IPL 2026 MI vs RR: ESA પહેલ હેઠળ 20 હજારથી વધુ બાળકો માટે આજની મેચ બનશે અવિસ્મરણીય !

ESA (Education and Sports for All) પહેલનું દ્રષ્ટિકોણ શ્રીમતી નીતા એમ. અંબાણી દ્વારા રજૂ કરવામાં આવ્યું હતું. આ વર્ષે નેશનલ એસોસિએશન ફોર ધી બ્લાઇન્ડના (NAB) 100 દૃષ્ટિહીન બાળકો, બહેરા બાળકો જેવા અનેક મિત્રો આજના મેચનો અનુભવન કરશે. મુંબઈ, મહારાષ્ટ્ર અને ગુજરાતથી 20,000થી વધુ બાળકો આજની મેચ જોવા આવશે. જેમાં 200થી વધુ ખાસ જરૂરિયાત ધરાવતા બાળકો પણ સામેલ છે.

ESA મેચ આપણા બધા માટે એક ખાસ રમત: સચિન તેંડુલકર

ESA મેચ પહેલા બોલતા સચિન તેંડુલકરે કહ્યું કે વાનખેડે ખાતે ESA મેચ આપણા બધા માટે એક ખાસ રમત છે. મને હજુ પણ યાદ છે કે મેં 1983 માં બાળપણમાં વાનખેડે ખાતે મેચ જોઈ હતી અને તે યાદો હંમેશા મારી સાથે રહી છે મને ખાતરી છે કે આ બાળકો પણ આ ક્ષણોને જીવનભર પોતાની સાથે રાખશે.

#OneFamilyની લાગણી

ESAને ખરેખર ખાસ બનાવે છે એ વાત કે સમગ્ર મુંબઈ શહેર હજારો બાળકો માટે આ જીવનનો એકવાર મળતો અનુભવ સર્જવા માટે એક થાય છે. ખેલાડીઓ અને ચાહકોથી લઈને સ્વયંસેવકો, NGO અને ભાગીદાર સંગઠનો દરેક વ્યક્તિ #OneFamily ની ભાવનાને સમર્થન આપે છે.

બાળકો માટે આજનો દિવસ અવિસ્મરણીય

500થી વધુ BEST અને ખાનગી બસો મુંબઈ અને મહારાષ્ટ્રમાં બાળકોને પરિવહન કરશે જેમાં તબીબી ટીમો, પોલીસ કર્મચારીઓ, ટ્રાફિક અધિકારીઓ, NGO અને રિલાયન્સના 2,000થી વધુ સ્વયંસેવકો, 1,00,000+ ફૂડ બોક્સ અને વિશાળ ઓન ગ્રાઉન્ડ સપોર્ટ સ્ટાફનો સમાવેશ થવાનો છે. આ દરેક લોકો સાથે મળીને બાળકોની સેફ્ટી અને તેમનો આજનો દિવસ અવિસ્મરણીય બનાવવા માટે કામ કરશે.

ESA શું છે?

રિલાયન્સ ફાઉન્ડેશન અને મુંબઈ ઇન્ડિયન્સ દ્વારા સંચાલિત ESA આ એક ખાસ પહેલ છે. જે બાળકોના શિક્ષણ અને રમતગમતના વિકાસ માટે કાર્ય કરે છે. જ્યારે બાળકો આખરે વાનખેડેમાં પ્રવેશ કરે છે ત્યારે સૌથી મોટો ઉત્સાહ ફક્ત બાઉન્ડ્રી અથવા વિકેટ માટે નહીં પરંતુ સપના, શિક્ષણ અને રમતગમતના માન્યતા માટે હોય છે જે ખરેખર જીવન બદલી શકે છે. છેલ્લા 16 વર્ષોમાં રિલાયન્સ ફાઉન્ડેશનની ESA પહેલોએ ભારતના 28 રાજ્યોમાં 29 મિલિયનથી વધુ બાળકોને પ્રભાવિત કર્યા છે.

આ પણ વાંચો, IPL 2026 : શ્રેયસ અય્યરની સદીથી PBKSની જીત, લખનૌને હરાવ્યા બાદ પંજાબની નજર હવે RR પર