બેંગલુરુમાં કોમર્શિયલ ગેસ સિલિન્ડરની અછતને કારણે હોટેલ અને રેસ્ટોરન્ટ ઉદ્યોગ પર ગંભીર અસર જોવા મળી રહી છે. ત્યારે બેંગલુરુના ગાંધીનગર વિસ્તારમાં આવેલું સેન્ક્ચ્યુરી હોટેલ (Sanctuary Hotel) ગેસ સિલિન્ડર મળવામાં મુશ્કેલી પડતા હવે રસોઈ બનાવવા માટે લાકડાના ચૂલાનો ઉપયોગ કરી રહ્યું છે. રેસ કોર્સ નજીક આવેલું આ 3 સ્ટાર હોટેલ પરિસ્થિતિને પહોંચી વળવા માટે પરંપરાગત રીતે લાકડાથી રસોઈ બનાવવાની વ્યવસ્થા કરી રહ્યું છે.

હોટલમાં સિલિન્ડરના મળતા ચૂલા પર બનાયુ જમવાનું

હોટેલના સ્ટાફ મુજબ છેલ્લા કેટલાક દિવસોથી કોમર્શિયલ ગેસ સિલિન્ડર સમયસર મળતા નથી, જેના કારણે રસોડામાં કામગીરી ચલાવવી મુશ્કેલ બની ગઈ છે. આ પરિસ્થિતિમાં ગ્રાહકોને સેવા આપતા રહેવા માટે હોટેલે તાત્કાલિક વિકલ્પ તરીકે લાકડાના ચૂલ્હાનો સહારો લીધો છે. સ્ટાફ લાકડાની આગ પર ભોજન તૈયાર કરી રહ્યા છે જેથી હોટેલ સંપૂર્ણ રીતે બંધ ન કરવી પડે.

પરિસ્થિતિને પહોંચી વળવા હવે અપનાવી દેશી રીત

હોટેલ મેનેજમેન્ટે પ્રવેશદ્વાર પર પોસ્ટર લગાવીને ગ્રાહકોને જાણ કરી છે કે ગેસની અછતને કારણે હાલ મેનુમાં દર્શાવેલી તમામ વાનગીઓ ઉપલબ્ધ નહીં હોય. પોસ્ટરમાં ગ્રાહકોને સહકાર આપવા અપીલ કરવામાં આવી છે અને પરિસ્થિતિ સામાન્ય થાય ત્યાં સુધી સમજ દાખવવા વિનંતી કરવામાં આવી છે. હોટેલના સ્ટાફે જણાવ્યું કે ગેસ સિલિન્ડરની અછતને કારણે તેઓ મેનુમાં દર્શાવેલી તમામ વાનગીઓ હાલ ગ્રાહકોને આપી શકતા નથી. આ અંગે હોટેલ તરફથી ગ્રાહકોને સમજ આપવા માટે પોસ્ટર પણ લગાવવામાં આવ્યા છે, જેમાં સહકાર આપવા અપીલ કરવામાં આવી છે.

ડિલિવરી સર્વિસ પર પણ પડી રહી અસર

હોટેલ સંચાલકોનું કહેવું છે કે જો ગેસ સિલિન્ડરની અછત જલ્દી દૂર નહીં થાય તો ઘણા હોટેલ અને નાના રેસ્ટોરન્ટ માટે વ્યવસાય ચલાવવો મુશ્કેલ બની શકે છે. આ સ્થિતિ લાંબી ચાલે તો હોટેલ ઉદ્યોગ સાથે જોડાયેલા કર્મચારીઓ અને ડિલિવરી સર્વિસ પર પણ તેની અસર પડી શકે છે.

કોમર્શિયલ ગેસ સંકટ! રેસ્ટોરાં બંધ થાય તો Swiggy અને Zomato ડિલિવરી બોયનું શું થશે?, આ સ્ટોરી વાંચવા અહીં ક્લિક કરો