હવે તમને બેસ્ટ અને સારા ટ્વીટ માટે મળશે પૈસા, Twitter લાવી રહ્યું છે આ નવું બટન, જાણો વિગત

અહેવાલુંનું માનીએ તો Twitter એવી નવી સુવિધા લાવવા જઈ રહ્યું છે જેમાં સારી ટ્વીટ માટે કમાણી પણ કરી શકશો. જાણો શું છે આ સિસ્ટમ.

  • tv9 webdesk37
  • Published On - 16:52 PM, 24 Apr 2021
હવે તમને બેસ્ટ અને સારા ટ્વીટ માટે મળશે પૈસા, Twitter લાવી રહ્યું છે આ નવું બટન, જાણો વિગત
Twitter

માઇક્રોબ્લોગિંગ વેબસાઇટ ટ્વિટર (Twitter) ટૂંક સમયમાં તેના વપરાશકર્તાઓ માટે એક નવું બટન પ્રદાન કરવા જઈ છે. જેના દ્વારા વધુ સારી અને મજેદાર ટ્વીટ્સ માટે પૈસા પણ મળશે. એપ્લિકેશન સંશોધનકાર જેન માનચુન વોંગે (App researcher Jane Manchun Wong) આ માહિતી આપી. તેમણે જણાવ્યું હતું કે ટ્વિટર એક નવી સુવિધા લાવી રહ્યું છે, જેના દ્વારા ટ્વિટર વપરાશકર્તાઓને પૈસા કમાવવાનો ચાન્સ આપવામાં આવશે.

સંશોધનકારે આ માટે એક તસવીર શેર કરી, જેમાં બતાવવામાં આવ્યું છે કે આ નવું બટન ટ્વિટર યુઝર પ્રોફાઇલ પર દેખાશે. તેમણે ટ્વીટ કર્યું હતું કે યુઝર પ્રોફાઇલ પર સુપર ફોલોવ બટન પર ટ્વિટર કામ કરી રહ્યું છે. બટન પર ક્લિક કર્યા પછી, ચુકવણીનો વિકલ્પ દેખાશે – બેન્ડકેમ્પ (Bandcamp), કેશ એપ્લિકેશન (Cash App), પેટ્રેન (Patreon), પેયપલ (PayPal) અને વેન્મો (Venmo) જોવા મળશે.

ફેબ્રુઆરીમાં આ ઓપ્શનને લઈને સોશિયલ મીડિયા પર વિવાદ ફાટી નીકળ્યો હતો, જેની એક ટ્વિટર સુવિધા ‘સુપર ફોલોઅર’ છે. હકીકતમાં, આ સુવિધા સાથે હસ્તીઓને તેમના ટ્વીટ્સ ચાર્જ કરવાની શક્તિ આપવામાં આવશે, જે માઇક્રો-બ્લોગિંગ પ્લેટફોર્મને તેની આવક વધારવામાં મદદ કરશે. આ પછી ‘આરઆઈપી ટ્વિટર’એ (RIP Twitter) ટ્વિટર પર ટ્રેન્ડ થવાનું શરૂ થયું હતું.

જાહેર છે કે ઘણા એવા મોટા સેલિબ્રિટીના એકાઉન્ટ હોય છે આ ઉપરાંત ઘણા ફેમસ એકાઉન્ટ હોય છે જેમની ટ્વીટ ઘણી વાયરલ થતી રહેતી હોય છે. આમ જોવા જોઈએ તો આ નવી સુવિધાથી ઘણા લોકોને કમાણી કરવાનો મોકો મળશે. જેમાં એક સુપર ફોલોવ બટનની સુવિધા આપવામાં આવશે. જે સિલેક્ટ કર્યા બાદ પૈસાની ચૂકવણી કરવાની રહેશે. અગાઉ આ સુવિધા શરુ કરવાના અહેવાલ આવ્યા હતા ત્યારે તેનો ટ્વીટર પર ઘણો વિરોધ થયો હતો. હવે જોવું રહ્યું કે આગામી સમયમાં આ સુવિધાની શું અસર થાય છે.

 

આ પણ વાંચો: 120 વર્ષ સુધી જીવે છે અહિયાંના લોકો, દેખાય છે હંમેશાં યુવાન, જાણો શું છે રહસ્ય?

આ પણ વાંચો: મહત્વપૂર્ણ: જો હોસ્પિટલ કોરોના દર્દીને કેશલેસ વીમો ક્લેમ આપવાની ના કહી દે, તો અહીં ફરિયાદ કરો