ભારત અને પાકિસ્તાનની મેચમાં ધોનીએ બનાવ્યો માત્ર 1 રન, કોઈ કેચ કે સ્ટંપિંગ નથી કર્યુ તે છતાં ધોનીએ તોડી દીધો આ રેકોર્ડ

વિશ્વ કપ 2019ના સૌથી મોટા મુકાબલામાં ભારતે પાકિસ્તાનની સામે 89 રનથી જીત મેળવી છે. ત્યારે આ મેચમાં ધોની(M S Dhoni)એ મેદાન પર ઉતરવાની સાથે જ એક નવો રેકોર્ડ બનાવી દીધો છે. હવે ભારત માટે સૌથી વધારે વન-ડે રમનારા ક્રિકેટર્સના લિસ્ટમાં બીજા નંબર પર ધોનીનું નામ છે.

આ ધોનીની 341મી વન-ડે મેચ હતી. તેમને રાહુલ દ્રવિડ(Rahul Dravid)ને પાછળ છોડી દીધા છે. દ્રવિડે ભારત માટે 340 વન-ડે મેચ રમ્યા છે. ભારત માટે સૌથી વધારે વન-ડે મેચ રમવાનો રેકોર્ડ સચિન તેંડુલકર(Sachin Tendulkar)ના નામે છે. તે 463 વન-ડે મેચ રમનારા વિશ્વના એકમાત્ર ખેલાડી છે.

મોહમ્મદ અજહરદ્દીન 334 વન-ડે મેચ રમવાની સાથે આ લિસ્ટમાં ચોથા સ્થાને છે. પૂર્વ કેપ્ટન સૌરવ ગાંગૂલી(Saurav Ganguli)એ ભારત માટે 308 વન-ડે રમી છે અને તે પાંચમાં નંબર પર છે. ત્યારબાદ હાલમાં જ નિવૃત થયેલા ઓલરાઉન્ડર ખેલાડી યુવરાજ સિંહ(Yuvraj Singh)નો નંબર આવે છે. તેમને ભારત માટે 301 વન-ડે મેચ રમી છે.

ધોનીએ કુલ 344 વન-ડે રમી છે. તેમાં તેમને 341 વન-ડે ભારત માટે અને બાકી મેચ એશિયા ઈલેવન માટે રમી છે. ધોનીના નામે 10,562 રન નોંધાયેલા છે. તેમને વન-ડેમાં 315 કેચ પક્ડયા છે અને 121 સ્ટંપિંગ કર્યા છે.

આ પણ વાંચો: આજે દેશભરમાં ડૉક્ટરોની હડતાલ, ઈમરજન્સી સારવાર માટે આ જગ્યાએ જઈ શકો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]