મારાડોનાને શ્રદ્ધાંજલી આપવા માટે મેદાન પર જર્સી ઉતારનાર મેસી દંડાયો, ક્લબને પણ દંડનો ફટકાર

ગત સપ્તાહે અવસાન પામેલા પ્રસિદ્ધ ફુટબોલ ખેલાડી ડિએગો મારાડોનાને શ્રદ્ધાંજલી આપવી આર્જેન્ટીનાના ખેલાડીને ભારે પડી ગયુ છે. મારાડોનાને શ્રદ્ધાંજલી આપવા માટે આર્જેન્ટીના ના ફુટબોલ ખેલાડી લિયોનેલ મેસીએ પોતાની ટીમની અધીકારીક જર્સી ઉતારી દીધી હતી. તેની આ જર્સી ઉતારી દેવાની હરકતને લઇને તેની પર 600 યુરોનો દંડ લગાવવામાં આવ્યો છે.

ફુટબોલ મહાસંઘ દ્રારા મેસીની સાથે બાર્સિલોના ને પણ 180 ડોલરનો દંડ કરવામાં આવ્યો હતો. મેસીને આ માટે પીળુ કાર્ડ પણ દર્શાવવામા આવ્યુ હતુ. તે અને ક્લબ આ નિર્ણયની સામે અપીલ કરી શકે છે. સ્પેનિશ ફુટબોલ મહાસંઘ ની પ્રતિસ્પર્ધા સમિતિ એ સ્પેનિશ લીગમાં ઓસાસુના પર બાર્સીલોનાએ 4-0 થી જીત મેળવ્યા બાદ આ દંડ કરવામાં આવ્યો હતો.

આર્જેન્ટીના ના સ્ટાર મેસ્સીએ ગોલ કરવાના બાદમાં બાર્સીલોનાની જર્સી ઉતારીને મારાડોનાની જુની ક્લબ નેવેલ્સ ઓલ્ડ બોયઝની જર્સી પહેરી લીધી હતી. જેના પછી બંને હાથ આસમાન તરફ ઉઠાવીને ઇશારો પણ કર્યો હતો. મેચ પછી મેસીએ પોતાની તસ્વીર ની સાથે મારાડોનાની તસ્વીર પોસ્ટ કરીને લખ્યુ હતુ કે, ફેયરવેલ ડિએગો.

https://twitter.com/LaLiga/status/1334437218518069249?s=20