ટી-20 લીગ: RCBના કેપ્ટન કોહલીની શાનદાર ઈનિંગ, ચેન્નાઈને જીતવા માટે 170 રનની જરૂર

ચેન્નાઇ સુપર કિંગ્સ અને રોયલ ચેલેન્જર્સ બેંગ્લોર વચ્ચે દુબઇમાં ટી-20 લીગની મેચ યોજાઈ. સિઝનની 25મી મેચમાં બેંગ્લોરના કેપ્ટન વિરાટ કોહલીએ ટોસ જીતીને પ્રથમ બેટીંગ કરવાનો નિર્ણય કર્યો હતો. બેંગ્લોરે વિકેટ ટકાવીને રન કરવાની યોજાના ઘડી હોય એમ રમત દાખવી હતી. જોકે 13 રનના સ્કોર પર જ આરોન ફીંચ ક્લીન બોલ્ડ થતા પ્રથમ વિકેટ ગુમાવી હતી. વિરાટ કોહલી અને પડીક્કલે 50 રનની ભાગીદારી નોંધાવી હતી. કોહલીએ પણ ટીમ તરફથી સર્વોચ્ચ 90 રન કર્યા હતા. બેંગ્લોરે ક્રિસ મોરીસ અને ગુરકીરત માનને સ્થાન આપ્યુ હતુ. જ્યારે ચેન્નાઇએ કેદાર જાદવને આખરે મેદાન બહાર રાખ્યો હતો અને જગદીશનને તક આપી હતી. રોયલ ચેલેંજર્સ બેંગ્લોરે 20 ઓવરની રમતને અંતે ચાર વિકેટ ગુમાવીને 169 રન કર્યા હતા.

બેંગ્લોરની બેટીંગ

વિરાટ કોહલીએ સિઝનની બીજી અડધી સદી ફટકારી. કોહલીએ ઝડપી રમત દાખવી હતી. ચાર ચોગ્ગા અને ચાર છગ્ગાની મદદથી 52 બોલમાં 90 રન કર્યા હતા. બેંગ્લોરે આજે એક યોજનાપુર્વકની રમત દાખવી હોય એમ લાગી રહ્યુ હતુ. પ્રથમ વિકેટ આરોન ફીંચની 13 રનના સ્કોર પર ગુમાવી હતી. તે દિપક ચહરના બોલ પર ક્લીન બોલ્ડ થયો હતો. વિરાટ કોહલી અને દેવદત્ત પડીક્કલે 50થી વધુ રનની ભાગીદારી કરી હતી. પડીક્કલ 34 બોલમાં 33 રન કરીને આઉટ થયો હતો. ડીવીલીયર્સ ખાતુ ખોલાવ્યા વિના જ શાર્દુલનો શિકાર થતા આઉટ થયો હતો. વોશીંગ્ટન સુંદર નંર પાંચ પર ક્રિઝ પર આવ્યો હતો, પરંતુ તે સફળ નહોતો રહ્યો અને 10 રન બનાવીને આઉટ થયો હતો. શિવમ દુબે પણ અણનમ 22 રન નોંધાવ્યા હતા.

ચેન્નાઇની બોલીંગ

શાર્દુલ ઠાકુરે બે વિકેટ ઝડપી હતી. તેણે જોકે ચાર ઓવરમાં દશ વિકેટ આપી હતી, સેમ કુરને ચાર ઓવરમાં એક વિકેટ મેળવીને એક વિકેટ ઝડપી હતી. દિપક ચહરે ત્રણ ઓવરમાં એક વિકેટ ઝડપીને માત્ર દશ રન આપ્યા હતા. કર્ણ શર્માએ ચાર ઓવરમાં 34 રન આપ્યા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો