સમય સાથે અનેક વસ્તુઓમાં પરિવર્તન આવતા રહ્યા છે. પરિવર્તન એ દુનિયાનો નિયમ છે, તે વાત આજે ટેક્નોલોજી પર પણ લાગુ પડે છે. આદિકાળથી લઈને આધુનિક કાળ સુધી માનવજાતે ખુબ પ્રગતિ કરી છે. શોધ અને વિચારને કારણે થયેલી ક્રાંતિથી આજે દુનિયાભરના લોકોનું જીવન સરળ અને સુવિધાથી યુક્ત બન્યુ છે. તમારી પાસે જો કાર છે તો તમે FASTagના મહત્ત્વ વિશે જાણતા જ હશો. FASTag વગર ટોલ પ્લાઝાને પાર કરવાથી ડબલ ટોલ ટેક્સ ભરવો પડે છે. કેટલાક કાર ચાલક એ વાતને લઈને ઘણીવાર હેરાન હોય છે કે ફાસ્ટેગ રીચાર્જ કરવામાં ઘણો ટાઈમ લાગે છે. હવે આ ટેન્શન ખત્મ થશે. FASTag Recharge અને એક ખાનગી બેન્ક દ્વારા ફાસ્ટેગ રીચાર્જ કરવાની સુવિધા શરુ કરવામાં આવી છે.
હવે પહેલાની જેમ થર્ડ પાર્ટી એપ કે નેટબેન્કિંગ લોગ ઈન કર્યા વગર વોટ્સએપથી ફાસ્ટેગને રીચાર્જ કરવામાં આવશે. તેની પ્રક્રિયા પણ ખુબ સરળ છે. તેના માટે તમારે એક નંબર પર મેસેજ કરવાનો રહેશે. જાણો તેની પૂરેપૂરી પ્રક્રિયા વિશે.
FASTag ભારતમાં ઈલેક્ટ્રોનિક ટોલ કલેક્શન સિસ્ટમ છે, જે નેશનલ હાઈવે ઓથોરિટી ઓફ ઈન્ડિયા (NHAI) દ્વારા સંચાલિત છે. તે રેડિયો ફ્રીક્વન્સી આઈડેન્ટિફિકેશન (RFID) ટેક્નૉલૉજીનો ઉપયોગ પ્રિપેઇડ અથવા તેની સાથે જોડાયેલા સેવિંગ્સ એકાઉન્ટમાંથી અથવા સીધા જ ટોલ માલિકથી ટોલ ચૂકવણી કરવા માટે કરે છે. તે વાહનની વિન્ડસ્ક્રીન પર ચોંટી જાય છે અને ટોલ પ્લાઝા પર પૈસા આપવા માટે રોકાયા વિના ટોલ પ્લાઝામાંથી વાહન ચલાવવા માટે સક્ષમ બનાવે છે.