના પ્રયત્નો અને સીપીઆર આપ્યા બાદ તે ફરીથી જીવીત થઇ ગઇ. તેની હાર્ટ બીટ સામાન્ય થઇ ગઇ અને આ દરમિયાન તેના મગજ પર પણ કોઇ અસર નથી પડી.
મોતના મુખમાંથી પરત ફરવાના આ સમય દરમિયાન તેની દિકરીની ડિલીવરી થઇ ગઇ અને તેણે એલોરા નામથી એક બાળકીને જન્મ આપ્યો. જીવીત થયા બાદ આ મહિલાએ જણાવ્યુ કે, તે પોતાના નવા જન્મ માટે ભગવાનની આભારી છે. તેણે જણાવ્યુ કે, તે હવે એક સારી વ્યક્તિ બનવાનો પ્રયત્ન કરશે.