Sleep From Home: લો બોલો 8 અઠવાડિયા સુધી સુતા રહેશો તો મળશે દોઢ લાખનો પગાર, જાણો વિગત
કંપનીની આ ઑફર હેઠળ ભાગ લેનાર બે મહિના દરમિયાન તમામ ઉત્પાદનોનો ઉપયોગ કરવાનો રહેશે અને તેમને જણાવવું પડશે કે તે ઉત્પાદનો તેમની સારી ઊંઘ માટે કેટલા ફાયદાકારક છે.
આપણે બધા એક મહિના માટે દરરોજ 8-9 કલાક કામ કરીએ છીએ અને પછી આપણને પગાર મળે છે. જો તમે કામના સમયે તમને ઊંઘ આવી જાય છે તો તમારો પગાર પણ કપાઈ શકે છે. પરંતુ આજે અમે તમને એક એવી નોકરી વિશે જણાવવા જઈ રહ્યા છીએ જે તમને કામ કરવા માટે નહીં પરંતુ ઊંઘવા માટે પૈસા આપશે. હા, તમે પણ ઊંઘ કરીને પૈસા મેળવી શકો છો. વાસ્તવમાં, Sleep Junkie નામની વિદેશી કંપની તેની મોબાઈલ એપ્લીકેશન (Mobile Applications) અને સ્લીપિંગ પ્રોડક્ટ્સ (Sleeping Products) જેવી કે આંખે પાટા, ઓશિકા અને બેડનું ટેસ્ટિંગ કરવા માંગે છે અને તે જાણવા માંગે છે કે તેમની પ્રોડક્ટ્સ અને મોબાઈલ એપ્સ વ્યક્તિની સારી ઊંઘમાં કેવી રીતે મદદરૂપ સાબિત થઈ શકે છે?
કંપનીના પ્રોડક્ટ્સનો ઉપયોગ કરી તેને ટેસ્ટિંગ અને અન્ય વિષે જાણકારી આપવા બદલ 2000 હજાર ડોલર એટલે કે લગભગ 1.5 લાખ રૂપિયા) તે વ્યક્તિને આપવામાં આવશે. જો કે, આ માટે, કંપની પોતે જ તેની જરૂરિયાતોને જોઈને વ્યક્તિની પસંદગી કરશે, જેણે ફક્ત સૂવું પડશે અને તેની એપ્લિકેશન અને ઉત્પાદનો વિશે જણાવવું પડશે કે તેઓ કેવી રીતે ઊંઘ્યા?
8 વિવિધ ઉત્પાદનોનું પરીક્ષણ કરવામાં આવશે
કંપનીની આ ઑફર હેઠળ ભાગ લેનાર વ્યક્તિએએ બે મહિના દરમિયાન તમામ ઉત્પાદનોનો ઉપયોગ કરવાનો રહેશે અને તેમને જણાવવું પડશે કે તે ઉત્પાદનો તેમની સારી ઊંઘ માટે કેટલા ફાયદાકારક છે. કંપનીની અદ્યતન સ્લીપિંગ એડ્સ અને ડિવાઇસ ટેસ્ટિગ અને સમીક્ષા માટે પસંદ કરાયેલ વ્યક્તિઓને અઠવાડિયામાં એક વાર આઠ અલગ-અલગ પ્રોડક્ટ્સ અજમાવવાની તક મળશે. જે પછી તેઓએ ઉત્પાદનોનો ઉપયોગ કરતી વખતે તેમની ઊંઘની ગુણવત્તા અને માત્રામાં તફાવત જોયો છે કે કેમ તેની સમીક્ષા કરવી પડશે
ટેસ્ટિંગ અને રીવ્યુ બાદ 2 હજાર ડોલર આપવામાં આવશે
રીવ્યુ પૂર્ણ થયા પછી કંપની તે વ્યક્તિને 2 હજાર ડોલર ચૂકવશે. કંપની તમારા દ્વારા પ્રદાન કરવામાં આવેલ ઉત્પાદનો અને એપ્લિકેશનો ઊંઘ દરમિયાન લેવામાં આવેલ સમીક્ષાઓ અને ડેટાનો ઉપયોગ જે લોકો સારી રીતે ઊંઘતા નથી તેમની મદદ કરવા માટે કરવામાં આવશે. વાસ્તવમાં કંપનીને તેની એપ્સ અને પ્રોડક્ટ્સના ટેસ્ટિંગ માટે એવા લોકોની જરૂર છે. જેઓ તમામ પ્રયાસો કર્યા પછી પણ રાત્રે વહેલા ઊંઘતા નથી અથવા આવે તો પણ યોગ્ય રીતે સૂઈ શકતા નથી.
ખરાબ ઊંઘનો ઇતિહાસ ધરાવતા લોકોને તક મળશે
કંપનીનું કહેવું છે કે તેઓ આ કામ એવા વ્યક્તિને સોંપવા માંગે છે જેની ઊંઘ સારી નથી. કંપનીએ કહ્યું કે આવી વ્યક્તિને નોકરી પર રાખીને અમે તેમને રાત્રે શાંતિ શોધવામાં મદદ કરી શકીએ છીએ, જ્યારે તેઓ અમને જરૂરી માહિતી એકઠી કરવામાં મદદ કરી શકે છે જેથી અમે તે મહત્વપૂર્ણ માહિતી અન્ય લોકો સાથે શેર કરી શકીએ.
કંપનીએ કહ્યું કે જે વ્યક્તિ આ કામ માટે તૈયાર છે તે 14 ફેબ્રુઆરી પહેલા અરજી કરી શકે છે. અરજદારોની ઉંમર ઓછામાં ઓછી 21 વર્ષની હોવી જોઈએ. અરજદારે 28 ફેબ્રુઆરીથી કામ શરૂ કરવા માટે તૈયાર રહેવું પડશે. અરજદાર પાસે સ્માર્ટફોન પણ હોવો જોઈએ જેમાં સ્લીપ ટ્રેકિંગ એપ્સનો ઉપયોગ કરી શકાય.
અહીં અરજી કરો
કંપનીનું કહેવું છે કે તે 18 માર્ચે વર્લ્ડ સ્લીપ ડે પહેલા ઊંઘ પર હાથ ધરાયેલા અભ્યાસમાં ઉમેદવારની રીવ્યુ પ્રકાશિત કરવા માંગે છે. અરજી કરવા માટે તમે કંપનીની વેબસાઈટ પર જઈને ઓનલાઈન ફોર્મ ભરી શકો છો અને અન્ય તમામ જરૂરી માહિતી મેળવી શકો છો.
આ પણ વાંચો : Good news : ભારતમાં વધુ એક વેક્સિનને મળી મંજૂરી, DCGI સિંગલ-ડોઝ Sputnik Lightના ઇમરજન્સી ઉપયોગ માટે આપી લીલી ઝંડી
આ પણ વાંચો : હવે કર્મચારીઓએ પગાર માટે મહિનાના છેલ્લા દિવસનો ઇંતેજાર કરવો પડશે નહિ, દેશમાં આવી ગઈ Weekly Pay Policy
Latest News Updates
