Lemon Pickle Recipe : ઘણી બીમારીઓ દૂર રાખવાની સાથે ઇમ્યુનીટી પણ વધારશે, આ રીતે બનાવો ટેસ્ટી લીંબુનું અથાણું

Lemon Pickle Recipe : અથાણા વગર આપણું ભોજન ખરેખર અધૂરું છે. જો તમે અથાણાંના પ્રેમી છો, તો પછી તમે જાણો છો કે, ઘરે બનાવેલા અથાણાં (Pickle) કરતાં વધુ સારું કંઈ નથી. તે કોઈ પણ વસ્તુ સાથે માણી શકાય છે. હવે તે દાળ, શાક અથવા પરાઠા હોય, તમે આ વાનગી (Recipe)ઓ સાથે અથાણું ખાઈ શકો છો. તે ઘરે સરળતાથી ઉપલબ્ધ મસાલા સાથે તરત જ બનાવી શકાય છે. ચાલો જાણીએ તેની રેસિપી.

લીંબુના અથાણાંની સામગ્રી

લીંબુ – 10 સરસવના દાણા – 2-3 ચમચી મેથીના દાણા – 1/4 ચમચી હળદર – 1/4 ચમચી મીઠું – 1 ચમચી હિંગ – 1/4 ચમચી તેલ – 1/4 કપ

એક વાસણમાં પાણી નાખો અને તેને ઉકાળો. લીંબુ ઉમેરો અને લીંબુ નરમ થાય ત્યાં સુધી ઢાંકી દો. ત્યારબાદ લીંબુ (Lemon) કાઢી તેને સૂકવો. લીંબુના ચાર ભાગ બનાવો.

એક પેનમાં 2 ચમચી સરસવ, મેથીના દાણાને સુગંધિત થાય ત્યાં સુધી તળો. તેને બારીક પાવડર બનાવી લો. આ મિશ્રણને બાફેલા લીંબુ ઉપર છાંટો. હવે તેમાં લાલ મરચું પાવડર (Chili Powder), હળદર અને મીઠું ઉમેરો. સારી રીતે ભેળવી દો.

એક પેનમાં તેલ, હિંગ અને 1 ચમચી સરસવ નાખો. સારી રીતે ભેળવી દો. અથાણાં ઉપર તમામ મસાલો નાંખો અને સારી રીતે મિક્સ કરો. પરાઠા અને ભાત સાથે લીંબુના અથાણાં (Lemon Pickle)નો આનંદ માણો.

લીંબુના આરોગ્ય લાભો

લીંબુ ખાટું ફળ છે. તે ફોલેટ, કેલ્શિયમ, આયર્ન, પોટેશિયમ (Potassium), જસત, મેંગેનીઝ, પ્રોટીન અને કોપરથી સમૃદ્ધ છે. લીંબુમાં અપચો, ખીલ, પથરી, સ્થૂળતા અને અન્ય ઘણી સ્વાસ્થ્ય સમસ્યાઓની સારવાર કરવાની ક્ષમતા છે. તેમાં વિટામિન સી ભરપૂર માત્રામાં હોય છે. તેમાં કેલરી ખૂબ ઓછી છે. લીંબુનો ઉપયોગ વિવિધ વાનગી (Recipe)ઓમાં થાય છે. ઘણા લોકો સવારે લીંબુ પાણીનું સેવન કરે છે.

વજન ઘટાડવા માટે લીંબુનું સેવન પણ કરી શકાય છે. રોજ સવારે એક ગ્લાસ લીંબુ પાણીમાં થોડું મધ મિક્સ કરીને પીવાથી તમારા ચયાપચયની ગતિ વધે છે. આ વજન ઘટાડવામાં મદદ કરે છે.

જે લોકોની રોગપ્રતિકારક શક્તિ (Immunity) નબળી છે તેઓ શરદી અને ફલૂ માટે વધુ સંવેદનશીલ હોય છે. લીંબુમાં રહેલું વિટામિન સી રોગપ્રતિકારક શક્તિને મજબૂત બનાવવામાં મદદ કરે છે. તે વારંવાર થતા રોગો (Diseases)ના જોખમને ઘટાડવામાં મદદ કરે છે.

લીંબુ તમારા લીવર અને કિડની માટે કુદરતી ડિટોક્સિફાઇંગ એજન્ટ તરીકે કામ કરી શકે છે. તે તમને તમારા શરીરમાંથી ચેપ ફેલાવતા તમામ બેક્ટેરિયાને કુદરતી રીતે બહાર કાવામાં મદદ કરે છે.

(નોંઘ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)

આ પણ વાંચો : Australia Cricket: ટિમ પેન અફઘાનિસ્તાન સામે રમવા માંગતો નથી, જાણો શું છે કારણ ?