સિમ કાર્ડ ફ્રોડ કેસમાં Viને કોઈ રાહત નહીં, ભરવો પડશે 1.9 કરોડનો દંડ
ટેલિકોમ વિભાગ (DoT) એ પ્રી-એક્ટિવેટેડ સિમ કાર્ડ કેસમાં વોડાફોન-આઇડિયાને વચગાળાની રાહત આપવાનો ઇનકાર કર્યો છે. આ સાથે આગામી એક સપ્તાહમાં 1.9 કરોડ રૂપિયાની રકમ જમા કરવાનો આદેશ આપવામાં આવ્યો છે.
પ્રી-એક્ટિવેટેડ સિમ કાર્ડ ફ્રોડ (SIM Card Fraud) કેસમાં ટેલિકોમ ટ્રિબ્યુનલ (TDSAT) દ્વારા Vodafone-Idea (Vi) ને રાહત આપવાનો ઈનકાર કરવામાં આવ્યો છે. જે પહેલેથી જ દેવામાં ડૂબેલી ટેલિકોમ કંપની વોડાફોન-આઈડિયા લિમિટેડ (VIL) માટે બેવડો ફટકો છે. ટેલિકોમ વિભાગ (DoT)એ પ્રી-એક્ટિવેટેડ સિમ કાર્ડ કેસમાં વોડાફોન-આઈડિયાને વચગાળાની રાહત આપવાનો ઈનકાર કર્યો છે. આ સાથે આગામી એક સપ્તાહમાં 1.9 કરોડ રૂપિયાની રકમ જમા કરવાનો આદેશ આપવામાં આવ્યો છે.
વોડાફોન-આઈડિયાને કોર્ટમાંથી કોઈ રાહત મળી નથી
કોર્ટે પ્રી-એક્ટિવેટેડ સિમના વેચાણ પર ટેલિકોમ વિભાગ (DoT) દ્વારા લાદવામાં આવેલા દંડ પર Viને રાહત આપવાનો ઈનકાર કર્યો છે. ડિપાર્ટમેન્ટ ઓફ ટેલિકોમ્યુનિકેશન્સ (DoT) એ જણાવ્યું હતું કે VIL (Vi) પર 1.9 કરોડ રૂપિયાનો દંડ લાદવામાં આવ્યો છે, જે આ અઠવાડિયા સુધીમાં ચૂકવવો પડશે. જો આમ નહીં થાય, તો DoT બેંક ગેરંટી જપ્ત કરશે.
કોર્ટે તાત્કાલિક રકમ જમા કરાવવાનો આદેશ કર્યો
આ મામલાની સુનાવણી દરમિયાન જસ્ટિસ ધીરુભાઈ એન પટેલની અધ્યક્ષતાવાળી TDSATની બેન્ચે કહ્યું કે ‘અમે તમને આ મામલે રાહત આપી શકીએ નહીં. તમારે દંડની રકમ ચૂકવવી જ પડશે’. કોર્ટે આગળ કહ્યું કે ‘જો તમારા વતી કરવામાં આવેલો દાવો સાચો સાબિત થશે તો તે રકમ તમને એક સપ્તાહની અંદર પરત કરવામાં આવશે’.
શું છે સમગ્ર બાબત
વાસ્તવમાં મામલો પૂર્વ ઉત્તર પ્રદેશનો છે, જ્યાં મોટી સંખ્યામાં પ્રી-એક્ટિવેટેડ એટલે કે પહેલાથી એક્ટિવ સિમ મળી આવ્યા હતા, જેના સંદર્ભમાં વોડાફોન-આઈડિયા વિરુદ્ધ ફરિયાદ દાખલ કરવામાં આવી હતી અને પૂછવામાં આવ્યું હતું કે સિમ કાર્ડ અગાઉ કેવી રીતે એક્ટિવેટ થયા.
દરેક સિમ પર લાગ્યો 50,000 દંડ
આ સિમ કાર્ડ કથિત રીતે VILના છૂટક ભાગીદારને વેચવામાં આવ્યા હતા. આ પછી માર્ચ 2020માં પોલીસ દરોડામાં રિટેલ ભાગીદારના પરિસરમાંથી પ્રી-એક્ટિવેટેડ સિમ કાર્ડ્સ મળી આવ્યા હતા. થોડા દિવસો પછી ટેલિકોમ વિભાગે વોડાફોન-આઈડિયા કંપનીને કારણ બતાવો નોટિસ પાઠવી હતી. આ ઉપરાંત, ટેલિકોમ વિભાગે Vodafone-Idea (Vi)ને દરેક સિમ કાર્ડ માટે રૂ. 50,000ના દરે કુલ રૂ. 1.9 કરોડનો દંડ ચૂકવવાનો આદેશ આપ્યો હતો. આ કેસની આગામી સુનાવણી 22 માર્ચે થશે.
આ પણ વાંચો: Tech Tips: યાદ કરી લો આ ચાર ડિજિટનો કોડ, ઈન્ટરનેટ કે સ્માર્ટફોનની નહીં રહે જરૂર, ફટાફટ થશે પૈસા ટ્રાન્સફર