Online Saleમાં ડિલીવર થઈ જાય ખોટો સામાન તો કેવી રીતે કરશો ફરિયાદ અને કેવી રીતે મળશે રિફન્ડ ? જાણો અહીં

તહેવારોની સિઝનમાં દરેકની લોકો ઓનલાઈન શોપિંગ કરતા હોય છે. એમેઝોન-ફ્લિપકાર્ટ જેવા ઈ-કોમર્સ પ્લેટફોર્મ પર ભારે ડિસ્કાઉન્ટ ઓફર આપવામાં આવી રહી છે. તેથી જ લોકો આજકાલ ઓનલાઈન સામાન ઓર્ડર કરવાનું પસંદ કરે છે. ઓનલાઈ શોપિંગનો સૌથી મોટો ફાયદો એ છે કે તમારે બજારોમાં ખરીદી કરવા માટે ભટકવુ નથી પડતુ અને તમે ઘરે બેઠા સામાન મંગાવી શકો છો. જો કે, ઓનલાઈન સામાન ઓર્ડર કરતી વખતે કેટલીકવાર વસ્તુઓ ખોટી થઈ જાય છે.

આવા ઘણા કિસ્સા પ્રકાશમાં આવ્યા છે જેમાં લોકોને ખોટો સામાન પહોંચાડવામાં આવ્યો હતો. તેના વિશે ફરિયાદ કેવી રીતે કરવી અને પૈસા કેવી રીતે પાછા મેળવવા તે અહીં જુઓ.

ઓનલાઈન માર્કેટપ્લેસ તમને હોમ ડિલિવરીનો વિકલ્પ આપે છે. જો કોઈ વસ્તુ ખરાબ બહાર આવે તો રિફંડ પ્રક્રિયા કંપનીઓના આધારે બદલાઈ શકે છે. રિફંડ અને રિટર્ન પોલિસી હોવી કાયદેસર રીતે જરૂરી નથી, પરંતુ સારી કંપની તેના ગ્રાહકોને રિફંડ અને રિટર્ન પોલિસીનો લાભ આપે છે. જો કોઈ રિફંડ અથવા રિટર્ન પોલિસી ન હોય, તો ગ્રાહક ગ્રાહક સુરક્ષા અધિનિયમ, 2019 હેઠળ રાહત મેળવી શકે છે.

Amazon: અહીં ફરિયાદ કરો

એમેઝોન અને ફ્લિપકાર્ટ જેવી કંપનીઓ ખોટા સામાનની ડિલિવરી પર રિફંડ આપે છે. એમેઝોને ખોટા સામાનની ડિલિવરી માટે કેટલાક માપદંડો નક્કી કર્યા છે. જો તમારો કેસ તે માપદંડોને બંધબેસે છે તો તમે રિફંડ પ્રક્રિયા શરૂ કરી શકો છો. માલની ખોટી ડિલિવરીના વળતર માટે, વ્યક્તિએ રિટર્ન્સ સપોર્ટ સેન્ટર પેજ પર જવું પડશે. આમાં તમારે વિગતો આપવી પડશે, ત્યારબાદ રિફંડની પ્રક્રિયા શરૂ કરવામાં આવશે.

Flipkart: આ રીતે તમને રિફંડ મળશે

તમે Flipkart માં My Orders પેજ પર ઉપલબ્ધ ફોર્મ ભરીને રિક્વેસ્ટ રિટર્ન વિકલ્પ પસંદ કરી શકો છો. મંજૂરી બાદ રિફંડની પ્રક્રિયા શરૂ થશે. જ્યારે આ પ્રક્રિયા પૂર્ણ થશે, ત્યારે પૈસા તમને પહોંચાડવામાં આવશે.

એમેઝોન-ફ્લિપકાર્ટ રિફંડ પૈસા કેવી રીતે મેળવશો-

કંપની તમને પેમેન્ટ પસંદ કરવાનો વિકલ્પ આપી શકે છે. જો તમે ઇચ્છો, તો તમે સીધા તમારા બેંક ખાતામાં પૈસા ટ્રાન્સફર કરી શકો છો. આ સિવાય તમે એમેઝોન પે બેલેન્સ અને ફ્લિપકાર્ટ ગિફ્ટ કાર્ડ દ્વારા પણ રિફંડ પૈસા લઈ શકો છો. કેટલાક કિસ્સાઓમાં, ચેક પણ પ્રાપ્ત થઈ શકે છે, પરંતુ આ પ્રક્રિયામાં થોડો સમય લાગી શકે છે.

Consumer Forum: અહીં ફરિયાદ કરો

જો કોઈ કંપની ખોટા માલની ડિલિવરી પર રિફંડ ન આપે તો તમે કન્ઝ્યુમર પ્રોટેક્શન એક્ટ, 2019ની મદદ લઈ શકો છો. આ અંતર્ગત તમે કન્ઝ્યુમર ફોરમમાં કંપની વિરુદ્ધ ફરિયાદ નોંધાવી શકો છો. જિલ્લા, રાજ્ય અને રાષ્ટ્રીય સ્તરના આધારે કેસ નોંધવામાં આવે છે.

સૌ પ્રથમ, તમારે ખોટા માલની ડિલિવરી માટે રિફંડની માંગ કરતી વિક્રેતાને કાનૂની નોટિસ મોકલવી પડશે. જો 30 દિવસની અંદર જવાબ ન મળે, તો તમારે બને તેટલી વહેલી તકે ગ્રાહક તકરાર નિવારણ ફોરમ/કમિશનમાં ફરિયાદ નોંધાવવી જોઈએ.

આ માટે તમારે ફી ચૂકવવી પડશે. તમામ જરૂરી દસ્તાવેજો જેવા કે બિલની નકલ, કાનૂની નોટિસ, વોરંટી અથવા ગેરંટી દસ્તાવેજો, તમામ માહિતી/પુરાવાઓની સચ્ચાઈ અંગેના સોગંદનામું ફરિયાદ સાથે જોડવા જોઈએ. તમે ડિપાર્ટમેન્ટ ઓફ કન્ઝ્યુમર અફેર્સના ઈન્ટિગ્રેટેડ ગ્રીવન્સ રિડ્રેસ મિકેનિઝમ (INGRAM) પોર્ટલની મુલાકાત લઈને પણ ઓનલાઈન ફરિયાદ નોંધાવી શકો છો.