Whatsappએ આપ્યો મોટો ફટકો! આ તારીખથી આવા સ્માર્ટફોનમાં મેસેજિંગ એપ નહીં ચાલે, તપાસો કે તમારો ફોન તો નથી ને લિસ્ટમાં ?
જો તમે 2011 થી જૂનો ફોન વાપરી રહ્યા છો, તો તમારે WhatsAppનો ઉપયોગ ચાલુ રાખવા માટે તેને અપગ્રેડ કરવો પડશે.
Whatsapp :2 અબજથી વધુ દૈનિક સક્રિય વપરાશકર્તાઓ સાથે, WhatsApp વિશ્વમાં સૌથી વધુ ઉપયોગમાં લેવાતી મેસેજિંગ એપ છે. તેનો ઉપયોગ ફેસબુક કરતા વધારે થાય છે.
ઘણા દેશોમાં, તેનો ઉપયોગ વિવિધ પ્રકારના સ્માર્ટફોનમાં થાય છે. તેમાં ઘણા જૂના એન્ડ્રોઇડ ફોન (Android phone)પણ સામેલ છે. પરંતુ હવે જૂના એન્ડ્રોઇડ યુઝર્સ (Android users)ને વોટ્સએપે મોટો ઝટકો આપ્યો છે. નવેમ્બરથી WhatsApp જૂના ફોન અને જૂના એન્ડ્રોઇડ ફોન પર ચાલવાનું બંધ કરી દેશે.
કંપનીએ હવે તેની વેબસાઇટ (Website)અપડેટ કરી છે. નવેમ્બર સુધી, વોટ્સએપ માત્ર એન્ડ્રોઇડ 4.1 પર ચાલતા ઉપકરણોને સપોર્ટ કરશે. આનાથી નીચા એન્ડ્રોઇડ વર્ઝન (Android version)પર વોટ્સએપ અપડેટ ઉપલબ્ધ થશે નહીં.
વોટ્સએપે શું કહ્યું?
સત્તાવાર વોટ્સએપ (WhatsApp)સપોર્ટ પેજ પર, કંપનીએ જણાવ્યું છે કે તે હાલમાં એન્ડ્રોઇડ 4.1 અને નવા માટે સપોર્ટ આપે છે, જેનો અર્થ છે કે 2013 પછી રિલીઝ થયેલા સ્માર્ટફોન (Smartphone)નજીકના ભવિષ્ય માટે વોટ્સએપનો ઉપયોગ કરી શકશે. જો કે, જેમની પાસે જૂનો સ્માર્ટફોન છે તે તારીખ પછી અપડેટ મેળવી શકશે નહીં. વોટ્સએપ એકમાત્ર એપ નથી જે આવું કરે છે, ઘણી એવી એપ્સ છે જેણે જૂના વર્ઝન છોડી દીધા છે. આ કરવામાં આવી રહ્યું છે કારણ કે, નવા અપડેટ્સ તદ્દન ભારે છે.
જો યુઝર્સ પાસે જૂનો એન્ડ્રોઇડ ફોન હોય તો તેઓ શું કરી શકે?
જો તમને તાજેતરમાં જ નવો સ્માર્ટફોન મળ્યો છે અને વોટ્સએપ અપડેટ છે, તો તમારે ચિંતા કરવાની જરૂર નથી. જો કે, જો તમારી પાસે LG Optimus L3, Samsung Galaxy SII, Galaxy Core, ZTE Grand S Flex અને Huawei Ascend G740 જેવા સ્માર્ટફોન છે, તો તમે અપડેટ પ્રાપ્ત કરી શકશો નહીં. કંપનીનું કહેવું છે કે, “વોટ્સએપ 1 નવેમ્બર, 2021ના રોજ ઓએસ 4.0.4 અને તેનાથી જૂનાં એન્ડ્રોઇડ ફોનને સપોર્ટ કરશે નહીં.