T-20 લીગની 13 મી સીઝનની 16મી મેચ શનિવારે એક જ દિવસમાં બીજી રમાનારી મેચમાં કલકત્તા નાઈટ રાઇડર્સ અને દિલ્હી કેપિટલ્સ આમને સામને હશે. આ મેચમાં સિઝનની પ્રથમ હાર સહન કરીને મેદાનમાં આવશે. જ્યારે કલકત્તા રાજસ્થાન રોયલ્સ જેવી ફોર્મમાં રહેલી ટીમને હાર આપીને મેદાનમાં ઉતરશે. જો કે દિલ્હીની મજબુત બેટીંગલાઈન અપે ગત મેચમાં સનરાઈઝર હૈદરાબાદની બોલીંગ સામે 163 રનનો આસાન સ્કોર પણ હાંસલ કરી શકી નહોતી. એક હાર પછી કોઈપણ ટીમને હળવાશ લેવી એ મોટી ભૂલ માનવા સ્વરુપ હશે, આ વાતને દિનેશ કાર્તિક પણ સારી રીતે જાણતા હશે. કાર્તિકે પાછળની મેચમાં જે રીતે કેપ્ટનશીપ નિભાવી હતી અને પોતાના બોલરોને જે પ્રમાણે સારી રીતે ઉપયોગ કર્યો હતો, બસ એ વાત પર જ દિલ્હીએ નજર રાખવાની હશે. જો કે દિલ્હીએ બેશક આ માટે રણનિતી પણ ઘડી જ હશે.
દિલ્હીની બેટીંગમાં મોટુ નામ એક રુષભ પંતનું માનવામાં આવે છે. જેને એક મોટી પારી રમવાની પણ ખેવના વર્તાતી હશે. પંતના બેટથી હજુ સુધી એવી રમત નથી નિકળી કે જેના માટે તે મશહુર છે. યુવા પૃથ્વિ શો એક અડધી સદી કરી ચુક્યો છે. શિખર ધવનનું બેટ પણ ચાલી રહ્યુ છે. દિલ્હીના બેટ્સમેનોએ અત્યાર સુધી સંયુક્ત રીતે એક સારી રમત દાખવી છે, જો કે વ્યક્તિગતરુપથી કોઈ બેટ્સમેને હજુ સુધી એકલા હાથે મોટી રમત નથી દાખવી. ટીમ મેનેજમેન્ટ પણ એ વાત પર ઉમ્મીદ રાખશે કે હવે આ મેચથી જ શરુઆત થાય. બોલીંગની બાબતમાં જો વાત કરવામાં આવે તો દિલ્હી કેપિટલ્સ મજબુત ગણી શકાય. કાગિસો રબાડા અને એનરીક નોત્ર્જે બંને સારુ પ્રદર્શન કરી રહ્યા છે. પાછળની મેચમાં જ ઈશાંત શર્માની વાપસી થઈ હતી, તેના આવવાથી રબાડાને એક જરુરી અનુભવ અને સમર્થન મળી રહ્યુ છે.
સ્પીન બોલરોમાં લીગના ઈતીહાસમાં સૌથી સફળ સ્પીનરોમાંથી એક અમિત મિશ્રા પણ ટીમ માટે ઉપયોગી નિવડી રહ્યો છે તો કલકત્તાએ પણ પોતાનુ સંતુલન એક તરફથી ફરીવાર હાંસિલ કરી લીધુ છે. શુભમન ગીલ ફોર્મમાં છે. ઈયોન મોર્ગન અને આંદ્રે રસેલ પણ ધીરે ધીરે લયમાં આવી રહ્યા છે. ચિંતા છે તો ગિલ સાથે એક સારી ઓપનર જોડીની શોધવાની સુનિલ નરેન સંપુર્ણ પણે નિષ્ફળ રહ્યો છે. કલકત્તા માટે તો પેન્ટ કમિન્સ અનુભવની રીતે અને શિવમ માવી, કમલેશ નાગર કોટી જેવી જોડી પણ અસરકારક નિવડી રહી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો