આધાર કાર્ડમાં કેવી રીતે અપડેટ કરવું Head of the Family, આ સ્ટેપ ફોલો કરવાથી જલદી થઈ જશે કામ

આધાર કાર્ડ ભારતના નાગરિકો માટે એક મહત્વપૂર્ણ દસ્તાવેજ તરીકે કામ કરે છે. આપણા માટે આઈડી કાર્ડ જેવું કામ કરવાની સાથે બેંક કે સરકારી કામો માટે પણ તે જરૂરી બની જાય છે. આ સિવાય UIDAI કેટલીક સુવિધાઓ પ્રદાન કરે છે, જેની મદદથી જો તમારું સરનામું બદલાય છે, તો તમે તેને અપડેટ કરી શકો છો. આવી સ્થિતિમાં, જો તમારી પાસે પુરાવા તરીકે કોઈ એડ્રેસ પ્રૂફ નથી, તો સંસ્થાએ એક પદ્ધતિ રજૂ કરી છે. UIDAI એ પરિવારના વડાની પરવાનગી સાથે આધાર કાર્ડમાં સરનામું ઓનલાઈન અપડેટ કરવા માટે રેસિડેન્સ ફ્રેંડલી સુવિધા શરૂ કરી છે.

સુવિધા કેવી રીતે મદદરૂપ થશે?

આધારમાં HOF-આધારિત ઓનલાઈન એડ્રેસ અપડેટનો ઉદ્દેશ્ય એવા વ્યક્તિના સંબંધીઓને મદદ કરવાનો છે કે જેમની પાસે પોતાના નામે જરૂરી દસ્તાવેજો નથી. આમાં વ્યક્તિના બાળકો, પત્ની, માતા-પિતા વગેરે તેમના આધાર કાર્ડમાં પોતાનું સરનામું અપડેટ કરી શકે છે.

કોણ અરજી કરી શકે છે?

જો તમારી ઉંમર 18 વર્ષથી વધુ છે અને તમે આધાર કાર્ડ ધારક છો તો તમે આ પ્રક્રિયામાં ભાગ લઈ શકો છો અને પરિવારના સભ્યોને તમારું સરનામું આપીને HOF બની શકો છો. UIDAI દ્વારા માન્ય એડ્રેસ પ્રૂફનો ઉપયોગ કરવા સાથે, આ વિકલ્પ એડ્રેસ અપડેટ કરવા માટે પણ ઉપલબ્ધ રહેશે.

આ દસ્તાવેજોની જરૂર પડશે

અરજદારનું નામ, એચઓએફનું નામ અને તેમના સંબંધો જણાવતા હવે રેશન કાર્ડ, માર્કશીટ, લગ્નનું પ્રમાણપત્ર, પાસપોર્ટ વગેરે જેવા સંબંધોના દસ્તાવેજોના પુરાવા સબમિટ કરીને અપડેટ પૂર્ણ કરી શકાય છે. ત્યારબાદ HOF અરજદારના રજિસ્ટર્ડ ફોન નંબર પર OTP દ્વારા અપડેટને પ્રમાણિત કરશે. જોડાણ દસ્તાવેજના પુરાવાની ગેરહાજરીમાં, UIDAI નિવાસીને HOF દ્વારા UIDAI દ્વારા જરૂરી ફોર્મેટમાં સેલ્ફ ડિક્લેરેશન સબમિટ કરવાની મંજૂરી આપે છે.

HOF આ રીતે આધારમાં ઓનલાઈન અપડેટ કરી શકે છે

• સૌ પ્રથમ માય આધાર પોર્ટલ (https://myaadhaar.uidai.gov.in) પર જાઓ. પછી, અપડેટ એડ્રેસ ટેબ પર જાઓ.
• HOF માટે માન્ય આધાર નંબર દાખલ કરો. જણાવી દઈએ કે HOF ની ગોપનીયતાને સુરક્ષિત રાખવા માટે સ્ક્રીન પર અન્ય કોઈ આધાર વિગતો દર્શાવવામાં આવશે નહીં.
• HOF દ્વારા આધાર નંબર સફળતાપૂર્વક ચકાસવામાં આવે પછી સંબંધનો પુરાવો દસ્તાવેજ અપલોડ કરો.
• હવે 50 રૂપિયાના સફળ ટ્રાન્ઝેક્શન પછી તમને સર્વિસ રિક્વેસ્ટ નંબર (SRN)> આપવામાં આવશે
• આગળ HOFને સરનામાંની વિનંતી વિશે SMS દ્વારા જાણ કરવામાં આવશે.
• જો HOF રિક્વેસ્ટ સ્વીકારે છે અને સૂચનાની તારીખથી 30 દિવસની અંદર માય આધાર પોર્ટલમાં સાઇન ઇન કરીને મંજૂરી વ્યક્ત કરે છે, તો રિક્વેસ્ટ પર પ્રક્રિયા કરવામાં આવશે.