બાપ રે બાપ…!! પેશાબથી બીયર બનાવે છે આ કંપની, બીયર પીનારાઓની લાગી લાઈનો

બીયર એ વિશ્વના સૌથી લોકપ્રિય પીણાઓમાંનું એક પીણું છે. તેને બનાવવા માટે પાણીનો વધારે ઉપયોગ થાય છે. પાણીની અછત હોય ત્યારે વિકલ્પ શોધવો પડે છે. હાલમાં સોશ્યિલ મીડિયા એક એવી બીયર વાત વાયરલ થઈ રહી છે જેને પેશાબમાંથી (Urine) બનાવવામાં આવે છે. તમે જાણીને નવાઈ લાગશે કે સિંગાપોરમાં પેશાબમાંથી બીયર (beer Made From Urine) બનાવવામાં આવે છે.

સિંગાપોરમાં બનતી આ બીયરને ન્યુબ્રુ કહેવામાં આવે છે.સિંગાપોરમાં ગટરના પાણીમાંથી પણ બીયર બનાવવામાં આવી રહી છે. ન્યુબ્રુમાં લગભગ 95 ટકા પેશાબ અને ગટરના પાણીમાંથી બનાવવામાં આવે છે.તે પાણીને સારી રીતે ફિલ્ટર કરવામાં આવે છે અને પછી તેનો ઉપયોગ બીયર બનાવવા માટે થાય છે. સિંગાપોરમાં અત્યારે પાણીની ગંભીર સમસ્યા ચાલી રહી છે. આવી સ્થિતિમાં પાણી બચાવવા માટે ગટરના પાણીને ફિલ્ટર કરીને તેનો ઉપયોગ બીયર બનાવવામાં કરવામાં આવી રહ્યો છે.

આવો છે બીયરનો સ્વાદ

ન્યુબ્રુ નામની આ બીયરને નેશનલ વોટર એજન્સી PUB અને સ્થાનિક બીયર બ્રુઅરી Brewerkz દ્વારા 8 એપ્રિલે લોન્ચ કરવામાં આવી છે. તેને પીધા પછી તેનો સ્વાદ મધ જેવો લાગે છે. પાણીના પુનઃઉપયોગ અને રિસાયક્લિંગને પ્રોત્સાહન આપવાના હેતુ, ન્યૂબ્રુને સિંગાપોરની સૌથી ગ્રીન બીયર તરીકે નામ આપવામાં આવ્યું છે.

લોકોએ આપી આવી પ્રતિક્રિયા

પેશાબ અને ગટરના પાણીમાંથી બીયર બનતી હોવાના સમાચાર સોશિયલ મીડિયા પર ચર્ચામાં છે. ટ્વિટર યુઝર્સે પણ તેના પર તમામ પ્રકારની પ્રતિક્રિયાઓ આપવાનું શરૂ કરી દીધું છે. તેના પર વિવિધ પ્રકારના મીમ્સ બનાવવામાં આવી રહ્યા છે અને લોકોએ મજાકમાં કહ્યું કે આ બીયર પહેલા કંપનીના કર્મચારીઓને ફ્રીમાં આપવામાં આવે. લોકો આ સમાચાર પર ભલે ગમે તેટલા મીમ્સ બનાવે, પરંતુ કેટલાક લોકોને સિંગાપોરમાં આલ્કોહોલિક ડ્રિંક્સમાં પાણીના દુરુપયોગને રોકવાના આ પ્રયાસને પસંદ કરી રહ્યાં છે. અને વખાણ પણ કરી રહ્યાં છે.