Forbes Highest Paid Female Athlete: નાઓમી (naomiosaka)એ 424 કરોડ રૂપિયાની કમાણી કરી, જે એક કેલેન્ડર વર્ષમાં કોઈપણ મહિલા ખેલાડીની રેકોર્ડ કમાણી છે.સેરેના 340 કરોડ સાથે બીજા અને સિંધુ 53 કરોડ સાથે સાતમા ક્રમે છે
જાપાનની ટેનિસ ખેલાડી નાઓમી ઓસાકા વર્ષ 2021માં વિશ્વની સૌથી વધુ કમાણી કરનાર મહિલા ખેલાડીઓમાં ટોચ પર છે. ફોર્બ્સની ટોપ ટેન સૌથી વધુ કમાણી કરનાર મહિલા ખેલાડીઓની યાદીમાં ભારતીય શટલર પીવી સિંધુ (pvsindhu)સાતમા નંબરે છે.
દસમાંથી ટોચના ત્રણ ખેલાડીઓ સહિત કુલ પાંચ ટેનિસ ખેલાડી (Tennis player)ઓ છે. બે ગોલ્ફરો જ્યારે એક-એક ખેલાડી જિમ્નેસ્ટિક્સ, બેડમિન્ટન અને બાસ્કેટબોલ ખેલાડી છે. ટોચના દસ ખેલાડીઓએ મળીને ગયા વર્ષે લગભગ રૂ. 1,238 કરોડ (167 મિલિયન)ની કમાણી કરી હતી, જે પાછલા વર્ષ કરતાં 23 ટકા અને 2013 કરતાં 16 ટકાનો વધારે છે. નાઓમીએ ગયા વર્ષે પ્રાઈઝ મની અને એન્ડોર્સમેન્ટ્સમાંથી આશરે રૂ. 424 કરોડ (57.3 મિલિયન)ની કમાણી કરી હતી, જે એક કેલેન્ડર વર્ષમાં મહિલા ખેલાડી માટે સૌથી વધુ છે. વિલિયમ્સ બહેનો સેરેના અને વિનસ અનુક્રમે બીજા અને ત્રીજા સ્થાને છે. સિંધુ લગભગ રૂ. 53 કરોડ (7.2 મિલિયન) સાથે સાતમા નંબરે છે.
સૌથી વધુ કમાણી કરનાર ખેલાડીઓ
ખેલાડી | રમત | દેશ | કમાણી |
નાઓમી ઓસાકા | ટેનિસ | જાપાન | 424 કરોડ (57.3 મિલિયન ડોલર) |
સેરેના વિલિયમ્સ | ટેનિસ | યુએસ | 340 કરોડ (45.9 મિલિયન ડોલર) |
વિનસ વિલિયમ્સ | ટેનિસ | યુએસ | 84 કરોડ (11.3 મિલિયન ડોલર) |
સિમોન બાઇલ્સ | જિમ્નેસ્ટિક્સ | યુએસ | 75 કરોડ ( 10.1 મિલિયન ડોલર ) |
ગાર્બાઈન મુગુરુઝા | ટેનિસ | સ્પેન | 65 કરોડ (8.8 મિલિયન ડોલર) |
જિન યંગ કો | ગોલ્ફ | દક્ષિણ કોરિયા | 56 કરોડ (7.5 મિલિયન ડોલર) |
પીવી સિંધુ | બેડમિન્ટન | ભારત | 53 કરોડ (7.2 મિલિયન ડોલર) |
એશલેહ બાર્ટી | ટેનિસ | ઓસ્ટ્રેલિયા | 51 કરોડ (6.9 મિલિયન ડોલર) |
નેલી કોર્ડા | ગોલ્ફ | યુએસ | 44 કરોડ (5.9 મિલિયન ડોલર) |
કેન્ડેસ પાર્કર | બાસ્કેટબોલ | અમેરિકા | 42 કરોડ (5.7 મિલિયન ડોલર) |
આ પણ વાંચોઃ
આ પણ વાંચોઃ