Signalમાં ઉમેરાયું ખાસ ફીચર, યુઝર્સ હવે ચેટ ગુમાવ્યા વગર ફોન નંબર બદલી શકશે
2021માં વોટ્સએપ દ્વારા પ્રાઈવસી પોલિસી બદલવાની જાહેરાત બાદ સિગ્નલને લોકપ્રિયતા મળી છે. ઘણા વપરાશકર્તાઓએ મિત્રો અને પરિવાર સાથે ચેટ કરવા માટે ગોપનીયતાના સંદર્ભમાં સિગ્નલ પર સ્વિચ કર્યું હતું.
સિગ્નલને (Signal) મુખ્ય અપડેટ પ્રાપ્ત થયું છે. હવે યુઝર્સ તેમની જૂની ચેટ ગુમાવ્યા વિના તેમનો રજિસ્ટર્ડ ફોન નંબર બદલી શકશે. આ એક એવી સુવિધા છે જે તેના હરીફ પ્લેટફોર્મ WhatsApp પર પહેલેથી જ ઉપલબ્ધ છે. સિગ્નલ એન્ડ-ટુ-એન્ડ એન્ક્રિપ્શનને સપોર્ટ કરે છે અને બધી ચેટ્સ તમે એકાઉન્ટ બનાવવા માટે ઉપયોગમાં લીધેલ નંબર સાથે લિંક કરેલી છે. વપરાશકર્તાની વાતચીતો ક્લાઉડ-આધારિત સેવા પર સંગ્રહિત થતી નથી, તેથી જ્યારે કોઈ વપરાશકર્તા કોઈપણ કારણોસર તેમનો ફોન નંબર બદલે છે, ત્યારે તેઓ અગાઉના નંબર સાથે લિંક કરેલી બધી ચેટ્સ ગુમાવે છે. પરંતુ સિગ્નલના નવા અપડેટ સાથે હવે આ સમસ્યા નહીં રહે.
હવે, તમે તમારો ફોન નંબર અપડેટ કરી શકો છો અને તમારે નવું એકાઉન્ટ બનાવવાની અથવા તમારી ચેટ્સ ડિલીટ કરવાની જરૂર રહેશે નહીં. સિગ્નલે કહ્યું, “જો તમે નવા નંબર પર સ્વિચ કરો છો તો તે તમને તમારી પ્રોફાઈલ અને તમારા બધા હાલના સંદેશાઓ અને ગ્રૃપ્સને તમારા ઉપકરણ પર રાખવા દેશે, તેને તમારા નવા ફોન નંબર પર ઍક્સેસિબલ બનાવશે.”
જ્યારે તમે તમારો ફોન નંબર બદલો છો, ત્યારે સિગ્નલ તમારા બધા સંપર્કોને પણ સૂચિત કરશે. એક બ્લોગ પોસ્ટમાં પ્લેટફોર્મે પુષ્ટિ કરી છે કે આ સુવિધા Android અને iOS બંને વર્ઝન પર રોલઆઉટ કરવામાં આવી રહી છે. આ સુવિધા સિગ્નલના નવા સંસ્કરણમાં દેખાય છે અને ઓછામાં ઓછા Android v5.30.6 અથવા iOS v5.27.1 ચલાવતા ઉપકરણો માટે ઉપલબ્ધ છે.
જો યુઝર્સ હાલના રજિસ્ટર્ડ ફોન નંબર સાથે સિગ્નલ પર મેસેજ મોકલી કે પ્રાપ્ત કરી શકતા નથી તો આ ફીચર કામ કરશે નહીં. આ ત્યારે પણ થાય છે જ્યારે કોઈ વ્યક્તિ તેના પ્રાથમિક ઉપકરણને ગુમાવે છે અથવા તેને ખોટી જગ્યાએ મૂકે છે અથવા તેનો ફોન ફોર્મેટ કરેલો હોય છે.
ફોન નંબર બદલવાની પ્રક્રિયા ખૂબ જ સરળ છે. વપરાશકર્તાને ફક્ત સિગ્નલ એપ્લિકેશન ખોલવાની જરૂર છે, હવે પ્રોફાઈલ > સેટિંગ્સ > એકાઉન્ટ > ફોન નંબર બદલો > ચાલુ રાખો પર ટેપ કરો. પછી તમે તમારા નવા ફોન નંબર માટે નોંધણી પ્રક્રિયા પૂર્ણ કરવા માટે ઑન-સ્ક્રીન સૂચનાઓને અનુસરી શકો છો. આ પ્રક્રિયા iOS ઉપકરણો માટે છે. જો કે એન્ડ્રોઈડ માટે પણ પ્રક્રિયા લગભગ સમાન છે.
આ પણ વાંચો – આગામી પાંચ વર્ષમાં વધશે Metaverseનો વ્યાપ, 4માંથી 1 વ્યક્તિ દરરોજ ઓછામાં ઓછો 1 કલાક મેટાવર્સમાં વિતાવશે
આ પણ વાંચો – Instagram ચલાવું બનશે વધુ રસપ્રદ, એપમાં આવી રહ્યા છે ઘણા બધા નવા ફિચર્સ, જુઓ આ લીસ્ટ