અવકાશ અનેક અદભુત વસ્તુઓથી ભરપૂર છે. પૃથ્વી પણ આ અવકાશનો ભાગ છે. જેમ પૃથ્વી પર અનેક અદભુત રહસ્યો , વસ્તુઓ અને સ્થળો સમયે સમયે મળતા આવે છે, તેવી જ રીતે અનેક સંશોધનો, ટેકનોલોજી (Technology) અને અવકાશ મિશનને કારણે અવકાશના રહસ્યો આપણને જાણવા મળે છે. અવકાશ વિજ્ઞાનની દુનિયામાં શોધ માટે નાસા (NASA) તેના વિવિધ મિશન પર કામ કરે છે. હાલમાં ચંદ્ર, મંગળ અને શુક્ર ગ્રહ માટે મિશનને લઈને નાસાની તૈયારીઓ ચાલુ છે. નાશાના આ મિશનનું લક્ષ્ય શુક્ર ગ્રહ પર વિવિધ શક્યતાઓ શોધવાનો છે, આ માટે નાશા આ દાયકાના અંત સુધીમાં શુક્ર મિશન શરૂ કરશે. શુક્ર ગ્રહ માટે ચાલી રહેલી તૈયારીઓને ધ્યાનમાં રાખીને નાસા તેના મિશનમાં એક પ્રકારનું ડિવાઈઝ મોકલવા જઈ રહ્યું છે, જે વિદ્યાર્થીઓ દ્વારા બનાવવામાં આવ્યું છે. ચાલો જાણીએ કે આખરે આ ઉપકરણ શું છે અને તે આ મિશનમાં કેવી રીતે મદદરૂપ સાબિત થશે.
સ્પેસ એજન્સી નાસા તરફથી એક નવા સમાચાર આવ્યા છે. આ સમાચાર એ ડિવાઈઝ વિશે છે, જે શુક્ર પર જઈ રહેલા મિશનમાં સામેલ થશે. નાસા શુક્ર ગ્રહ સાથે સંબંધિત રહસ્યો ખોલવાના તેના મિશનમાં વ્યસ્ત છે. નાસાનો દાવો છે કે આ દાયકાના અંત સુધીમાં તેને શુક્ર ગ્રહ સંબંધિત માહિતી મળી જશે.
આ ડિવાઈઝનું નામ છે વિનસ ઓક્સિજન ફ્યુગાસીટી (VfOx). તે એક નાના બટનની સાઈઝનું સેન્સર છે, જે વિદ્યાર્થીઓ દ્વારા ડિઝાઈન, બનાવટ, પરીક્ષણ, સંચાલિત અને વિશ્લેષણ કરવામાં આવે છે. આ વિદ્યાર્થીઓ અંડરગ્રેજ્યુએટ અને ગ્રેજ્યુએટ છે, જેમણે વિદ્યાર્થી સહયોગ પ્રયોગ હેઠળ આ મિશનમાં જોડાવાનું નક્કી કર્યું છે. આ ટીમ શુક્ર પરથી પાછા ફર્યા બાદ આ ડિવાઈઝમાંથી ડેટા એકત્ર કરશે એટલું જ નહીં, પરંતુ નાસાની DAVINCI વિજ્ઞાન ટીમ સાથે મળીને આ મિશનને લગતી પ્રવૃત્તિઓમાં પણ સામેલ થશે.
શુક્ર ગ્રહ વિદ્યાર્થીઓ દ્વારા ડિઝાઈન કરાયેલ આ ઉપકરણ VfOx શુક્ર ગ્રહની ટોચ પર સ્થાપિત કરવામાં આવશે. આ ઉપકરણનું કાર્ય શુક્ર ગ્રહ પર હાજર વાદળોના ઊંડા વાતાવરણમાં ઓક્સિજનના નાના અંશને માપવાનું હશે. આ ઉપકરણ સામાન્ય રીતે ઓટોમોબાઈલ એન્જિનમાં ઓક્સિજન સેન્સર તરીકે પણ કામ કરે છે, જ્યાં તેનું કાર્ય અન્ય ઘટકોની તુલનામાં ઓક્સિજનની માત્રાને માપવાનું છે. આ ઉપકરણ દ્વારા વૈજ્ઞાનિકો જાણી શકશે કે શુક્રની સપાટી પર કયા ખનિજો સૌથી વધુ સ્થિર છે. શુક્ર ગ્રહ પર હાજર પથ્થરોની તુલનામાં શુક્રના વર્તમાન વાતાવરણમાં કેટલો ઓક્સિજન છે, તેનું સંશોધન કરવામાં મદદ મળશે.