Facebook New Name: Meta અથવા Horizon હોય શકે છે ફેસબુકનું નવુ નામ? જાણો શું છે તેની પાછળનું કારણ

કંપનીઓ તેમની સેવાનું વિસ્તરણ કરતી વખતે તેમના નામમાં ફેરફાર કરે તે અસામાન્ય નથી. યાદ હોય તો ફેસબુકે 2005 માં પણ આવું જ કંઈક કર્યું હતું. જ્યારે તેણે પોતાનું નામ TheFacebook થી બદલીને Facebook કર્યું હતુ.

Facebook's new name could be Meta or Horizon

TV9 Gujarati | Edited By: Bhavyata Gadkari | Updated on: Oct 23, 2021 | 8:16 AM

28 ઓક્ટોબરે તેની વાર્ષિક કનેક્ટ કોન્ફરન્સમાં ધ વર્જ દ્વારા અગાઉના અહેવાલ મુજબ, Facebook Inc. પોતાને એક નવા નામ સાથે રિબ્રાન્ડ કરવાનું આયોજન કરી રહ્યું છે. આ અહેવાલે હવે ઓનલાઈન (Online) અટકળોનો ધમધમાટ ઉભો કર્યો છે અને દરેક નવા નામનો અનુમાન લગાવવાનો પ્રયાસ કરી રહ્યા છે. જ્યારે ટ્વિટર પર લોકો “FB” અને “The Facebook” જેવા સરળ નામો સૂચવી રહ્યા છે, ત્યારે અહેવાલો સૂચવે છે કે કંપનીના નવા નામનો “Horizon” સાથે કંઈક સંબંધ હોઈ શકે છે. જે વર્ચ્યુઅલ રિયાલિટી પ્લેટફોર્મ છે જેને કંપની વિકસાવી રહી છે. મેટાવર્સ વિકસાવવાના ઝકરબર્ગના ઇરાદાનો આ એક સંકેત હશે.

ફેસબુકના ભૂતપૂર્વ સિવિક ઈન્ટિગ્રિટી ચીફ સમિધ ચક્રવર્તીએ સૂચવ્યું છે કે કંપની “મેટા” ને સંભવિત નામ તરીકે પણ જોઈ શકે છે. meta.com હાલમાં meta.org પર રીડાયરેક્ટ કરે છે, જે ચાન ઝુકરબર્ગ પહેલ હેઠળ વિકસિત બાયોમેડિકલ સંશોધન શોધ સાધન છે.

રિપોર્ટ અનુસાર, રિબ્રાન્ડિંગનો હેતુ ફેસબુકને મેટાવર્સ કંપની તરીકે રજૂ કરવાનો હશે. Facebook, Instagram, WhatsApp અને અન્ય સહિતની તમામ એપ્સ અને સેવાઓ પોતપોતાની બ્રાન્ડિંગ જાળવી રાખશે અને હવે નવા મૂળભૂત માળખા હેઠળ કાર્ય કરશે. આ રિબ્રાન્ડિંગ પ્રેક્ટિસ આલ્ફાબેટ નામની મૂળ સ્ટ્રક્ચરની સ્થાપના માટે ગૂગલે અગાઉ કરેલી સમાન હશે.

ફેસબુક હાલમાં મેટાવર્સ બનાવવા પર ધ્યાન કેન્દ્રિત કરી રહ્યું છે, જે મૂળભૂત રીતે એક ઓનલાઇન દુનિયા છે જ્યાં લોકો વર્ચ્યુઅલ વાતાવરણમાં ટ્રાન્સફર અને વાતચીત કરવા માટે વિવિધ સાધનોનો ઉપયોગ કરી શકે છે. આ પરિપૂર્ણ કરવા માટે, કંપનીએ વર્ચ્યુઅલ રિયાલિટી અને ઓગમેન્ટેડ રિયાલિટીમાં ભારે રોકાણ કર્યું છે.

કંપનીઓ તેમની સેવાનું વિસ્તરણ કરતી વખતે તેમના નામમાં ફેરફાર કરે તે અસામાન્ય નથી. યાદ હોય તો ફેસબુકે 2005 માં પણ આવું જ કંઈક કર્યું હતું. જ્યારે તેણે પોતાનું નામ TheFacebook થી બદલીને Facebook કર્યું હતુ.

આ પણ વાંચો –