Tech Tips : ચપટી વગાડતા પરત આવી જશે ફોનમાંથી Delete થયેલા કોઈ પણ ફોટો, અપનાવો આ જબરદસ્ત Trick
કેટલીકવાર મહત્વપૂર્ણ ફોટા પણ ભૂલથી ડિલીટ (Delete Photo Recover) થઈ જાય છે. આવી સ્થિતિમાં, અમે તમને એવી ટ્રિક્સ જણાવીશું, જેના દ્વારા તમારા ફોટા અથવા વીડિયો સરળતાથી રિકવર કરી શકાય છે.
હવે લોકો વાત કરવા ઉપરાંત ફોટોગ્રાફી માટે સ્માર્ટફોન (Smartphone)નો ઉપયોગ કરી રહ્યા છે. કારણ કે સ્માર્ટફોનમાંથી ફોટો ખૂબ જ સારો આવે છે. આવી સ્થિતિમાં, જો કોઈ વ્યક્તિ ક્યાંક ટૂર પર જાય છે, તો તે સ્માર્ટફોનથી ફોટોગ્રાફી પણ કરે છે. એક શબ્દમાં કહીએ તો હવે લોકો સ્માર્ટફોનમાં યાદગાર ફોટા રાખે છે. પરંતુ કેટલીકવાર મહત્વપૂર્ણ ફોટા પણ ભૂલથી ડિલીટ (Delete Photo Recover) થઈ જાય છે. આવી સ્થિતિમાં, અમે તમને એવી ટ્રિક્સ જણાવીશું, જેના દ્વારા તમારા ફોટા અથવા વીડિયો સરળતાથી રિકવર કરી શકાય છે.
આપને જણાવી દઈએ કે એન્ડ્રોઈડ પર ડીલીટ થયેલા ફોટાને રિકવર કરવા પહેલા કરતા વધુ સરળ બની ગયું છે. મોટાભાગના સ્માર્ટફોનમાં તેમની પોતાની ડેડિકેટેડ ગેલેરી અથવા ફોટો એપ પ્રી-લોડેડ હોય છે, જેમાં યુઝર્સ ફોટા જોઈ શકે છે. તમે મૂવીઝ અને વીડિયો પણ ચલાવી શકો છો અને ટ્રેશ બિન/ફોલ્ડર મેળવી શકો છો જે ખૂબ જ મહત્વપૂર્ણ છે. અહીં બધા ડીલીટ કરેલા ફોટા સંગ્રહિત હોય છે.
ગૂગલ ફોટો ચેક કરો
Google Photos એપ્લિકેશન હવે તમામ Android સ્માર્ટફોન પર ઉપલબ્ધ છે. આ એપ દ્વારા ફોનમાં હાજર તમામ તસવીરોને મેનેજ કરી શકાય છે. આ સાથે, ફોટો બેકઅપ લેવાનો વિકલ્પ પણ છે. જો તમારા ફોનમાંથી કોઈ મહત્વપૂર્ણ ફોટો આકસ્મિક રીતે ડિલીટ થઈ જાય, તો તમે Google Photos એપની મદદથી ફોટોને ફરીથી રિસ્ટોર કરી શકો છો. આ માટે, તમારા ફોન પરની તમામ તસવીરો Google Photos એપ સાથે સિંક થવી જોઈએ. ઉપરાંત, Google Photos માં અગાઉથી બેકઅપ ચાલુ રાખવું પણ જરૂરી છે.
Google Photos થી ડિલીટ કરેલા ફોટા કેવી રીતે ફરી મેળવવા
- તમારા સ્માર્ટફોન પર Google Photos ખોલો.
- ત્યાર બાદ નીચેના નેવિગેશન બારમાંથી લાઇબ્રેરી ટેબ પસંદ કરો.
- પછી તમને ઉપર 4 વિકલ્પો દેખાશે, તેમાંથી બિન પસંદ કરો.
- હવે તમે તમારા ડિલીટ કરેલા ફોટા અહીં સ્પેસિફિકલી રિકવર કરી શકો છો, પછી ભલે તે લોકલ હોય કે ક્લાઉડમાંથી. જણાવી દઈએ કે ડેટા કાઢી નાખવાના 60
- દિવસની અંદર જ રિકવર કરી શકાય છે.
મેમરી કાર્ડમાંથી ડિલીટ કરેલા ફોટો
જો તમારા ફોન અથવા મેમરી કાર્ડમાંથી ફોટો ડિલીટ કરવામાં આવ્યો હોય, તો તમે તેને સરળતાથી પાછો પણ મેળવી શકો છો. આ માટે સૌથી પહેલા તમારે કાર્ડ રીડરની મદદથી મેમરી કાર્ડને લેપટોપ કે કોમ્પ્યુટર સિસ્ટમમાં મુકવું પડશે. આ પછી તમે કોઈપણ રિકવરી સોફ્ટવેરની મદદથી ડેટા પાછો મેળવી શકો છો. ફક્ત ધ્યાન રાખો કે ડિલીટ કરેલ ડેટાને મેમરી કાર્ડમાંથી પાછો લાવી શકાય છે જ્યાં સુધી તેમાં અન્ય કોઈ ડેટાની નકલ કરવામાં આવી ન હોય.