Emotional Video : નાના બાળકને લગાવવામાં આવ્યો કૃત્રિમ હાથ, તેના ચહેરા પરનું સ્મિત જોઇ લોકો થયા ભાવુક
કૃત્રિમ હાથ લગાવ્યા પછી, બાળકના ચહેરા પરનું સ્મિત જણાવે છે કે તે કેટલો ખુશ છે. હવે બાળકનો આ વીડિયો તેની પ્રતિક્રિયાના કારણે વાયરલ થઈ રહ્યો છે.
સોશિયલ મીડિયા એક એવું પ્લેટફોર્મ છે જ્યાં ઘણા સુંદર અને સારા વીડિયો જોવા મળે છે, તમે બધાએ જોયુ અને સાંભળ્યુ જ હશે કે દુનિયાના દરેક વ્યક્તિના જીવનમાં ઉતાર-ચઢાવ આવતા હોય છે. તેથી જ દરેક વ્યક્તિના જીવનના અલગ અલગ અર્થ હોય છે. પરંતુ ઘણા લોકો એવા હોય છે જેઓ તેમના જીવનમાં ઘણી એવી વસ્તુઓનો સામનો કરે છે જેની તેઓ અપેક્ષા પણ નથી કરતા.
હાલમાં વિકલાંગ બાળકનો એક પ્રેરણાત્મક વીડિયો સોશિયલ મીડિયા પર વાયરલ થઈ રહ્યો છે અને અમને ખાતરી છે કે તે વીડિયો જોઈને તમારા ચહેરા પર ચોક્કસપણે સ્મિત આવશે.
સોશિયલ મીડિયા પર વાયરલ થઈ રહેલા વીડિયોમાં એક બાળક દેખાઈ રહ્યું છે જેને હાથ નથી. પરંતુ જેવો તે બાળકને કૃત્રિમ હાથ લગાવવામાં આવે છે કે તે તરત જ ખુશીથી ફૂલી જાય છે. કૃત્રિમ હાથ લગાવ્યા પછી, બાળકના ચહેરા પરનું સ્મિત જણાવે છે કે તે કેટલો ખુશ છે. હવે બાળકનો આ વીડિયો તેની પ્રતિક્રિયાના કારણે વાયરલ થઈ રહ્યો છે. આ વીડિયો જોયા બાદ સોશિયલ મીડિયા યુઝર્સ બાળકની સ્મિતના દિવાના બની ગયા હતા. તેઓ તેમની લાઈક્સ અને કોમેન્ટ દ્વારા ઘણો પ્રેમ વરસાવી રહ્યા છે.
The happiness on this kids face when he gets his first Prosthetic Arm ❤️ pic.twitter.com/ASKk1E5l3e
— Amazing Posts (@AmazingPosts_) November 30, 2021
હાલમાં આ વીડિયો ચર્ચાનો વિષય બની રહ્યો છે અને આ જ કારણસર વાયરલ થઈ રહેલો આ વીડિયો સોશિયલ મીડિયાના દરેક પ્લેટફોર્મ પર જોવા મળી રહ્યો છે. આ વીડિયોમાં જોઈ શકાય છે કે એક બાળક બેઠો છે, તે ડૉક્ટરને જોઈ રહ્યો છે. ડૉક્ટર નજીકમાંથી કૃત્રિમ હાથ ઉપાડે છે અને તેને બાળકના હાથમાં ફિટ કરવાનું શરૂ કરે છે. ડૉક્ટરને આમ કરતા જોઈને બાળકના ચહેરા પર મીઠી સ્મિત આવી જાય છે. બાળક સ્મિત કરે છે જાણે તેને વિશ્વની સૌથી સુંદર ભેટ મળી હોય.
આ વીડિયો સોશિયલ મીડિયા પર ટ્વિટર એકાઉન્ટ પર શેર કરવામાં આવ્યો છે. તમે બધા આ વીડિયો અમેઝિંગ પોસ્ટ્સ નામના પેજ પર જોઈ શકો છો. આ વીડિયોને અત્યાર સુધીમાં લાખો લોકો જોઈ ચૂક્યા છે. આ સાથે જ વીડિયો જોઈને લોકો ખૂબ જ ભાવુક થઈ રહ્યા છે. કેટલાક લોકોએ વીડિયોના કોમેન્ટ સેક્શનમાં કોમેન્ટ કરીને પોતાની પ્રતિક્રિયા પણ શેર કરી છે. એક યૂઝરે લખ્યું કે, ખરેખર મારા માટે બાળકની ખુશીથી વધુ દુનિયામાં કંઈ નથી. તો બીજી તરફ અન્ય એક યુઝરે લખ્યું કે – મને લાગે છે કે અસલી ખુશી એ છે જે વ્યક્તિ બધી પરેશાનીઓ ભૂલી જાય છે. લોકો આ વીડિયો પર ઘણા બધા ઈમોજી પણ શેર કરી રહ્યા છે.
આ પણ વાંચો –
IND vs NZ: મુંબઇ ટેસ્ટમાં બે મહિલાઓ કરશે કમાલ, ભારત vs ન્યુઝીલેન્ડ ટેસ્ટ દરમ્યાન નિભાવશે આ મહત્વની જવાબદારી
આ પણ વાંચો –
ઓટો સેક્ટરમાં ચિંતાનો માહોલ? Hero Motocorp નો શેર 52 સપ્તાહની નીચી સપાટીએ પહોંચ્યો તો Maruti ના વેચાણમાં પણ ઘટાડો
