સસ્તા 5G Plans માટેની તૈયારી શરૂ, કંપનીઓએ એફોર્ડેબલ 5G આપવા માટે બનાવ્યો આ પ્લાન
ઘણા અહેવાલો કે જે અત્યાર સુધી બહાર આવ્યા છે તે સૂચવે છે કે 5G પ્લાન માટે, વપરાશકર્તાઓને 4G પ્લાન કરતાં થોડું વધારે ખિસ્સુ ખાલી કરવું પડશે. પરંતુ દરેકના મનમાં એક જ પ્રશ્ન છે કે આખરે કેટલો ખર્ચ કરવો પડશે?
ભારતમાં ટૂંક સમયમાં 5G સેવાઓ (5G Services)શરૂ થવા જઈ રહી છે, આપને જણાવી દઈએ કે ટેલિકોમ કંપનીઓ ઓક્ટોબરથી મોટા શહેરોમાં 5G સેવા પ્રદાન કરવાની યોજના ધરાવે છે. હાલમાં, કોઈપણ ટેલિકોમ કંપની, પછી ભલે તે રિલાયન્સ જિયો(Jio),એરટેલ અથવા વોડાફોન આઈડિયા ઉર્ફે Vi હોય, 5G પ્લાનની કિંમતો અંગે હજુ સુધી કોઈ સત્તાવાર માહિતી જાહેર કરી નથી.
ઘણા અહેવાલો કે જે અત્યાર સુધી બહાર આવ્યા છે તે સૂચવે છે કે 5G પ્લાન માટે, વપરાશકર્તાઓને 4G પ્લાન કરતાં થોડું વધારે ખિસ્સુ ખાલી કરવું પડશે. પરંતુ દરેકના મનમાં એક જ પ્રશ્ન છે કે આખરે કેટલો ખર્ચ કરવો પડશે?
શું છે પ્લાન
ઈકોનોમિક ટાઈમ્સના રિપોર્ટ અનુસાર, 5G પ્લાનની કિંમતો ઘટાડવા માટે દરેક પ્રયાસ કરવામાં આવી રહ્યા છે અને આ માટે સ્માર્ટફોન અને ટેલિકોમ કંપનીઓ એકબીજા સાથે હાથ મિલાવી રહી છે. આની પાછળનો હેતુ માત્ર એટલો જ છે કે વપરાશકર્તાઓને સસ્તી કિંમતે 5G અનુભવ મળી શકે. આપને જણાવી દઈએ કે હેન્ડસેટ અને ટેલિકોમ એક્ઝિક્યુટિવને ટાંકીને આ માહિતી આપવામાં આવી રહી છે. કંપનીઓ એવા પ્લાન પર કામ કરી રહી છે કે વપરાશકર્તાઓને OTT લાભો વગેરે સાથે સિંગલ રિચાર્જ પર અમર્યાદિત ડેટા પ્રદાન કરી શકાય.
રિયલમી-એરટેલની જોડી, વિગતો જુઓ
રિયલમી ઈન્ડિયાના સીઈઓ માધવ સેઠે માહિતી આપી છે કે કંપની એરટેલ સાથે મળીને સી સિરીઝના સ્માર્ટફોન માટે પ્લાન તૈયાર કરી રહી છે. તેઓ કહે છે કે અમે ટેલિકોમ કંપનીઓ સાથે 5Gનું પરીક્ષણ કરી રહ્યા છીએ અને ગ્રાહકોને બંડલ ઑફર્સ આપવા માટે પણ કામ કરવામાં આવી રહ્યું છે. કંપનીનું કહેવું છે કે અન્ય સ્માર્ટફોન માટે પણ આ સ્ટ્રેટેજી પર કામ કરવામાં આવી રહ્યું છે.
અન્ય હેન્ડસેટ કંપનીઓની વ્યૂહરચના શું છે?
માર્કેટમાં હાજર અન્ય કોઈ હેન્ડસેટ કંપનીઓ જેમ કે Vivo, Xiaomi, Samsung વગેરેએ આવી કોઈ ભાગીદારી અથવા કહો કે ભાગીદારી વિશે માહિતી આપી નથી.
