Driving License: સરકારી વેબસાઈટ દ્વારા ઘરે બેઠા ડ્રાઇવિંગ લાયસન્સનું સરનામું કેવી રીતે બદલવું, આ છે રીત

ઘણીવાર જ્યારે તમે એક શહેરથી બીજા શહેરમાં જાવ ત્યારે સૌથી મોટી સમસ્યા ડ્રાઇવિંગ લાયસન્સ (Driving License)નું સરનામું બદલવાની હોય છે. ઘણી વખત લોકો આરટીઓના અનેક ચક્કર લગાવે છે, છતાં પણ કામ થતું નથી. શું તમે જાણો છો કે તે ખૂબ જ સરળ છે અને ડ્રાઇવિંગ લાયસન્સનું સરનામું બદલવાનું (Address change)કામ ઘરે બેઠા પણ સરળતાથી કરી શકાય છે. આ માટે તમારે કોઈપણ ઓફિસમાં જવું પડશે નહીં. ચાલો જાણીએ કે તે કેવી રીતે સરળતાથી ઓનલાઈન થઈ શકે છે.

• parivahan.gov.in પેજ પર જાઓ.
• Driving License Related Services વિકલ્પ પસંદ કરો.
• ડ્રોપ-ડાઉન સૂચિમાં તમારું રાજ્ય પસંદ કરો.
• License Related Services અંદર Drivers/Learners License પર ક્લિક કરો.
• નવી વિન્ડોમાં Apply for Change of Address વિકલ્પ પસંદ કરો.
• Application સબમિટ કરવાનો વિકલ્પ આવશે, જેમાં નીચે Continue પર ક્લિક કરો.
• હવે તમારે DL નંબર અને Date of Birth કરવી પડશે.
• હવે Get DL Details પર ક્લિક કરો.
• એક વિન્ડો ખુલશે, ડ્રોપડાઉનમાં YES પર ક્લિક કરો.
• હવે એક યાદી ખુલશે, જેમાં નજીકના RTO પસંદ કરો અને Proceed પર ક્લિક કરો.
• હવે નવું સરનામું અને તમામ જરૂરી વિગતો ભરો અને Change of address on DLના બોક્સને ચેક કરો.
• Permanent, Present અથવા Both પસંદ કરો અને પછી વિગતો ભરો
• વિગતો ભર્યા પછી કન્ફર્મ પર ક્લિક કરો.

સરનામું બદલવા માટે જરૂરી દસ્તાવેજો અને ફી

1. નવા સરનામાનો પુરાવો (દા.ત.- આધાર કાર્ડ, મતદાર ID, પાસબુક અથવા વીજળી બિલ)
2. જો તમારી પાસે PAN કાર્ડ છે, નહિંતર, ફોર્મ 60 અને 61 ની પ્રમાણિત નકલ
3. વીમાનું પ્રમાણપત્ર
4. ફોર્મ 33 માં અરજી
5. નોંધણી પ્રમાણપત્ર
6. પ્રદૂષણ નિયંત્રણ પ્રમાણપત્ર
7. સ્માર્ટ કાર્ડ ફીસ
8. ચેસિસ અને એન્જિન પેન્સિલ પ્રિન્ટ
9. વાહન માલિકના સાઈન પુરાવા