Yuzvendra Chahal : ટીમમાં સ્થાન ન મળ્યું તો પત્ની ધનશ્રી ભાવુક થઈ, સોશિયલ મીડિયા પર પતિ માટે લખી પોસ્ટ

Yuzvendra Chahal : BCCI એ બુધવારે રાત્રે ટી 20 વર્લ્ડ કપ (T20 World Cup) માટે ટીમની જાહેરાત કરી હતી. યુઝવેન્દ્ર ચહલના નામની ગેરહાજરીથી ચાહકોને સૌથી વધુ આશ્ચર્ય થયું હતું. ટી 20 ફોર્મેટ (T20 Format)માં સૌથી વધુ વિકેટ લેવાનો રેકોર્ડ યુઝવેન્દ્ર ચહલના નામે છે. આ હોવા છતાં તેને ટીમમાં તક આપવામાં આવી ન હતી. ભારતે રવિન્દ્ર જાડેજા, રવિચંદ્રન અશ્વિન, વરુણ ચક્રવર્તી, અક્ષર પટેલ અને રાહુલ ચાહરમાં પાંચ સ્પિન વિકલ્પો પસંદ કર્યા.

ચહલની પસંદગી ન થતાં તેમની પત્ની ધનશ્રી વર્મા (Dhanashree Verma) ખૂબ જ ભાવુક થઈ ગઈ હતી. તેણે સોશિયલ મીડિયા (Social Media) પર એક ખાસ પોસ્ટ દ્વારા તેના પતિને પ્રોત્સાહિત કરવાનો પ્રયાસ કર્યો. ધનશ્રી કોરિયોગ્રાફર (Choreographer) અને યુટ્યુબર છે. તે દરેક મહત્વપૂર્ણ પ્રસંગે સ્ટેડિયમમાં ચહલને ચીયર કરતી જોવા મળે છે. BCCI (Board of Control for Cricket in India)ના મુખ્ય પસંદગીકર્તાએ પણ ચહલને ન પસંદ કરવાનું કારણ આપ્યું હતું.

ધનશ્રીએ ભાવનાત્મક મેસેજ લખ્યો

ધનશ્રી વર્માએ સીધું કશું લખ્યું ન હતું, પરંતુ તેમની પોસ્ટ સાથે, તેમણે ચોક્કસપણે હાવભાવમાં યુઝવેન્દ્ર ચહલ (Yuzvendra Chahal)ને પ્રોત્સાહિત કરવાનો પ્રયાસ કર્યો. ધનશ્રીએ ઈન્સ્ટા સ્ટોરીમાં લખ્યું છે- ‘માતા કહે છે કે, આ સમય પણ પસાર થવાનો છે. તમારું માથું ઉંચું કરો અને જીવો કારણ કે, કુશળતા અને સારા કાર્યો હંમેશા તમારી સાથે રહે છે. તો વાત એવી છે કે આ સમય પણ પસાર થવાનો છે ભગવાન હંમેશા મહાન છે.’

પસંદગી સમિતિના અધ્યક્ષ ચેતન શર્મા (Chetan Sharma)એ ચહલની ગેરહાજરી અંગે કહ્યું કે, અશ્વિન અમારા માટે મહત્વનો ખેલાડી છે. તેઓએ IPLમાં સારું પ્રદર્શન કર્યું છે અને અમને અનુભવી ખેલાડીઓની જરૂર છે. વોશિંગ્ટન સુંદરની ઈજાને કારણે અમને ઓફ સ્પિનરની જરૂર છે.

ચહલ સૌથી સફળ ટી 20 બેટ્સમેન છે

ચહલ ટી 20 આંતરરાષ્ટ્રીય ક્રિકેટ (T20 International Cricket)માં ભારતના અગ્રણી બોલરોમાંથી એક છે. ચહલે 49 મેચમાં 25.30 ની સરેરાશ અને 8.32 ની ઇકોનોમી રેટ પર 63 વિકેટ લીધી છે. જોકે બુધવારે તેનું નામ ટી 20 વર્લ્ડ કપની ટીમમાં નહોતું. ભારતે રવિન્દ્ર જાડેજા, રવિચંદ્રન અશ્વિન, વરુણ ચક્રવર્તી, અક્ષર પટેલ અને રાહુલ ચાહરના રૂપમાં પાંચ સ્પિન બોલરોની પસંદગી કરી. આ જાહેરાત બાદ સોશિયલ મીડિયા પર લોકો ચહલના ટી 20 વર્લ્ડ કપ માટે ટીમમાંથી બાકાત થવાથી ચોંકી ગયા છે.

T20 માં ચહલ કરતાં ચાહરનો સ્ટ્રાઇક રેટ સારો છે

31 વર્ષના ચહલની એકંદર ટી 20 કારકિર્દીની વાત કરીએ તો તેણે 207 મેચમાં 24.67 ની સરેરાશથી 227 વિકેટ લીધી છે. તેનો સ્ટ્રાઇક રેટ 19.40 હતો. એટલે કે, તેણે દર 19 માં બોલ પર ટી 20 માં વિકેટ લીધી છે. બીજી બાજુ, રાહુલ ચાહરે 66 ટી 20 માં 82 વિકેટ લીધી છે. તેની સરેરાશ 21.36 છે, જે ચહલ કરતા સારી છે. તે જ સમયે, ચાહર સ્ટ્રાઈક રેટની બાબતમાં પણ આગળ છે. તેણે ટી 20 માં દરેક 17 માં બોલ પર વિકેટ લીધી છે.

UAE માં 17 ઓક્ટોબરથી શરૂ થઈ રહેલા ICC T20 વર્લ્ડ કપમાં 12 ટીમો ભાગ લઈ રહી છે. આ 12 ટીમોને બે ગ્રુપમાં વહેંચવામાં આવી છે. ભારતને બીજા ગ્રુપમાં સ્થાન આપવામાં આવ્યું છે.

આ પણ વાંચો : Lemon Pickle Recipe : ઘણી બીમારીઓ દૂર રાખવાની સાથે ઇમ્યુનીટી પણ વધારશે, આ રીતે બનાવો ટેસ્ટી લીંબુનું અથાણું