Low Electricity Bill: ઉનાળામાં AC અને પંખાના વપરાશ છતાં વીજળીનું બિલ આવશે ઓછું! અપનાવો આ સરળ રીત

ગરમીનો પારો વધતાની સાથે જ ઘરોમાં એસી, પંખા અને કુલરનો વપરાશ વધી જાય છે, જેની સીધી અસર ખિસ્સા પર એટલે કે વીજળીના બિલ પર પડે છે. જોકે, નિષ્ણાતોના મતે આપણી રોજિંદી આદતોમાં થોડો ફેરફાર કરીને આપણે વીજળીનો વપરાશ નોંધપાત્ર રીતે ઘટાડી શકીએ છીએ.

AC નો સ્માર્ટ ઉપયોગ

• તાપમાનનું સેટિંગ: એસીને 18 ડિગ્રીને બદલે 24 થી 26 ડિગ્રી વચ્ચે સેટ કરો. માત્ર એક ડિગ્રી તાપમાન વધારવાથી વીજળીમાં અંદાજે 6% ની બચત થઈ શકે છે.
• પંખાનો સાથ: એસીની સાથે સીલિંગ ફેનને ધીમી ગતિએ ચલાવવાથી ઠંડી હવા આખા રૂમમાં ઝડપથી ફેલાય છે અને એસી પર લોડ ઓછો પડે છે.
• ફિલ્ટરની સફાઈ: એસીના એર ફિલ્ટરને દર 15 દિવસે સાફ કરો. ગંદા ફિલ્ટરને કારણે મોટરને વધુ કામ કરવું પડે છે, જે વધુ વીજળી વાપરે છે.

કુદરતી ઠંડકની પદ્ધતિઓ

• પડદાનો ઉપયોગ: બપોરના સમયે ઘરના બારી-બારણાં બંધ રાખી ઘાટા રંગના પડદા લગાવો. આનાથી સૂર્યની સીધી ગરમી અટકે છે અને રૂમ ઠંડો રહે છે.
• વેન્ટિલેશન: સાંજના સમયે બારીઓ ખોલી દો જેથી તાજી હવા અંદર આવે. જો તમે ઉપરના માળે રહેતા હોવ, તો ધાબા પર સફેદ રિફ્લેક્ટિવ પેઇન્ટ લગાવવાથી ઘરનું તાપમાન ઓછું રહે છે.

રેફ્રિજરેટરની કાળજી

• ફ્રીજને દીવાલથી ઓછામાં ઓછું 6 ઇંચ દૂર રાખો જેથી તેની ગરમી સરળતાથી બહાર નીકળી શકે.
• ગરમ ખોરાક સીધો ફ્રીજમાં ન મૂકો અને દરવાજો વારંવાર ખોલવાનું ટાળો. ફ્રીજને ‘વિન્ટર મોડ’ માંથી ‘સમર મોડ’ પર સ્વિચ કરવાનું ભૂલશો નહીં.

ઉપકરણોને અનપ્લગ કરો

ટીવી, લેપટોપ ચાર્જર કે માઇક્રોવેવ જેવા ઉપકરણો રિમોટથી બંધ કર્યા પછી પણ ‘સ્ટેન્ડબાય મોડ’ માં વીજળી વાપરતા હોય છે. વપરાશ ન હોય ત્યારે તેને સ્વીચ બોર્ડથી જ બંધ કરો અથવા પ્લગ કાઢી નાખો.

LED બલ્બ અપનાવો

જૂના ફિલામેન્ટ બલ્બ કે ટ્યુબલાઇટ વધુ ગરમી પેદા કરે છે અને વીજળી પણ વધુ વાપરે છે. તેને સ્થાને LED બલ્બ લગાવો, જે ઓછી વીજળીમાં વધુ પ્રકાશ આપે છે અને લાંબો સમય ચાલે છે.

AC ચાલુ કરતા જ થયો જોરદાર ધડાકો, જાણો એસીમાં બ્લાસ્ટ કેમ થાય છે અને કેવી રીતે રહેવું સુરક્ષિત?, વાંચવા માટે અહીં ક્લિક કરો