ભારતીય પુરૂષોની કમ્પાઉન્ડ તીરંદાજી ટીમે તીરંદાજી વર્લ્ડ કપ (Archery World Cup)ના બીજા તબક્કામાં ક્વાર્ટર ફાઈનલમાં વિશ્વની નંબર વન યુએસ ટીમ અને સેમિફાઈનલમાં દક્ષિણ કોરિયાને હરાવીને ઓછામાં ઓછું સિલ્વર મેડલ મેળવવા માટે શાનદાર પ્રદર્શન કર્યું. અભિષેક વર્મા, અમન સૈની અને રજત ચૌહાણે ક્વાર્ટર ફાઈનલમાં અમેરિકાને 234-238થી હરાવવા માટે અપેક્ષા કરતાં વધુ સારું પ્રદર્શન કર્યું હતું. આ પછી શૂટ-ઓફમાં દક્ષિણ કોરિયાને હરાવીને તેણે ફાઈનલમાં જગ્યા બનાવી, જ્યાં તેનો સામનો વિશ્વની ચોથા નંબરની ટીમ ફ્રાન્સ સાથે થશે.
ત્યારબાદમાં અવનીત કૌર, મુસ્કાન કિરાર અને પ્રિયા ગુર્જરની મહિલા કમ્પાઉન્ડ ટીમ સેમિફાઈનલમાં દક્ષિણ કોરિયા દ્વારા 2 પોઈન્ટથી હારી હતી. પરંતુ તુર્કીને 232-231થી હરાવીને બ્રોન્ઝ મેડલ જીત્યો હતો. આ અગાઉ મેન્સ કમ્પાઉન્ડ ટીમે અણધાર્યા દેખાવ સાથે ક્વાર્ટર ફાઈનલમાં જીત મેળવી હતી. 2 પોઈન્ટથી વાપસી કરીને તેણે સેમિફાઈનલમાં શૂટ-ઓફમાં કોરિયાના કિમ જોંગહો, ચોઈ યોંગહી અને યાંગ જેવોનને 233 -233 (29-26)થી હરાવ્યા હતા.
એક પોઈન્ટની લીડ સાથે શરૂઆત કર્યા બાદ ભારતીય ટીમ આગામી 2 રાઉન્ડમાં 174-176થી હારી ગઈ હતી. ચોથા મુકાબલામાં કોરિયાને 59-57થી હરાવ્યા બાદ સ્કોર 233-233ની બરાબરી પર રહ્યો હતો. શૂટ-ઓફમાં કોરિયન ટીમ દબાણનો સામનો કરી શકી ન હતી અને એક તીર બહારના લાલ વર્તુળ (સાત પોઈન્ટ) પર વાગ્યું હતું. ભારતીયોએ બે X (કેન્દ્રની નજીક) મૂકીને ઓછામાં ઓછું સિલ્વર સુનિશ્ચિત કર્યું.
India will shoot for gold AGAIN on the #ArcheryWorldCup this Saturday morning in Gwangju. 🥇
Huge performance from Abhishek Verma, Rajat Chauhan and Aman Saini. 🇮🇳👏👏 pic.twitter.com/phmWWsWH5b
— World Archery (@worldarchery) May 18, 2022
First team medals in Gwangju.
🥉 🇮🇳 Indian compound women
🥉 🇰🇷 Korean compound men#ArcheryWorldCup pic.twitter.com/00tGpj1V5k— World Archery (@worldarchery) May 18, 2022
ભારતે અંતિમ 16માં ઈટાલીને 235-229થી હરાવ્યું હતું. મહિલા કમ્પાઉન્ડ ટીમમાં ભારતને ક્વાર્ટર ફાઈનલ સુધી બાય મળ્યો હતો. છેલ્લા આઠમાં ભારતે ચાઈનીઝ તાઈપેઈને 228-226થી હરાવ્યું હતું. પરંતુ સેમિફાઈનલમાં કોરિયા સામે 228-230થી હાર્યું હતું.