Viral Video: નવજાત શિશુને મોતના પંજામાંથી બહાર લાવી ડોક્ટર, મોં વડે આપતી રહી શ્વાસ

ડૉક્ટરોને (Doctor) માત્ર એમ જ પૃથ્વી પર ભગવાનનું બીજું સ્વરૂપ નથી માનવામાં આવતું. હકીકતમાં, જીવન રક્ષક ડોકટરો કેટલીકવાર કંઈક એવું કરે છે જે ઉદાહરણ બની જાય છે. હાલમાં આવો જ એક વીડિયો સોશિયલ મીડિયા (Social media) પર ખૂબ વાયરલ થઈ રહ્યો છે. જેમાં મહિલા તબીબે છેલ્લી ઘડીએ ભગવાનનું રૂપ બનીને નવજાત શિશુને (Newborn Baby) મોતના મુખમાંથી ખેંચી લીધું હતું. વાયરલ ક્લિપમાં જોઈ શકાય છે કે ડૉક્ટરે નવજાત શિશુને તેના મોં દ્વારા શ્વાસ આપવાનું ચાલુ રાખ્યું, જ્યાં સુધી તેનું શરીર હલનચલન કરવાનું શરૂ ન કર્યું. હવે આ વીડિયો જોઈને દરેક વ્યક્તિ તેના વખાણ કરતા થાકતા નથી.

આ ઘટના આગ્રામાં આ વર્ષે માર્ચ મહિનામાં બની હતી, જેનો વીડિયો ફરી એકવાર ઈન્ટરનેટ પર વાયરલ થઈ રહ્યો છે. વીડિયોમાં દેખાતી ડોક્ટર બાળરોગ નિષ્ણાંત છે, જેમણે લગભગ 7 મિનિટ સુધી ‘માઉથ ટુ માઉથ’ શ્વાસ આપીને નવજાતનો જીવ બચાવ્યો હતો. મળતી માહિતી મુજબ આગ્રાના સીએચસીમાં જ્યારે બાળકીનો જન્મ થયો, ત્યારે તેના શરીરમાં કોઈ હલચલ ન હતી. બાળકને તરત જ ઓક્સિજનનો સહારો આપવામાં આવ્યો, પરંતુ જ્યારે તેનાથી પણ કોઈ ફાયદો થયો નહીં તો ડૉક્ટરે નવજાતને મોં દ્વારા આપવાનું શરૂ કર્યું. તેણે લગભગ 7 મિનિટ સુધી આ કરવાનું ચાલુ રાખ્યું, ત્યારબાદ નવજાત શિશુએ હલન-ચલન શરૂ કર્યું. હવે આ વીડિયો જોઈને લોકો તેની હિંમતને સલામ કરી રહ્યા છે.

વીડિયોમાં જુઓ, કેવી રીતે મહિલા ડોક્ટરે નવજાત શિશુનો જીવ બચાવ્યો

આ વીડિયો પોલીસકર્મી સચિન કૌશિકે પોતાના ટ્વિટર એકાઉન્ટ પરથી આગ્રામાં પોસ્ટ કર્યો છે. તેણે હેશટેગ સાથે ડોક્ટરની ભાવનાને સલામ કરી છે. માત્ર 26 સેકન્ડનો આ વીડિયો ખૂબ જ ઝડપથી વાયરલ થઈ રહ્યો છે. અત્યાર સુધીમાં તેને લગભગ 5 લાખ વાર જોવામાં આવી ચુકી છે. લોકો આ વીડિયોને કેટલો પસંદ કરી રહ્યા છે, તેનો અંદાજ એ વાત પરથી લગાવી શકાય છે કે, અત્યાર સુધીમાં 51 હજારથી વધુ લોકો તેને લાઈક કરી ચૂક્યા છે. તે જ સમયે, વીડિયો જોયા પછી, લોકો સતત તેમના પ્રતિભાવો નોંધી રહ્યા છે.

‘ડોક્ટર પૃથ્વી પર ભગવાનનું બીજું સ્વરૂપ છે’