National Games 2022 : ગુજરાત સરકાર રમત ગમત અને યુવા સાંસ્કૃતિક વિભાગ તથા સ્પોર્ટસ ઓથોરીટી ઓફ ગુજરાત, દ્વારા રાજ્યમાં પ્રથમવાર યોજાનાર 36 મી નેશનલ ગેમ્સ-2022 (National Games 2022)નુ આયોજન આગામી તા. 27-9 થી તા. 10-10 સુધી થનાર છે. ત્યારે ભાવનગરમાં નેટબોલ, બાસ્કેટબોલ અને વોલીબોલની રમત સ્પોર્ટ્સ કોમ્પ્લેક્સ ખાતે રમાડવામાં આવશે. આજથી નેટબોલ રમતની શરૂઆત ભાવનગર ખાતે શરુ થઈ છે. ગુજરાતની ટીમે ટેબલ ટેનિસમાં શાનદાર શરૂઆત કરી હતી તેથી ગુજરાતના સ્પોર્ટ્સ ચાહકો વચ્ચે આ રમતો ને લઇ જબરદસ્ત ઉત્સાહ જોવા મળશે. આજે નેટબોલ (Netball)ની રમત ભાવનગરના એમપીએચ, એસસીબી વેન્યુ 1 ખાતે રમાશે. ભાવનગરમાં યજમાન ગુજરાતની પુરૂષ ટીમ નેટબોલમાં પ્રથમ રાઉન્ડ મેચ રમવા મેદાન પર ઉતરશે. ગુજરાત સ્પર્ધાની શરૂઆતની મેચમાં વર્તમાન રાષ્ટ્રીય ચેમ્પિયન હરિયાણા સામે ટકરાશે. ત્યારબાદ ગુજરાતની મહિલા ટીમ પંજાબ સામે રમવા મેદાનમાં ઉતરશે.
રાજ્યમાં 7 વર્ષ બાદ નેશનલ ગેમ્સનું આયોજન કરવામાં આવ્યું છે. રાજ્યમાં તારીખ 29 સપ્ટેમ્બરથી તારીખ 12 ઓગસ્ટ દરમિયાન યોજાનાર નેશનલ ગેમ્સમાં તારીખ 29મીએ અમદાવાદ ખાતેના નરેન્દ્ર મોદી સ્ટેડિયમમાં ઓપનિંગ સેરેમરી યોજાશે. આ ગેમ્સમાં 7000 ખેલાડી સહિત 13 હજારથી વધુ તેની સાથે સંકળાયેલા ઓફિશિયલ્સ ભાગ લેશે. જેમાં અમદાવાદમાં 16 રમતો 6 સ્થળે યોજશે. જેમાં 7100 ખેલાડી ભાગ લેશે. જ્યારે તારીખ 12મી ઓક્ટોબરના રોજ સુરતમાં ક્લોઝિંગ સેરેમની યોજાશે. સુરતમાં પણ 4 રમત બે સ્થળે યોજાશે. જેમાંથી ટેબલ ટેનિસની રમત રમાઈ ચૂકી છે.
Have a look👀 at the Schedule of Netball and Kabaddi starting tomorrow, 26th September 🤩at #NationalGames2022
Send in your best wishes for teams participating and keep on cheering🥳#36thNationalGames pic.twitter.com/OvW1MjqnE2
— SAI Media (@Media_SAI) September 25, 2022
નેશનલ ગેમ્સની 36 રમતો 7 શહેરમાં રમાડવાનું આયોજન છે. જેમાં કબડ્ડી, ખોખો, નેટબોલ, રોલર સ્કેટિંગ, તિરંદાજી, એથ્લેટિક્સ, બેડમિન્ટન, બાસ્કેટબોલ બોક્સિંગ, સાયકલિંગ, ફેન્સીંગ હોકી, ફૂટબોલ, જીમનેસ્ટીક, સ્કેટ બોર્ડિંગ, સોફ્ટબોલ, સ્વિમિંગ ટેનિસ ટ્રાય થોન વોલીબોલ, યોગાસન વગેરેનો સમાવેશ થાય છે.
36મી નેશનલ ગેમ્સમાં સોમવારે અમદાવાદ ખાતે કબડ્ડી રમતની શરૂઆત થઈ ગઈ છે અને નેટબોલ રમતની શરૂઆત ભાવનગર રમાઈ રહી છે. આ બે રમતની શરૂઆત સાથે હવે નેશનલ ગેમ્સ વધુ જોર પકડશે તેવી સંભાવના છે.