Funny Viral video : અલા ભાઈ આ ફળ વેચી રહ્યો છે કે ધમકાવી રહ્યો છે ! ગ્રાહકોએ હસવું કે ડરવું તે દ્વિધા

ફળો અને શાકભાજી વેચનારાઓ દરેક જગ્યાએ જોઈ શકાય છે. સવારથી સાંજ સુધી દુકાનદારો લારી લઈને ગલી, શેરી, મહોલ્લામાં ફરે છે. તમારા વિસ્તારમાં ફળો અને શાકભાજી વેચતા ઘણા લોકો હોવા જોઈએ. જો કે સામાન્ય રીતે તેઓ મોટેથી કહે છે કે, ‘ફળો લો, શાકભાજી લો’, પરંતુ કેટલાક દુકાનદારોની પદ્ધતિ પણ થોડી અલગ છે. તે પોતાની આગવી શૈલીમાં ફળો અને શાકભાજી વેચતો જોવા મળે છે અને લોકોને તેની પદ્ધતિ ખૂબ પસંદ આવે છે. આ દિવસોમાં આવા જ એક દુકાનદારનો એક વીડિયો સોશિયલ મીડિયા પર વાયરલ થઈ રહ્યો છે, જેને જોઈને તમે આશ્ચર્યચકિત થઈ જશો અને કદાચ તમે પણ હસશો.

આ પણ વાંચો : Hair Care Tips: આ ફળો અને શાકભાજી વાળની ઝડપી વૃદ્ધિ માટે મદદરૂપ બનશે, આજે જ તેને ડાયટમાં સામેલ કરો 

વાસ્તવમાં આ વીડિયોમાં એક વ્યક્તિ ખૂબ જ વિચિત્ર રીતે ફળ વેચતો જોવા મળે છે. તે અચાનક રાક્ષસોની જેમ ચીસો પાડવા લાગે છે. તેની સ્ટાઈલ જોઈને કોઈપણને નવાઈ લાગશે. વીડિયોમાં તમે જોઈ શકો છો કે કેવી રીતે દુકાનદારે એક હાથમાં તરબૂચ અને બીજા હાથમાં ત્રાજવાનું વાસણ પકડ્યું છે, જેને તે માથા પર મારવા લાગે છે અને જોરથી બૂમો પાડવા લાગે છે. પછી તે તરબૂચને કાપી નાખે છે અને તેને પોતાના બંને હાથમાં પકડીને રાક્ષસની જેમ બરાડા પાડવા લાગે છે.

એ જ રીતે તે અનોખી રીતે પપૈયાને છરી વડે કાપે છે અને ફરીથી તે જ રીતે બૂમો પાડવા લાગે છે. તમે ભાગ્યે જ કોઈને આવા વિચિત્ર રીતે ફળ વેચતા જોયા હશે. હવે જો દુકાનદાર આવું કરશે તો ગ્રાહકો ડરશે નહીં તો બીજું શું કરશે.

આ રમુજી વીડિયો જુઓ

અનોખી રીતે ફળો વેચતા વ્યક્તિનો આ ફની વીડિયો સોશિયલ મીડિયા પ્લેટફોર્મ પર mixfood_hunter નામની IDથી શેર કરવામાં આવ્યો છે, જેને અત્યાર સુધીમાં 9.7 મિલિયન વખત જોવામાં આવ્યો છે, જ્યારે 4 લાખ 30 હજારથી વધુ લોકોએ આ વીડિયોને લાઈક કર્યો છે.

લોકોએ વીડિયો જોયા પછી અલગ-અલગ પ્રતિક્રિયાઓ આપી છે. કેટલાક કહે છે કે મને પણ મારી રેસ્ટોરન્ટમાં આવી એનર્જી ધરાવનારી વ્યક્તિની જરૂર છે, તો કેટલાક કહે છે કે, મેં આવો ફળ વેચનાર ક્યારેય જોયો નથી.