એક જ ફોનમાં કેવી રીતે ચલાવશો બે WhatsApp , જાણો આ ટ્રિક
ઘણા લોકો તેમની પર્સનલ અને પ્રોફેશનલ લાઇફને અલગ રાખવા માટે અલગ અલગ ફોનમાં વોટસએપ ઓપરેટ કરવું પડે છે. જો કે આજે અમે તમને એક જ ફોનમાં બે વોટ્સએપ એકાઉન્ટ કેવી રીતે ચલાવી શકાય તેની ત્રણ રીત જણાવવા જઇ રહ્યા છીએ.
દુનિયાભરમાં વધી રહેલા સ્માર્ટફોનના વપરાશની સાથે નવી ટેકનોલોજી પણ ઉમેરાય રહી છે. જેમાં હવે સ્માર્ટફોન(Smart phone ) પણ ડ્યુઅલ સિમ સપોર્ટ સાથે આવે છે. જેમાં ઘણા લોકો એક સાથે બે સિમ કાર્ડનો ઉપયોગ પણ કરે છે. જો કે આજકાલ લોકપ્રિય સોશિયલ મેસેજિંગ એપ વોટ્સએપ(WhatsApp) એક ફોનમાં બે અલગ અલગ નંબરો પર એકાઉન્ટ્સ ઉપયોગ કરવાની મંજૂરી આપતી નથી.
તેથી ઘણા લોકો તેમની પર્સનલ અને પ્રોફેશનલ લાઇફને અલગ રાખવા માટે અલગ અલગ ફોનમાં વોટસએપ ઓપરેટ કરવું પડે છે. જો કે આજે અમે તમને એક જ ફોનમાં બે વોટ્સએપ એકાઉન્ટ કેવી રીતે ચલાવી શકાય તેની ત્રણ રીત જણાવવા જઇ રહ્યા છીએ. જેના દ્વારા તમે એક જ ફોનમાં ડ્યુઅલ વોટ્સએપ સુવિધાનો ઉપયોગ કરી શકાય છે.
1. તમારા Android ફોનમાં ખાસ સુવિધાઓ હોય છે.
જેમાં હાલમાં સેમસંગ, વીવો, શાઓમી, ઓપ્પો, વનપ્લસ અને રિયાલિટી જેવી કંપનીઓ તેમના ફોનમાં કોઈપણ એપને ક્લોન કરવાની સુવિધા પૂરી પાડે છે. આ સુવિધા શાઓમીમાં ડ્યુઅલ એપ્સ, સેમસંગમાં ડ્યુઅલ મેસેંજર, ઓપ્પોમાં એપ ક્લોનર, વીવોમાં એપ ક્લોન અને વનપ્લસમાં પેરેલલ એપ્સના નામ પર આવી સુવિધા ઉપલબ્ધ છે. તમે સેટિંગ્સ પર જઈને અને વોટ્સએપ(WhatsApp)ની ક્લોન એપ બનાવીને અને પછી તેના પર બીજા એકાઉન્ટનો ઉપયોગ કરીને આ સુવિધાનો ઉપયોગ કરી શકો છો.
2. આ એપ્લિકેશનને ગૂગલ પ્લે સ્ટોર પરથી ડાઉનલોડ કરો
જો તમારા ફોનમાં ક્લોન એપ્લિકેશન સુવિધા આપવામાં નથી આવી. તો પછી તમે ગૂગલ પ્લે સ્ટોરથી થર્ડ પાર્ટી એપ્લિકેશન ડાઉનલોડ કરી શકો છો. Play Store પર જાઓ અને એપ્લિકેશન ક્લોન શોધો. તમે એપ્લિકેશન કદ, રેટિંગ્સ અને ડાઉનલોડ્સની સંખ્યા જોઈને તમારી પસંદની કોઈપણ એપ્લિકેશનને ડાઉનલોડ કરી શકો છો. આ વોટ્સએપને ક્લોન કરશે અને તમે ફોનમાં બીજા એકાઉન્ટનો ઉપયોગ કરી શકશો.
3. વોટ્સએપ બિઝનેસનો ઉપયોગ કરો
તમે એક એકાઉન્ટ વોટ્સએપની પ્રાઇમરી એપ પર અને બીજું એકાઉન્ટ વોટ્સએપ બિઝનેસ એપ્લિકેશન પર વાપરી શકો છો. ખાસ વાત એ છે કે આ સુવિધા એન્ડ્રોઇડ અને આઇઓએસ બંને ફોનમાં કામ કરશે. આ સુવિધાના કેટલાક ફાયદા છે અને એક ગેરલાભ પણ છે. જ્યારે પણ તમે વોટસએપ બિઝનેસ એપ્લિકેશનથી કોઈનો સંપર્ક કરો છો તો સામેની વ્યક્તિ તે જોઇ શકે છે કે તમે વોટ્સએપ બિઝનેસ એકાઉન્ટનો ઉપયોગ કરી રહ્યાં છો.
આ પણ વાંચો : Pandemic Positivity : કોરોના મહામારીના સમયમાં આ 4 વસ્તુઓ કરી, રાખો પોતાની જાતને વ્યસ્ત