હવે અવાજ પરથી મેળવી શકાશે બીમારીની માહિતી, બ્લડ અને દુખાવા વાળી સ્વાસ્થ્ય તપાસ હવે બનશે ભૂતકાળ

Tech  News : જમાના સાથે સાથે હવે ટેકનોલોજીમાં પણ અપડેટ ગઈ રહી છે. સ્વાસ્થ્ય વિજ્ઞાન ભલે ગમે તેટલો વિકાસ થઈ જાય, પણ બીમારીની જાણકારી બ્લડ સેમ્પલ લઈને જ થઈ શકે છે. તેના પરથી જ બીમારીની માહિતી મેળવી શકાય છે. પણ નજીક ભવિષ્યમાં લોહી અને દુખાવાવાળી આ સ્વાસ્થ્યની તપાસ ભૂતકાળ બની જશે. ભવિષ્યમાં દર્દીના અવાજ પરથી જ બીમારીની ખબર પડી જશે. તેના માટે યુએસ નેશનલ ઈંસ્ટીટ્યુટ ઓફ હેલ્થ દ્વારા એક પ્રકારના એઆઈ સોફ્ટવેર (Artificial intelligence) તૈયાર કરવામાં આવ્યુ છે, જે દર્દીના અવાજનું વિશલેષણ કરીને દર્દીની બીમારીની જાણકારી આપશે. આ શોધ માટે 14 મિલિયન ડોલરનું ફંડ મળ્યુ છે.

સાઉથ ફલોરિડા યુનિવર્સિટી 12 જેટલી શોધકર્તા ઈન્સ્ટીટ્યૂટનું નેતૃત્વ કરે છે. આ યુનિવર્સિટી આ ફંડનો ઉપયોગ કરી શકશે. આવનારા 4 વર્ષોમાં અનેક ડોક્ટરોને ડિગ્રી મળશે. આ ડોક્ટરો આ નવા એઆઈ સિસ્ટમનો ઉપોયગ ભવિષ્યમાં કરી શકશે. આ ડિગ્રીનો ઉદ્દેશ્ય પ્રાઈવેસીને ધ્યામાં રાખીને લોકોના અવાજના ડેટા બેસ તૈયાર કરવાનો છે. ચાલો જાણીએ તેના વિશે.

સરળતાથી જાણવા મળશે બીમારીની માહિતી

આ ડેટા બેસની મદદથી ડોક્ટરો દર્દીના અવાજનું વિશલેષણ કરવાનો મોકો મળશે. જેની મદદથી તેઓ દર્દીના બીમારી જાણી શકશે. તેનાથી ન્યૂરોલોજિક્લ ડિસ ઓર્ડરની પણ જાણકારી મળી શકશે. અવાજ એ હેલ્થ સિસ્ટમનો બાયોમાર્ક હોય છે અને તેની મદદથી જ ભવિષ્યમાં સોફ્ટરવેર બીમારીની જાણકારી આપશે. શોધકર્તાઓ અનુસાર, આ ટેકનીકથી અવાજની મદદથી 5 પ્રકારને બીમારી જાણી શકાશે.

આ સિસ્ટમ MRI સ્કેનર જેવું કામ કરશે

અવાજ સાંભળીને બીમારી જણાવનાર આ ટેકનીક ભવિષ્યમાં એમઆરઆઈ સ્કેનર જેવું કામ કરશે. શોધકર્તા અનુસાર, બાયોમાર્કર દર્દીની જાણકારી એકઠી કરવામાં આ ઉપયોગી સાબિત થશે. અવાજ તેમાં સૌથી સારે માર્ગ બનશે. જો ભવિષ્યમાં આ શોધમાં સફળતા મળશે, તો ભવિષ્યમાં આ એક કાંતિક્રારી શોધ સાબિત થશે.

આર્ટિફિશિયલ ઇન્ટેલિજન્સ એટલે શું ?

આર્ટિફિશિયલ ઇન્ટેલિજન્સ (AI) એ મશીનોમાં માનવ બુદ્ધિના સિમ્યુલેશનનો સંદર્ભ આપે છે જે મનુષ્યની જેમ વિચારવા અને તેમની ક્રિયાઓની નકલ કરવા માટે પ્રોગ્રામ કરેલ હોય છે. આ શબ્દ કોઈપણ મશીન પર પણ લાગુ થઈ શકે છે જે માનવ મન સાથે સંકળાયેલ લક્ષણો જેમ કે શીખવા અને સમસ્યાનું નિરાકરણ દર્શાવે છે. તે ભવિષ્યમાં પણ માનવજાત માટે ખુબ ઉપયોગી સાબિત થશે.