Australiaમાં જીતનો ઝંડો લહેરાવનારા છ ભારતીય યુવા ખેલાડીઓને આ SUV મળશે ગીફ્ટ

દેશના મોટા વાહન નિર્માતા કંપની મહિન્દ્રા ઓટોમોટિવ (Mahindra Automotive) ના પ્રમુખ આનંદ મહિન્દ્રા (Anand Mahindra) ટીમ ઇન્ડીયા (Team India) ના યુવા ખેલાડીઓથી ખુશ થઇ ઉઠ્યા છે. ઓસ્ટ્રેલીયામાં ઐતિહાસિક બોર્ડર ગાવાસ્કર ટ્રોફી (Border Gavaskar Trophy) જીતવા પર ટીમ ઇન્ડીયાના છ યુવા ખેલાડીઓને ખાસ ગીફટ તેઓએ આપી છે. આ માટેનુ એલાન તેઓ પોતાના ટ્વીટર હેન્ડલ દ્રારા કર્યુ હતુ. તેમણે કહ્યુ હતુ કે, ઓસ્ટ્રેલીયામાં જીતનો ઝંડો લહેરાવનારી ભારતીય ક્રિકેટ ટીમના 6 યુવા ખેલાજીઓને પોતાની દમદાર પ્રોડક્ટ આપશે. મહિન્દ્રા ‘થાર’ (Mahindra Thar) મોડલની SUV ખેલાડીઓને આપશે. તેમની આ ગીફ્ટ ચોક્કસ પણે તે યુવા ખેલાડીઓને ભવિષ્યમાં સારુ રમવા માટે પ્રેરિત કરશે. જે છ ખેલાડીઓને ‘થાર’ ભેટમાં આપવામાં આવી છે, તેમાં મહંમદ સિરાજ (Mohammad Siraj), શાર્દુલ ઠાકુર (Shardul Thakur), નવદિપ સૈની (Navdeep Saini), વોશિંગ્ટન સુંદર (Washington Sundar) અને શુભમન ગીલ (Shubaman Gill) ના નામ સામેલ છે.

આનંદ મહિન્દ્રાએ ટ્વીટ કરતા લખ્યુ છે તે, 6 યુવા ખેલાડીઓએ હાલમાં જ ખતમ થયેલી, ભારત ઓસ્ટ્રેલીયા સિરીઝમાં ડેબ્યુ કર્યુ છે. તેમણે ભારતની આવનારી પેઢીના યુવાઓ માટે સપના અને અસંભવને હાંસિલ કરવાનુ શિખવ્યુ છે. આગળની ટ્વીટમાં કહ્યુ છે કે, કહાનીઓ હકિકતમાં ઉત્થાનની સ્ટોરી છે, મુશ્કેલ સંજોગોમાંથી બહાર નિકળીને શ્રેષ્ઠતા હાંસલ કરવાની છે. તે જીંદગીના દરેક મંચ પર પ્રેરણાં આપી રહ્યા છે. મને ખુબ જ ખુશી છે કે હું આ બધા જ 6 નવા ખેલાડીઓને પોતાની તરફ થી નવી એસયુવી ગીફ્ટ કરી રહ્યો છુ. જે કંપનીના ખર્ચ પર નથી.

બતાવી દઇએ કે આ તમામ યુવાન ખેલાડીઓએ પુરી સિરીઝ દરમ્યાન શાનદાર પ્રદર્શન કરીને ટીમને એક યાદગાર જીત અપાવી હતી. ઝડપી બોલર મહંમદ સિરાજે પુરી સિરીઝમાં જબરદસ્ત પ્રદર્શન કરીને ભારત તરફ થી સૌથી વધુ 13 વિકેટ ઝડપી હતી. બ્રિસબેનમાં રમાયેલી નિર્ણાયક ટેસ્ટમાં પણ વોશિંગ્ટન સુંદર અને શાર્દુલ ઠાકુર એ બેટ અને બોલ બંને થી જબરદસ્ત પ્રદર્શન કર્યુ હતુ. આ ઉપરાંત યુવા ઓપનર શુભમન ગીલ એ બ્રિસબેનમાં 91 રનોની શાનદાર પારી રમીને ટીમને જીત અપાવવામાં મહત્વની ભૂમિકા નિભાવી હતી.