Wrestling: શહેરમાં બુરખો પહેરી રૂઢિચુસ્ત માહોલમાં રહેવા છતા, રમત સાથે જીવી લેવા રેસલર તાહિરા ખાતૂને આજીવન કુંવારી રહેવા તૈયાર

જ્યારે તેણે કુસ્તીના અખાડામાં પગ મૂક્યો ત્યારે તેને બુરખો પહેરીને ઘરે રહેવાનું કહેવામાં આવ્યું હતું અને તેના પરિવાર સિવાય કોઈએ તેને ટેકો આપ્યો ન હતો, પરંતુ ઓડિશા (Odisha ) ની તાહિરા ખાતૂન (Wrestler Tahira Khatun) પણ ધૂન પર અડગ હતી અને તેણે તેના ‘ધર્મ’નું પાલન કરીને પોતાનામા રમતને જીવંત રાખી હતી. તેણે પોતાનો જુસ્સો પણ જાળવી રાખ્યો હતો. ઓડિશામાં કુસ્તી એ લોકપ્રિય રમત નથી અને મુસ્લિમ પરિવારની તાહિરા જાણતી હતી કે તેનો માર્ગ પડકારોથી ભરેલો હશે પરંતુ તેણે હાર માની નહીં.

પોતાના રાજ્યમાં અત્યાર સુધી અજેય રહેલી તાહિરા રાષ્ટ્રીય સ્તરે સફળતા મેળવી શકી નથી. કટકમાં ક્લબમાં પ્રેક્ટિસ કરવા માટે તેને મજબૂત જોડીદાર નહોતો મળ્યો કે સારો આહાર પણ મળ્યો ન હતો. રાષ્ટ્રીય ચેમ્પિયનશિપ (National Wrestling Championship) માં નિષ્ફળ જવા છતાં તે ઉદાસ નથી, પરંતુ મેટ પર પહોંચવા થી જ તેની આંખોમાં ચમક આવી જાય છે. તેણે મીડિયા રિપોર્ટમાં કહ્યું, ‘મેં કુસ્તી સાથે લગ્ન કર્યા છે. જો હું લગ્ન કરીશ તો મને કુસ્તી છોડી દેવાનું કહેવામાં આવશે અને તેથી જ હું લગ્ન કરવા માંગતી નથી.

સંબંધીઓ અને પડોશીઓ ગાળો આપે છે

રેસલરે કહ્યું, મારા ત્રણ સાથી કુસ્તીબાજોના લગ્ન થઈ ગયા છે અને હવે તેઓ પરિવારના દબાણને કારણે રમતા નથી. હું નથી ઈચ્છતી કે મારી સાથે આવું થાય. મેં શરૂઆતથી જ ઘણી મુશ્કેલીઓનો સામનો કર્યો છે. સંબંધીઓ અને પડોશીઓ હંમેશા મને નિરાશ કરતા. તેઓ ઈચ્છતા હતા કે હું ઘરમાં જ રહું પરંતુ મારી માતા સોહરા બીબીએ મને ટેકો આપ્યો. જ્યારે તાહિરા 10 વર્ષની હતી ત્યારે તેના પિતાનું અવસાન થયું, તેના ભાઈઓ (ઓટો ડ્રાઈવર અને ચિત્રકાર) ઉપરાંત કોચ રાજકિશોર સાહુએ તેમને મદદ કરી. તેણે કહ્યું, ‘કુસ્તીથી મને આનંદ મળે છે. હું રાષ્ટ્રીય ચેમ્પિયનશિપમાં સારું નથી રમી શકીતો શુ વાંધો, રમવાનો મોકો તો મળ્યો. મે્ટ પર પગ મુકીને જ હું આનંદ અનુભવું છું.

નેશનલ ચેમ્પિયનશિપમાં કમાલ નથી બતાવી શકી

તાહિરા ગોંડામાં નેશનલ ચેમ્પિયનશિપમાં 65 કિગ્રા વર્ગના પ્રથમ રાઉન્ડમાં જ હારી ગઈ હતી. પિતાના અવસાન બાદ ડિપ્રેશનને દૂર કરવા માટે ટેનિસ રમતી તાહિરાને રેસલિંગ કોચ રિહાન્નાએ આ રમતમાં આવવા માટે કહ્યું હતું. એક મહિનાની પ્રેક્ટિસ પછી, તેણીએ જિલ્લા ચેમ્પિયનશિપ જીતી અને ત્યારબાદ ક્યારેય પાછળ વળીને જોયું નથી. તાહિરા રમતગમતની સાથે પોતાના લોકોને ખુશ રાખવા માંગે છે. તેણે કહ્યું, ‘હું જ્યારે કટક જાઉ છું ત્યારે બુરખો પહેરું છું. મારે કરિયરની સાથે મારો ધર્મ પણ બચાવવાનો છે. જ્યારે હું રમવા માટે બહાર જાઉં છું ત્યારે હું જે જરૂરી હોય તે પહેરું છું પણ હું મારા વડીલોનું અપમાન કરતી નથી. ધર્મની પણ જરૂર છે અને કર્મની પણ.

તાહિરા નોકરી શોધી રહી છે

તાહિરાએ કહ્યું, ‘મારે નોકરી મેળવવી છે. ગાર્ડ ની પણ ભલે હોય. હું યોગ શીખવીને મારો ખર્ચ નિકાળી રહી છુ અને લોકોને ફિઝિયોથેરાપી માટે પણ મદદ કરું છું. આ હું જાતે શીખી છું. પણ મારો ભાઈ ક્યાં સુધી મારો ખર્ચ ઉઠાવશે? મને નોકરીની સખત જરૂર છે.’ તેને પ્રોટીન ફૂડ કે ડ્રાયફ્રૂટ્સ પૂરતા નથી. શાકભાજી અને ચોખા પર તેનો નિર્વાહ રહે છે. જેના કારણે શરીરમાં કેલ્શિયમ અને હિમોગ્લોબિનની ઉણપ થાય છે. તે પોતાના જુસ્સાના બળ પર, તાકાતની આ રમતમાં ટકી રહે છે.

આ પણ વાંચોઃ  SMAT 2021: બોલરોએ પણ જબરદસ્ત પ્રદર્શન વડે જમાવ્યુ આકર્ષણ, હવે IPL ઓક્શનમાં આ ખેલાડીઓ પર થશે ધનવર્ષા

આ પણ વાંચોઃ  SMAT 2021: બોલરોએ પણ જબરદસ્ત પ્રદર્શન વડે જમાવ્યુ આકર્ષણ, હવે IPL ઓક્શનમાં આ ખેલાડીઓ પર થશે ધનવર્ષા