દિલ્હી કેપીટલ્સના ઓપનર બેટ્સમેન શિખર ધવને સિઝનની 30 મી મેચમાં રાજસ્થાન રોયલ્સ સામે શાનદાર રમત દાખવી. કારણ કે, ટીમે 10 રનના સ્કોર પર જ બે વિકેટ ગુમાવી દીધી હતી. ઓપનર પૃથ્વી શો ઇનીંગ્સના પ્રથમ બોલ પર ક્લીન બોલ્ડ અને બાદમાં અજીંક્ય રહાણે બે રન બનાવીને આઉટ થયો હતો. શિખર ધવને બાદમાં કેપ્ટન શ્રેયસ ઐયર સાથે મળીને ઇનીંગને સંભાળી અને ત્રીજી વિકેટ માટે 85 રનની ભાગીદારી કરી.
જોકે શિખર ધવન જ્યારે 53 રન પર હતો ત્યારે શ્રેયસ ગોપાલના બોલ પર કાર્તિક ત્યાગીના હાથે કેચ આઉટ થયો. શિખર ધવને ટી-20 લીગની ટુર્નામેન્ટમાં 39મી અર્ધશતક બનાવી. આ સાથે જ તે લીગમાં વધુ ફીફટી નોંધાવનારો ભારતીય ખેલાડી બની ગયો. આ સાથે તેણે વિરાટ કોહલી, રોહિત શર્મા અને સુરેશ રૈનાના રેકોર્ડને તોડ્યો છે.
કોના કેટલા અર્ધ શતક.
શિખર ધવન-39
વિરાટ કોહલી-38
રોહિત શર્મા-38
સુરેશ રૈના-38
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો