ભારતીય હોકી ટીમ (Hockey India) એ એશિયા કપ 2022 (Asia Cup Hockey 2022) ની સુપર-4 ની છેલ્લી મેચમાં દક્ષિણ કોરિયા (South Koria) સામે 4-4 થી ડ્રો રમી હતી. આ મેચ ટાઈ થતાં ભારતની ફાઇનલમાં પહોંચવાની આશા પણ સમાપ્ત થઈ ગઈ છે. ભારતીય ટીમ હવે બુધવારે ત્રીજા સ્થાન માટે જાપાન સામે ટકરાશે. તમને જણાવી દઈએ કે આ ટૂર્નામેન્ટમાં લીડ લીધા બાદ ફરી એકવાર ભારતીય ટીમ જીતવામાં નિષ્ફળ રહી છે.
વધુ સારા ગોલ તફાવતને કારણે દક્ષિણ કોરિયા ફાઇનલમાં પહોંચી ગયું. જ્યાં તેનો સામનો મલેશિયા સાથે થશે. આ સાથે જ ભારત હવે કાંસ્ય પદક (Bronze Medal) માટે જાપાન સામે ટકરાશે. ભારતીય ટીમ માટે નીલમ સંજીપે 8મી મિનિટે ભારત માટે પહેલો ગોલ કર્યો. ત્યાર બાદ કોરિયાએ 2 ગોલ કર્યા અને ત્યાર બાદ 20મી મિનિટે મનિન્દર સિંહે ગોલ કરીને સ્કોર બરાબર પર કર્યો હતો.
શેષે ગૌડાએ ઓછા સમયમાં ભારતને લીડ અપાવી હતી. પરંતુ કોરિયાના કિમે 27 મી મિનિટે ગોલ કરીને સ્કોર ફરીથી બરાબરી કરી દીધો હતો. ત્રીજા ક્વાર્ટરમાં મરીસ્વરન શક્તિવેલે ગોલ કરીને ભારતને લીડ અપાવી હતી. આ પછી સાઉથ કોરિયાના જંગ માંજેએ ફરી ગોલ કરીને સ્કોર બરાબરી કરી લીધો હતો. ચોથા ક્વાર્ટરમાં કોઈ ગોલ થયો ન હતો અને મેચ 4-4 ની બરાબરી પર સમાપ્ત થઈ હતી.
A scintillating game ends in a DRAW!! 💙
IND 4:4 KOR #IndiaKaGame #HockeyIndia #HeroAsiaCup #MatchDay #INDvsKOR @CMO_Odisha @sports_odisha @IndiaSports @Media_SAI pic.twitter.com/eor7QdAZuB
— Hockey India (@TheHockeyIndia) May 31, 2022
સુપર-4 ના પોઈન્ટ ટેબલમાં મલેશિયા, દક્ષિણ કોરિયા અને ભારત તમામના 5-5 પોઈન્ટ હતા. પરંતુ વધુ સારા ગોલ ડિફરન્સના કારણે કોરિયા ફાઇનલમાં પહોંચી ગયું હતું. ભારતનો ગોલ તફાવત +1 હતો અને બીજા ક્રમે રહેલા કોરિયાનો ગોલ તફાવત +2 હતો. ભારતીય ટીમે અગાઉ સુપર-4 માં જાપાનને 2-1 થી હરાવ્યું હતું અને મલેશિયા સાથે મેચ 3-3 થી ડ્રો રમી હતી. આ ટેબલમાં ત્રણેય મેચ હાર્યા બાદ જાપાન 0 પોઈન્ટ સાથે છેલ્લા એટલે કે ચોથા સ્થાને છે. હવે બુધવારે સાંજે 4 વાગ્યાથી ભારત અને જાપાન વચ્ચે બ્રોન્ઝ મેડલ માટે મેચ રમાશે. તે જ સમયે સાંજે 6.30 વાગ્યાથી ફાઇનલ મેચ મલેશિયા અને દક્ષિણ કોરિયા વચ્ચે રમાશે.