Technology: જો ATM માં તમારા પૈસા ફસાઈ જાય તો ગભરાટમાં આ ભૂલ ન કરતા, પૈસા પાછા મેળવવા માત્ર આટલુ કરો

ઘણીવાર આપણે પૈસા ઉપાડવા માટે એટીએમ (ATM machine) મશીનનો ઉપયોગ કરીએ છીએ. એટીએમ મશીન ઈમરજન્સી કે કોઈપણ જરૂરિયાતના કિસ્સામાં ખૂબ મદદરૂપ છે. અહીંથી આપણે કોઈપણ સમયે આપણા પૈસા સરળતાથી ઉપાડી શકીએ છીએ. જો કે, ઘણી વખત એટીએમમાંથી પૈસા ઉપાડતીન ( withdraw money) વખતે લોકોને વિવિધ પ્રકારની સમસ્યાઓનો સામનો કરવો પડે છે.

ઘણી વખત એવું જોવા મળ્યું છે કે ATMમાંથી પૈસા ઉપાડતી વખતે લોકોના પૈસા મશીનમાં ફસાઈ જાય છે. આવી સ્થિતિમાં, ઘણા લોકો ગભરાઈ જાય છે અને ફરીથી એટીએમ મશીનમાંથી પૈસા કાઢવાનો પ્રયાસ કરે છે. આ સ્થિતિમાં તમારે ગભરાવાની જરૂર નથી. અહીં અમે તમને તે પ્રક્રિયા વિશે જણાવવા જઈ રહ્યા છીએ, જેની મદદથી તમે ATMમાં ફસાયેલા પૈસા ઉપાડી શકો છો. ચાલો આ સમગ્ર પ્રક્રિયા વિશે વિગતવાર જાણીએ.

જો એટીએમમાંથી પૈસા ઉપાડતી વખતે એટીએમ મશીનમાં પૈસા ફસાઈ જાય ( Money Stuck) અને ખાતામાંથી પણ કપાઈ જાય તો આ સ્થિતિમાં તમારે ટ્રાન્ઝેક્શન સ્લિપ તમારી પાસે રાખવી જોઈએ. બીજી બાજુ, જો તમને એટીએમ મશીનમાંથી ટ્રાન્ઝેક્શન સ્લિપ ન મળે, તો તમે તેને બેંક સ્ટેટમેન્ટમાંથી પણ મેળવી શકો છો.

આ પછી, આગળની પ્રક્રિયામાં, તમારે બેંક શાખાની મુલાકાત લેવી પડશે અને તેના વિશે લેખિત ફરિયાદ કરવી પડશે. ફરિયાદ નોંધાવતી વખતે તમારે તમારી ટ્રાન્ઝેક્શન સ્લિપની ફોટોકોપી પણ જોડવી પડશે.

ભારતીય રિઝર્વ બેંકે (Reserve Bank of India)આ બાબતોને ધ્યાનમાં રાખીને વિશેષ માર્ગદર્શિકા બનાવી છે. આ મુજબ, આવા કિસ્સાઓમાં, બેંકે 7 દિવસની અંદર ગ્રાહકોને પૈસા પાછા આપવા પડશે. જો બેંક એક અઠવાડિયાની અંદર તમારા પૈસા પરત ન કરે, તો તમે તેના માટે બેંકિંગ લોકપાલનો સંપર્ક કરી શકો છો.

જો બેંક 7 દિવસની અંદર ગ્રાહકોને પૈસા પરત કરવામાં સક્ષમ નથી, તો તે પછી બેંકે ગ્રાહકને દરરોજ 100 રૂપિયા ચૂકવવા પડશે. આ વિષય પર વધુ માહિતી માટે, તમે બેંકના ગ્રાહક સેવા અધિકારી સાથે વાત કરી શકો છો.

આ પણ વાંચો: Fact Check: ‘મત નહીં આપ્યો તો કપાશે 350 રૂપિયા’, EC ના નામે ફરતા આ ફેક મેસેજથી રહેજો સાવધાન

આ પણ વાંચો: Viral: નકલી સાપને જોઈને વાંદરાનો પરસેવો છૂટી ગયો, વીડિયો જોઈ હસવું રોકી નહીં શકો