Funny Viral video : રોબોટ સાથે માણસ રમ્યો ‘ચોકડી મીંડુ’, છેલ્લી ચાલે તો કરી ગડબડ
Funny Viral video : મશીન પર લોકોની નિર્ભરતા ખૂબ વધી ગઈ છે. એટલા માટે કે લોકો હવે મશીનથી પણ ચોકડી-મીંડુ રમવા લાગ્યા છે. આવો જ એક વીડિયો આજકાલ લોકોમાં ચર્ચામાં છે. જેમાં અંતમાં રોબોટે એવી કરતબ કરી કે લોકો જોતા જ રહી ગયા.
એક પછી એક વીડિયો સોશિયલ મીડિયા પર શેર અને વાયરલ થઈ રહ્યા છે. જેમાંથી મોટા ભાગના એવા હોય છે કે તેમની અલગ અને અનોખી સ્ટાઈલને કારણે તેઓ લોકોની પસંદગી બની જાય છે, જેને લોકો વારંવાર જોવાનું પસંદ કરે છે અને તે વીડિયો ટૂંક સમયમાં છવાઈ જતો હોય છે. ઘણી વખત આ વીડિયો જોયા પછી લોકો આશ્ચર્યચકિત થઈ જાય છે, જ્યારે ક્યારેક કેટલાક વીડિયો સામે આવે છે જે આપણને વિચારવા મજબૂર કરી દે છે. આવી જ એક ક્લિપ આજકાલ આપણી સામે આવી છે. જેને જોયા પછી તમે પણ કહેશો- એવું લાગે છે કે મશીને પણ જીતવા માટે છેતરપિંડી શરૂ કરી દીધી છે.
મશીને આજે માણસના જીવનમાં ક્રાંતિ લાવી છે. આપણે બેંકિંગ, રોજગાર, પ્રવાસન, શિક્ષણ અને ઓનલાઈન ખરીદીની તમામ પ્રક્રિયાઓ પૂર્ણ કરી શકીએ છીએ. આ સગવડ સમય અને પૈસા બંનેની બચત માટે ફાયદાકારક છે પરંતુ આ દિવસોમાં મશીન પર લોકોની નિર્ભરતા ખૂબ વધી ગઈ છે. એટલા માટે કે લોકો હવે મશીનથી પણ ચોકડી મીંડુ રમવા લાગ્યા છે. હવે આ વીડિયો તમે જ જુઓ જ્યાં એક માણસ રોબોટ સાથે ચોકડી મીંડુ ગેમ રમી રહ્યો છે. પરંતુ અંતે તેની સાથે કંઈક એવું થાય છે. જેની તેણે ભાગ્યે જ કલ્પના કરી હોય!
આ પણ વાંચો : YouTube Funny Video : કાકાએ ઠંડીથી બચવા આટલા કપડાં પહેર્યા, ગણીને થાકી જશો, જુઓ Viral Video
અહીં, વીડિયો જુઓ
When robotics start thinking outside the box, ( literally ) 😂pic.twitter.com/WdkhwJ8SUk
— H0W_THlNGS_W0RK (@HowThingsWork_) January 14, 2023
વીડિયોમાં તમે જોઈ શકો છો કે ફાજલ સમયમાં રોબોટ સાથે ચોકડી મીંડુ ગેમ રમી રહ્યા છે. બંને ઈલેક્ટ્રોનિક બોર્ડ પર ચોકડી મીંડુ રમી રહ્યા છે. જ્યાં વ્યક્તિ પ્રથમ ચાલ કરે છે અને તે ક્રોસ લખે છે… ત્યારબાદ રોબોટ જવાબમાં શૂન્ય લખે છે… પછી, વ્યક્તિ બીજા બોક્સમાં ક્રોસ મૂકે છે અને પછી રોબોટ પણ જવાબ આપે છે. ત્રીજી ચાલમાં જ્યારે વ્યક્તિ નીચેની હરોળમાં ક્રોસ કરીને રોબોટને મૂંઝવવાનો પ્રયાસ કરે છે, પરંતુ અહીં રોબોટ બોક્સની બહાર જાય છે અને પ્લેબોર્ડની બહાર એક વર્તુળ બનાવીને ત્રણ શૂન્યને મર્જ કરે છે અને હાવભાવમાં કહે છે કે તે જીતી ગયો છે.
આ વીડિયો ટ્વિટર પર H0W_THlNGS_W0RK નામના એકાઉન્ટ દ્વારા શેર કરવામાં આવ્યો છે. આ સાથે તેણે કેપ્શન લખ્યું કે, જ્યારે રોબોટ્સ outside the box વિચારે છે. જેને સમાચાર લખાય ત્યાં સુધી સાત લાખથી વધુ લોકો જોઈ ચૂક્યા છે અને તેના પર કોમેન્ટ કરીને પોતાની પ્રતિક્રિયાઓ આપી રહ્યા છે.
