આજના સમયમાં લગભગ દરેક કામ કરવાની રીત બદલાઈ છે. ખાસ કરીને બેંકિંગ ક્ષેત્રમાં ઘણો બદલાવ આવ્યો છે. હાલમાં બધા કાર્ય માટે બેંકમાં જવાની જરૂરિયાત રહી નથી, કારણ કે ઘણા કામ હવે ઓનલાઈન બેંકિંગ (Online Banking) કે ફોન બેંકિંગ દ્વારા કરી શકાય છે. ઘણા લોકો ગ્રાહક સંભાળ સાથે વાત કરવા માટે કસ્ટમર કેર નંબર (Customer Care No. Fraud) શોધે છે અને આજકાલ લોકો દરેક વસ્તુ માટે Google પર જાય છે.

તમે છેતરાઈ શકો છો

લોકો Google પર કસ્ટમર કેર નંબર પણ સર્ચ કરે છે, પરંતુ જો તમે પણ Google પર બેંક સંબંધિત કસ્ટમર કેર નંબર સર્ચ કરો છો, તો તે તમારા માટે મુશ્કેલી ઉભી કરી શકે છે અને તમે છેતરાઈ શકો છો. ચાલો જાણીએ કે આવું કેમ ન કરવું જોઈએ અને તમે કસ્ટમર કેર નંબર ક્યાંથી મેળવી શકો છો.

કસ્ટમર કેર નંબર પર કોલ કરવાની મનાઈ કરી

Google પર કોઈપણ બેંકના કસ્ટમર કેર નંબરને સર્ચ કરવા નહીં, કારણ કે છેતરપિંડી કરનારાઓ અહીં ફેક વેબસાઈટ અને ફેક કસ્ટમર કેર નંબર મૂકે છે. તે એકદમ ઓરિજનલ જેવા જ લાગે છે અને તમે કહી શકતા નથી કે તે ફેક છે. રિઝર્વ બેંક ઓફ ઈન્ડિયા એટલે કે RBI એ પણ લોકોને ગૂગલ પર સર્ચ કરીને આપેલા કસ્ટમર કેર નંબર પર કોલ કરવાની મનાઈ કરી છે. તે ફેક હોય છે અને ફ્રોડ કરનારા લોકો તેમની વાતોમાં લલચાવીને છેતરપિંડી કરે છે. તેથી આ રીતે નંબર સર્ચ કરવાનું ટાળવું જોઈએ.

કસ્ટમર કેર નંબર ક્યાંથી મેળવવા

હવે તમેને થતું હશે કે ગૂગલ પરથી કસ્ટમર કેર નંબર લેવાનો જ નથી, તો પછી તમે કોઈ કામ માટે કસ્ટમર કેરમાં વાત કરવા માટે શું કરવું. સૌપ્રથમ તો તમારે તમારી બેંકની સત્તાવાર વેબસાઇટ પર આપેલા કસ્ટમર કેર નંબર પર જ કોલ કરવો જોઈએ.

આ પણ વાંચો : Phone Call Fraud: જો તમને આ નંબરો પરથી ફોન આવે તો ઉપાડશો નહીં, તમારું બેંક એકાઉન્ટ ખાલી થઈ જશે, જાણો કેવી રીતે થાય છે ફ્રોડ

આ સિવાય જો તમે વેબસાઇટ વગેરે શોધી શકતા નથી, તો આવી સ્થિતિમાં તમને તમારા ડેબિટ કાર્ડ કે ક્રેડિટ કાર્ડની પાછળની બાજુએ તમારી બેંકના કસ્ટમર કેર નંબર લખેલા જોવા મળશે. આ સિવાય તમે બેંક પાસબુક પર કસ્ટમર કેર નંબર પણ મેળવી શકો છો.

ટેક્નોલોજીના તમામ સમાચાર વાંચવા માટે અહીં ક્લિક કરો