Tech News: UPI ટ્રાન્ઝેક્શને બનાવ્યો નવો રેકોર્ડ, 1 ટ્રિલિયન ડોલર કરતાં વધી ગયું ટ્રાન્ઝેક્શનનું મૂલ્ય, તેનો અર્થ જાણો
નેશનલ પેમેન્ટ્સ કોર્પોરેશન ઓફ ઈન્ડિયા (NPCI) અનુસાર 29 માર્ચ સુધી આ પ્લેટફોર્મ પર 5.04 અબજ વ્યવહારો થયા હતા. ફેબ્રુઆરી મહિનાની સરખામણીમાં આ વધારો 7% કરતા વધુ હતો.
ભારતમાં કોરોના વાયરસ અને ડિજિટલાઈઝેશનના કારણે UPI પેમેન્ટ(UPI Transaction)નો ઉપયોગ પણ વધ્યો છે. તેના માસિક વ્યવહારનું મૂલ્ય 9 લાખ કરોડની નજીક પહોંચી ગયું છે. UPIએ માર્ચમાં પ્રથમ વખત વોલ્યુમમાં 500 કરોડનો આંકડો પાર કર્યો હતો. જે પછી તેનું ડિજિટલ ટ્રાન્ઝેક્શન (Digital Transaction) મૂલ્ય FY22માં 1 ટ્રિલિયન ડોલરના આંકને વટાવી ગયું છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) અનુસાર 29 માર્ચ સુધી આ પ્લેટફોર્મ પર 5.04 અબજ વ્યવહારો થયા હતા. ફેબ્રુઆરી મહિનાની સરખામણીમાં આ વધારો 7% કરતા વધુ હતો.
FY22માં 45 અબજથી વધુ વ્યવહારો થયા
FY22માં અત્યાર સુધીમાં UPI દ્વારા 45 બિલિયનથી વધુ વ્યવહારો થયા છે, જેનું મૂલ્ય 1 ટ્રિલિયન ડોલરથી વધુ છે. જ્યારે FY21માં લગભગ 22 બિલિયન ટ્રાન્ઝેક્શન UPI દ્વારા થયા હતા. આનો અર્થ એ થયો કે એક વર્ષના ગાળામાં, UPI પરના વ્યવહારોની સંખ્યા અને મૂલ્ય બંને લગભગ બમણા થઈ ગયા છે. UPI દેશમાં ડિજિટલ પેમેન્ટને અપનાવવામાં નોંધપાત્ર ભૂમિકા ભજવશે તેવી અપેક્ષા છે.
#UPI crossed the 500-crore mark in volumes for the first time in March.
504 crore transactions recorded by March 29 itself
Digital Transaction value shoot past $1 trillion mark in FY 22#DigitalIndia pic.twitter.com/ZKACzDnbNg
— PIB India (@PIB_India) March 31, 2022
આગામી વર્ષોમાં UPI ટ્રાન્ઝેક્શન વધશે
એવો અંદાજ છે કે આગામી 3-5 વર્ષોમાં UPI એક દિવસમાં એક અબજ વ્યવહારો કરશે, તેને સક્ષમ કરવા માટે ઘણી પહેલ પણ શરૂ કરવામાં આવી છે. જેમાં UPI ની ઑટોપે (Auto Pay) સુવિધા નોંધપાત્ર રીતે ફાળો આપશે. ઉદ્યોગના નિષ્ણાતોના મતે પ્લેટફોર્મ પર દૈનિક વ્યવહારો વધારવા માટે ઑટોપે સુવિધા નિર્ણાયક બની રહેશે.
સાથોસાથ, નાના મૂલ્યના વ્યવહારો UPI પર કરવામાં આવેલી મોટાભાગની ચુકવણીનો મોટો ભાગ છે, તેથી NPCI એ UPI વપરાશકર્તાઓ માટે “ઓન-ડિવાઈસ” વૉલેટ સુવિધા પણ રજૂ કરી છે. RBIએ ઈન્ટરનેટ કનેક્શન વિના ફીચર ફોન પર UPI પણ રજૂ કર્યું છે. UPIની જાહેરાત કરવામાં આવી છે, જેનાથી 40 કરોડથી વધુ લોકો માટે UPIનો વિકલ્પ ખુલે છે.
આ પણ વાંચો: દેશના અનેક રાજ્યોમાં શરૂ થઈ MSP પર ઘઉંની ખરીદી, આ રાજ્યોમાં ટેકાના ભાવ કરતા વધુ મળી રહી છે કિંમત
