સચિન તેંદુલકરે પેરાસિલીંગ કરતો વિડીયો શેર કર્યો, લખ્યુ ‘હમ તો ઉડ ગયે’

કોરોના વાયરસની મહામારીની વચ્ચે સચિન તેદુંલકર રજાઓ મનાવતો અને એડવેન્ચર કરતો નજરે ચડ્યા છે. ક્રિકેટ લીજંડ સમુદ્રમાં પેરાસિલિગ કરી હતી. જેનો વિડીયો તેણે સોશિયલ મિડીયા પર શેર કર્યો હતો. વિડીયોમાં સચિન ખૂબ જ મસ્તી ભર્યા મુડમાં જોવા મળ્યો હતો. સચિને ઇન્સ્ટાગ્રામ પર વિડીયો શેર કરતા કેપ્શનમાં લખ્યુ હતુ કે, ‘હમ તો ઉડ ગયે’ ( અમે તો ઉડી ગયા). જોકે તેમણે આ વિડીયો મુજબ એડવેન્ચર કરી રહ્યા છે તે સ્પષ્ટતા કરી નહોતી.

સચિનના વિડીયો પર યુઝર્સે પણ ખુબ મજેદાર કોમેન્ટસ પણ કરી હતી. એક યુઝરે લખ્યુ હતુ કે આ આઇડીયા પુત્રી સારા તેંદુલકરનો જ હશે. તો બીજા યુઝરે લખ્યુ હતુ કે, પહેલા બોલરોને ઉડાવ્યા, હવે ખુદ ઉડી ગયા.

સચિન કેરીયરની 200 મી ટેસ્ટ રમ્યા બાદ વર્ષ 2013માં ઇન્ટરનેશનલ ક્રિકેટમાંથી સંન્યાસ લઇ લીધો હતો. વર્ષ 2011 વિશ્વ કપમાં પણ તેણે મહત્વની ભૂમિકા નિભાવી હતી. તે ખિતાબ ભારતીય ટીમે મહેન્દ્રસિંહ ધોનીની કેપ્ટનશીપમાં જીત્યો હતો. આંતર રાષ્ટ્રીય ક્રિકેટમાં સચિન 100 શતક લગાવનારો એક માત્ર ખેલાડી છે. જેણે 200 ટેસ્ટમાં 15921 અને 463 વન ડેમાં 18426 રન બનાવ્યા છે. તેણે આંતરરાષ્ટ્રીય ટી20માં 10 રન બનાવ્યા છે. આઇપીએલમાં 78 મેચ રમ્યો હતો, જેમાં એક શતક સાથે 2334 રન બનાવ્યા હતા.