Google Chrome યૂઝર્સ થઈ જાઓ સાવધાન! સરકારે જાહેર કરી આ ચેતવણી
ઈન્ડિયન કોમ્પ્યુટર ઈમરજન્સી રિસ્પોન્સ ટીમે (CERT-In) ક્રોમના યુઝર્સ માટે કડક ચેતવણી જાહેર કરી છે. જાણકારી અનુસાર બ્રાઉઝરમાં ઘણી ખામીઓ છે જેને હાઈ એલર્ટ તરીકે માર્ક કરવામાં આવી છે.
વિશ્વની જાણીતી કંપની ગૂગલ ક્રોમ (Google Chrome) સર્ચ પ્લેટફોર્મને દરેક વ્યક્તિ જાણે છે. દરેક વ્યક્તિ આ પ્લેટફોર્મનો ઉપયોગ કોઈને કોઈ કામ માટે કરે છે. ભારતમાં પણ તે એક લોકપ્રિય સર્ચ પ્લેટફોર્મ છે, જેના પર મોટાભાગના લોકો નિર્ભર છે. આવી સ્થિતિમાં ભારત સરકારે ગૂગલ ક્રોમને લઈને ચેતવણી જાહેર કરી છે. જો તમે પણ હાલમાં તમારા રોજિંદા કામ માટે ગૂગલ ક્રોમનો ઉપયોગ કરી રહ્યા છો તો આ સમાચાર તમારા કામના છે.
વાસ્તવમાં ભારતીય કોમ્પ્યુટર ઈમરજન્સી રિસ્પોન્સ ટીમ (CERT-In)એ ક્રોમના વપરાશકર્તાઓને કડક ચેતવણી આપી છે. જાણકારી અનુસાર બ્રાઉઝરમાં ઘણી ખામીઓ છે, જેને હાઈ એલર્ટ તરીકે માર્ક કરવામાં આવી છે. CERT-Inએ એક સરકારી એજન્સી છે, જે સાયબર સુરક્ષા જોખમોનું સંચાલન કરે છે. એજન્સીના પ્રકાશિત અહેવાલમાં ગૂગલ ક્રોમમાં આવી રહેલી સમસ્યાઓ વિશે જણાવવામાં આવ્યું છે.
ક્રોમ વિશ્વમાં સૌથી વધુ ઉપયોગમાં લેવાતું બ્રાઉઝર છે. ઘણા લોકો આ બ્રાઉઝરનો ઉપયોગ કરે છે કારણ કે તે તમામ Android ઉપકરણો સાથે સંકલિત છે. એનાલિટિક્સ ફર્મ સ્ટેટ કાઉન્ટરના રિપોર્ટમાં જાણવા મળ્યું છે કે ક્રોમ વૈશ્વિક સ્તરે સૌથી વધુ બ્રાઉઝર માર્કેટ શેર ધરાવે છે. આ વેબ વપરાશના 63 ટકા હિસ્સો ધરાવે છે, જે આશ્ચર્યજનક નથી. બ્રાઉઝરની લોકપ્રિયતા તેને એક સાથે અનેક ઉપકરણો સુધી પહોંચવા માટે સાયબર હુમલાનું લક્ષ્ય બનાવે છે.
રિપોર્ટમાં દાવો કરવામાં આવ્યો છે કે ગૂગલ ક્રોમમાં ઘણી નબળાઈઓ નોંધવામાં આવી છે, જે હેકર અને સાયબર હુમલાને સરળતાથી સિસ્ટમ હેક કરવાની તક આપી શકે છે. રિપોર્ટ અનુસાર સિક્યોર બ્રાઉઝિંગ, રીડર મોડ, વેબ સર્ચ, થંબનેલ ટેબ સ્ટ્રીપ, સ્ક્રીન કેપ્ચર, વિન્ડો ડાયલોગ, પેમેન્ટ્સ, એક્સ્ટેન્શન્સ, ફુલ સ્ક્રીન મોડ, સ્ક્રોલ, એક્સ્ટેંશન પ્લેટફોર્મ જેવા કારણોસર ગૂગલ ક્રોમમાં ખામીઓ છે.
પરંતુ, વપરાશકર્તાઓએ ચિંતા કરવાની જરૂર નથી કારણ કે ગૂગલે પહેલેથી જ એક અપડેટ બહાર પાડ્યું છે અને ચેતવણી એવા વપરાશકર્તાઓ માટે છે જેઓ હજી પણ 98.0.4758.80 પહેલા Google Chrome સંસ્કરણનો ઉપયોગ કરી રહ્યાં છે. નવું Chrome 98.0.4758.80/81/82 અપડેટ તાજેતરમાં Windows માટે અને 98.0.4758.80 Mac અને Linux વપરાશકર્તાઓ માટે રિલીઝ કરવામાં આવ્યું હતું, જેમાં ઘણા સુધારાઓ શામેલ છે. સાયબર સિક્યોરિટી ટીમના જણાવ્યા મુજબ યુઝર્સને ક્રોમના જૂના વર્ઝનનો ઉપયોગ ન કરવાની સલાહ આપવામાં આવે છે. ક્રોમ ટીમે જાણ કરી છે કે નવું અપડેટ 27 સુરક્ષા ફિક્સ કરે છે, જેમાં ઉપરોક્ત તમામ મુદ્દાઓનો સમાવેશ થાય છે.
આ પણ વાંચો – Instagram Tips and Tricks: ડિલીટ થયેલા ફોટો અને વીડિયો કરી શકાય છે રિસ્ટોર, અપનાવો આ જબરદસ્ત ટ્રિક
આ પણ વાંચો – જાણો લતા મંગશેકરના સમયથી આજ સુધીમાં કેટલી બદલાઈ ગઈ છે મ્યૂઝિકલ ટેક્નોલોજીની દુનિયા